Jakari 1:6 - Maktub gə́ To gə Kəmee

⁶ Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Jakari 1:6 ပူးပေါင်းရင်းမြစ်များ

2 Mbaije 15:12

Togə́bè ɓa né gə́ Njesigənea̰ pa taree njaŋg ar Jehu lé aw lée’g béréré mbata yeḛ pana: Ŋganeeje d’a si dɔ kalimbai’g lə Israɛlje saar ŋgakeaje-je gə́ njekɔm’g sɔ lé.

Maktub gə́ wɔji dɔ Jɔb 6:29

Maji kar sí telje dɔ taje’g lə sí, Maji kar sí gaŋgje ta gə́ gə goo rəbee el lé bèe el. Maji kar sí telje dɔ taje’g lə sí Ndá seḭ a gərje to gə́ ta wa dɔm el.

Esai 21:17

Ges njérɔ gə ɓandaŋgje gə́ to njésiŋgamoŋje mbuna ŋgalə Kedar’g lé d’a nai jebəre ba mbata Njesigənea̰, Ala lə Israɛlje lé ɓa pa bèe.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Esai 55:1

Seḭ lai gə́ kṵdaman tɔl sí lé Gə́ reeje ta mán’g, Seḭ gə́ lar lə sí godo kara Gə́ reeje, taaje nésɔ sɔje! Gə́ reeje taaje mán-nduú gə mbà aije! Lal laree ləm, lal kuga ɓaŋgee ləm tɔ

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Jeremi 23:20

Oŋg lə Njesigənea̰ a kwəi bèm el saar Karee tɔl ne ta néje Gə́ yeḛ wɔji mée’g gə mba ra lé. Ndɔje gə́ gogo ɓa seḭ a gərje ɓəi.

Jeremi 26:15

Nɛ ooje maji, ɓó lé seḭ tɔlmje ndá seḭ taaje məs yeḛ gə́ ta wa dəa el lé ilaje dɔ sí-seḭ’g ya ləm, gə dɔ ɓee-boo’g nee ləma, gə dɔ njé gə́ d’isi keneŋ ləm tɔ, mbata tɔgərɔ ya, Njesigənea̰ ulam rɔ sí’g mba karm m’ila taje lai neelé mbi sí’g ya.

Jeremi 28:17

Yen ŋga Hanania, njetegginta lé wəi mee ləbee gə́ nee ya, mee naḭ gə́ njekɔm’g siri’g.

Jeremi 32:24

Aa oo, d’uba dɔndalje mba taa ne ɓee-boo lé. Ɓee-boo neelé a koso meḛ ji Kaldeje gə́ ree rɔ səa ndá d’a dum dee gə kiambas ləm, gə ɓoo-boo ləma, gə yoo-koso ləm tɔ. Ta gə́ i pa lé aw lée’g béréré ari oo ya.

Jeremi 36:28

Un maktub gə́ kə́ na̰’d gə́ raŋg ndá ndaŋg taje lai gə́ to mee maktub gə́ kédé gə́ Jojakim, mbai gə́ Juda roo lé keneŋ.

Jeremi 39:16

Aw ula Ebed-Melek, dəw gə́ Etiopi pana: Njesigənea̰ gə́ njeboo-néje gə́ to Ala lə Israɛlje lé pa togə́bè pana: Aa oo, néje gə́ m’a karee ree dɔ ɓee-boo’g neelé to néje gə́ majel gə́ m’ila mberee lé ɓó to néje gə́ maji ɓa el. Néje neelé d’a ree mee ndəa’g neelé kari oo dee gə kəmi ya.

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 44:2

Njesigənea̰ gə́ njeboo-néje gə́ to Ala lə Israɛlje pa togə́bè pana: Seḭ ooje némeekonje lai gə́ m’aree teḛ dɔ Jerusalem’g gə dɔ ɓee-booje lai gə́ Juda. Aa ooje, ɓogənè ɓee-booje neelé to dɔ nduba ləm, dəw kára kara si keneŋ el ləm tɔ,

Jeremi 44:28

Deḛ gə́ jebəre ba bèe gə́ d’a teḛ ta kiambas’g lé d’a kḭ mee ɓee gə́ Ejiptə tel kaw mee ɓee gə́ Juda gogo. Nɛ ges Judaje lai gə́ d’aw d’isi mee ɓee gə́ Ejiptə lé d’a koo see ta ləm əsé ka̰ dee-deḛ ɓa a kaw lée’g béréré wa.

Jeremi 44:29

Njesigənea̰ pana: Aa ooje, nétɔji gə́ a kar sí gərje to gə́ m’a gə kar bo̰ néra sí ɔs ta sí’g lée’g neelé gə mba kar sí gərje ne to gə́ taje ləm a kaw ne lée’g béréré dɔ sí’g kar sí síje ne dan némeeko̰’g lé ɓa nee:

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Jeremi 5:14

Gelee gə́ nee ɓa Njesigənea̰ Gə́ njeboo-néje gə́ dara pa ne pana: Mbata ta gə́ seḭ paje neelé Aa ooje, ma m’ndigi kar ta ləm To to gə́ pər bèe tam’g ləm, Ma m’ndigi kar koso-dəwje neelé To to gə́ kir gə mba kar pər neelé roo dee ləm tɔ.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 3:42

Jeḛ lé n’toje njékaiyaje gə njékɔsta-rəwje! I lé i ar məəi oso lemsé dɔ sí’g el.

Ejekel 20:43

Lée neelé ɓa meḛ sí a kolé dɔ panjaa’g lə sí ləm, gə dɔ néje lai gə́ seḭ raje arje rɔ sí mina̰ ne ləm tɔ. Seḭ nja kara a kooje rɔ sí gə́ né gə́ to kḛji mbata néje lai gə́ mina̰ gə́ seḭ raje lé.

Ejekel 37:11

Yeḛ ulam pana: I ŋgon-dəw lé siŋgaje neelé to gel-bɔje lə Israɛl bura. Aa oo, deḛ pana: Siŋga rɔ síje tudu ɔr ndá sál-sál ləm, nékunda-mee-yel dɔ’g lə sí tuji ləma, jeḛ kara n’tujije ləm tɔ.

Loo gə́ killa rea kəm Daniel’g 4:28

Loo gə́ ta nai ta mbai’g ya ɓəi ndá ndu ḭ dara ɓar pana: I mbai Nebukadnesar lé oo maji, d’a gə kɔr ɓeeko̰ lé jii’g.

Ojee 5:9

Ndɔ gə́ m’a kar bo̰ néra dee ɔs ta dee’g Ndá Eprayimje d’a godo péd-péd, Ma m’ula ginkoji Israɛlje né gə́ a teḛ tɔgərɔ ya.

Ojee 9:15

Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Amɔs 9:10

Njékaiyaje lai mbuna koso-dəwje’g lə neḛ lé D’a kwəi yoo-kiambas, Deḛ gə́ pa pana: Némajel a tibi mbɔr neḛje el ləm, A teḛ dɔ neḛje’g el ləm tɔ lé.

Jakari 1:7

Ndɔ gə́ njekɔm’g rɔ-joo-giree-sɔ lə naḭ gə́ njekɔm’g dɔg-giree-kára gə́ to naḭ Sebat, mee ləb ko̰ɓee’g lə Darius gə́ njekɔm’g joo lé Njesigənea̰ ula Jakari ŋgolə Berekia, ŋgolə Ido, njetegginta lé ta gə rɔtaje neelé pana:

Malasi 3:18

Ndá seḭ a tel kooje loo to ɓəd lə njemeekarabasur gə njemeeyèr ləm, gə loo to ɓəd lə dəw gə́ njera né kar Ala gə yeḛ gə́ ra né aree el ləm tɔ.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Bula lə Israɛlje 32:23

Nɛ ɓó lé seḭ raje togə́bè el ndá seḭ raje kaiya ɔsje ne Njesigənea̰ rəw, tɔɓəi maji kar sí gərje gao, bo̰ kaiya ra sí a gə kɔs ta sí’g ya.

Bula lə Israɛlje 33:56

Togə́bè ɓa né gə́ m’wɔji mba ra sə dee lé ma ra sə sí-seḭ ya tɔ.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Tel tura Godndu 28:15

Nɛ ɓó lé seḭ ilaje koji dɔ torndu Njesigənea̰ Ala’g lə sí el ləm, ɓó lé seḭ aaje dɔ ndukunje ləa gə godndiaje lai gə́ ma m’un m’ar sí ɓogənè el ləm tɔ ndá, aa ooje, ndɔlje gə́ d’a kwa dɔ sí ɓa to nee:

Tel tura Godndu 28:2

Aa ooje ndutɔrje lai gə́ d’a ree dɔ sí’g ləm, d’a kai na̰ dɔ sí’g loo gə́ seḭ a kilaje ŋgonkoji dɔ tapa Njesigənea̰ Ala’g lə sí ləm tɔ ɓa to nee:

Tel tura Godndu 28:20

Njesigənea̰ a kula gə néndɔlje, gə néjɔgje gə́ d’a ŋgəḭ sí gə́ d’a koso dɔ kula raje’g lai gə́ seḭ a raje saar gə mba kar sí uduje ne ləm, kar sí tujije ne kalaŋ ləm tɔ mbata némeeyèrje gə́ seḭ raje, ubamje ne ya̰’mje lé to!

Tel tura Godndu 28:45

Nḛ́dɔlje nee lai d’a ree dɔ sí’g ləm, d’a ndolè goo sí saar kar sí uduje ne ləm tɔ mbata seḭ ilaje ŋgonkoji dɔ ndu Njesigənea̰ Ala’g lə sí el ləm, seḭ tɔsje kəm sí dɔ godnduje gə ndukunje’d gə́ yeḛ un ar sí lé el ləm tɔ.

1 Njé gə́ Tesalonikə 5:4

Seḭ ŋgako̰ síje gə́ sije dan loondul’g el lé ndəa neelé a teḛ dɔ sí’g asəna gə njeɓogo el.