Jakari 1:14 - Maktub gə́ To gə Kəmee

¹⁴ Kura gə́ dara gə́ njekwɔji səm ta lé ulam pana: Maji kam m’ra né wəl m’pana: Njesigənea̰ gə́ njeboo-néje pa bèe pana: Mee neḛ aw taḭ-taḭ gə boo-kəmkəḭ Gə mbata lə Jerusalem gə Sio̰.

Jakari 1:14 ပူးပေါင်းရင်းမြစ်များ

Esai 37:32

Mbata ges dee gə́ nai lé d’a kunda loo mee ɓee gə́ Jerusalem teḛ ləm, deḛ gə́ d’aji lé d’a kḭ dɔ mbal gə́ Sio̰ ree ləm tɔ.

Esai 38:22

Mbata Ejekias dəjee pana: See nétɔji gə́ ban ɓa a kar neḛ n’gər to gə́ n’a kḭ kaw mee kəi’g lə Njesigənea̰ gogo lé wa.

Esai 40:1

Ala lə sí pa bèe pana: Gɔlje, gɔlje meḛ koso-dəwje ləm,

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Esai 40:6

Ndu dəw ɓar pana: Ila mberee! Yeḛ ilá keneŋ pana: Ta ɗi ɓa m’a kila mberee wa. Dəwje lai to d’asəna gə mu Ar rɔnduba lə dee kara to asəna gə puduje gə́ mee ndɔje’g bèe.

Esai 42:13

Njesigənea̰ unda loo teḛ To gə́ bao-rɔ bèe ləm, Yeḛ ar ŋguree rəa ŋgwɔd-ŋgwɔd To gə́ njerɔ bèe ya ləm tɔ. Yeḛ ɔr ndia gə́ tar ləm, Yeḛ ndaŋg rəa ləma, Yeḛ riba dɔ siŋgamoŋ ləa koma̰ ne njéba̰je ləa ləm tɔ.

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Joɛl 2:18

Kəm Njesigənea̰ əḭ dɔ ɓee’g ləa Ar mée aw taḭ-taḭ, Bèe ɓa yeḛ oo ne kəmtondoo lə koso-dəwje ləa.

Nahum 1:2

Njesigənea̰ to Ala gə́ kəmee əḭ dɔ dəwje’g ləa ləm, Yeḛ to njedalba̰ ləm tɔ, Njesigənea̰ to njedalba̰, Oŋg taa mée pəl-pəl, Njesigənea̰ dal ba̰ gə njékoma̰ səaje ləm, Yeḛ ar mée aw biri-biri dɔ njéba̰je’g ləa ləm tɔ.

Jakari 1:13

Njesigənea̰ tel gə taje gə́ maji gə́ to ta gɔl mee ula kura gə́ dara gə́ njekwɔji səm ta lé.

Jakari 1:17

Maji kam m’ra né wəl ya tɔɓəi m’pana: Njesigənea̰ gə́ njeboo-néje pa togə́bè pana: Ɓee-booje lə neḛ d’a tel kiŋga némajije Gə́ a taa rɔ dee pəl-pəl ya ɓəi, Njesigənea̰ a gɔl mee Sio̰ ya ɓəi ləm, A tel kɔr kəm ɓee gə́ Jerusalem gə́ nékea̰ ɓəi ləm tɔ.

Jakari 1:9

Ma m’dəjee m’pana: Mbai ləm, see kundaje neelé wɔji dɔ ɗi wa. Kura gə́ dara lé ulam pana: N’a tɔjim karm m’oo gin né gə́ wɔji dɔ kundaje neelé ya.

Jakari 4:1

Kura gə́ dara gə́ njekwɔji səm ta lé tel ree ndá yeḛ ndelm to gə́ dəw gə́ ndelee dɔ ɓi’g bèe.