Habakuk 3:6 - Maktub gə́ To gə Kəmee

⁶ Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Habakuk 3:6 ပူးပေါင်းရင်းမြစ်များ

Gḭ-Néje 49:26

Nétɔrnduje lə bɔbije lé tur dɔ nétɔrnduje’g lə kamje-je Njal teḛ ne dɔ sém mbalje gə́ to gə no̰’g. Maji kar dee to dɔ Jisəb’g, To daŋdɔ yeḛ gə́ d’ɔr kəmee d’undá gə́ mbai mbuna ŋgakea̰je’g!

Maktub gə́ wɔji dɔ Jɔb 21:18

Ar dee to d’asəna gə mu gə́ lel odo bèe ləma, Ar dee to d’asəna gə tisa gə́ lel mal ɔr aw ne ləm tɔ bèe wa.

Maktub gə́ wɔji dɔ Jɔb 9:5

Yeḛ ŋgəs gə mbalje gə́ raŋg lal kar dee gər ləm, Yeḛ ɓugu dee naŋg gə oŋg ləa ləm tɔ.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 104:32

I ila kəmi dɔ naŋg’d ndá naŋg lé yə, I ɔrɔ rɔ mbalje gə ŋgaw jii ndá Sa uba keneŋ ŋgɔg-ŋgɔg.

Pakɔsje 35:5

Maji kar dee to d’asəna gə tisa gə́ lel sané kad bèe ləm, Maji kar kura lə Njesigənea̰ gə́ dara tuba dee ləm tɔ.

Pakɔsje 68:16

Mbalje lə Ala, mbalje gə́ mee ɓee gə́ Basan lé Mbalje gə́ sém deeje bula, Mbalje gə́ mee ɓee gə́ Basan lé

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Pakɔsje 97:5

Dɔ mbalje lé léḛ sələlə-sələlə Asəna gə ya̰-tḛji bèe no̰ Njesigənea̰’g, No̰ Mbaidɔmbaije gə́ to mbai dɔ naŋg nee lai.

Teḛ-Raga 15:14

Dəwje d’oo taree ndá Deḛ d’unda bala tigi-tigi, Njé gə́ Pilisti lé ɓəl unda dee badə gaŋg dee.

Teḛ-Raga 15:15

Mbaije gə́ Edɔm ndəb pəd-pəd, Bao-rɔje gə́ Moab d’unda bala tigi-tigi, Njé gə́ Kana̰ lai lé rɔ dee wəi sululu.

Teḛ-Raga 15:17

I a ree sə dee, i a kunda dee dɔ mbal gə́ to nénduba ləi, Loo gə́ i wa dɔ gɔlee mba karee to loo-sii lé! Ǝi Njesigənea̰. Loo gə́ to gə kəmee doi gə́ jii-i Mbaidɔmbaije ɓa ra.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Teḛ-Raga 21:31

Ɓó lé maŋg a kwa ŋgon gə́ diŋgam əsé yeḛ gə́ dené ndá d’a gaŋg taree gə goo godndu neelé nja tɔ,

Esai 51:6

Unje kəm sí gə́ dara ləm, Aaje loo gə́ dɔ naŋg nee ləm tɔ ooje! Mbata dara a sané kad to gə́ sa pər bèe ləm, Dɔ naŋg nee a tel ŋgisi to gə́ kubu bèe ləma, Dəwje gə́ keneŋ kara d’a kwəi mburug-mburug to gə́ kémje bèe ləm tɔ. Nɛ kaji ləm a to saar-saar gə no̰ ləm, Néra gə́ gə dɔ najee ləm kara rudee a kun el ləm tɔ.

Esai 51:8

Mbata dirije d’a kunda dee tuŋgu-tuŋgu to gə́ kubu bèe ləm, Kuruje d’a tuji dee to gə́ tuji ne kubu gə́ d’ṵji gə bḭ badje bèe ləm tɔ. Nɛ néra gə́ gə dɔ najee ləm a to saar-saar gə no̰ ləm, Kaji ləm kara a to gə ləbee-ləbee gə no̰ ləm tɔ.

Misee 5:8

Maji kari un jii rɔ ne gə njékoma̰ seḭje ləm, Maji kar deḛ lai gə́ to njéba̰je ləi d’udu guduru ləm tɔ.

Nahum 1:5

Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Néra Njékaḭkulaje 17:26

Məs dəw kára ba ya yeḛ unda ne ginka dəwje gə́ loo-loo ləm, yeḛ wɔji ne loo-si dee si dee dɔ naŋg nee ləm tɔ. Yeḛ wɔji ləb si dee si dee ləm, gə rəw-nim ɓeeje lə dee ləm tɔ.

Tel tura Godndu 32:8

Loo gə́ Njesisémdara’g ar ginkoji dəwje gə raŋg nénduba ləm, Loo gə́ yeḛ kai ŋgalə dəwje ɓəd-ɓəd ləm tɔ lé ndá, Yeḛ wɔji rəw-nim dɔ naŋg lə koso-dəwje-dəwje Gə goo bula lə Israɛlje.

Tel tura Godndu 33:15

Gə néje gə́ maji dum gə́ to dɔ mbalje gə́ ləw-ləw ləm, Gə néje gə́ maji dum gə́ dɔdərlooje’d gə́ kuree əw lé ləma,

Ǝbrəje 13:8

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

Jujé 10:42

Juje taa ɓeeje neelé lai ləm, gə mbaije lə dee gə́ keneŋ ləm tɔ mbata Njesigənea̰, Ala lə Israɛlje rɔ ar dee tɔ.

Njéga̰g-Rəwtaje 5:5

Dɔ mbalje d’ula déréré-dèrèrè no̰ Njesigənea̰’g ləm, Sinai nee gə́ to no̰ Njesigənea̰, Ala’g lé lə Israɛlje kara yə ləm tɔ.