Habakuk 3:3 - Maktub gə́ To gə Kəmee

³ Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.

Habakuk 3:3 ပူးပေါင်းရင်းမြစ်များ

Gḭ-Néje 21:21

Yeḛ si dɔdilaloo gə́ Paran ndá kea̰je taa dené mee ɓee gə́ Ejiptə ɓa aree.

Gḭ-Néje 36:11

Ri Ŋgalə Elipaj ɓa to nee: Teman, Omar, Sepo, Gaetam gə Kenaj.

1 Mbaije 11:18

Deḛ d’ḭ Madian d’aw Paran, tɔɓəi d’ar dəwje gə́ Paran d’aw sə dee Ejiptə rɔ Parao̰ mbai gə́ Ejiptə’g lé. Parao̰ ar Adad kəi ləm, gə nésɔje ləma, gaŋg dɔ naŋg aree ləm tɔ.

Pakɔsje 113:4

Njesigənea̰ lé ur dɔ ginkoji dəwje gə raŋg’g lai ləm, Rɔnduba ləa kara dum dɔ dara ya ləm tɔ.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 3:2

Wai Njesigənea̰! Njéba̰je ləm bula dum dɔm! Koso-dəwje gə́ d’ḭ səm kara dum dɔm ya to!

Pakɔsje 3:4

Nɛ i Njesigənea̰ lé I nja to dər-rɔ ləm, I nja ɓa gə́ gin rɔnduba ləm ndá I unda ne dɔm gə́ tar ya.

Pakɔsje 4:4

Maji kar sí ooje to gə́ Njesigənea̰ Mbər dəw gə́ njemeemaji lé, Njesigənea̰ lé loo gə́ m’ra né wəl gə́ rəa’g ndá Yeḛ oo ndum ya tɔ.

Pakɔsje 48:10

Ǝi Ala, meemaji ləi lé jeḛ j’ə̰ji taree meḛ sí’g Dan mee kəi’g ləi gə́ to gə kəmee.

Pakɔsje 68:17

Seḭ mbalje gə́ sém sí bula lé See gə mba ɗi ɓa seḭ raje kəmkəḭ Dɔ mbal gə́ Ala wɔji gə mba ra loo-siée keneŋ lé wa. Lé bèe kara Njesigənea̰ a karee to loo-siée saar gə no̰ ya.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Pakɔsje 9:20

Ǝi Njesigənea̰, maji kari ḭta! Maji kar dəw kára kara dum dɔi el! Maji kar ginkoji dəwje gə raŋg ree nɔḭ’g Gə mba kari gaŋg rəwta dɔ dee’g!

Teḛ-Raga 20:18

Koso-dəwje lai d’oo ndu ndaŋg lə ndi ləm, gə telje lə ndi ləma, gə ndu to̰to̰ gə́ ɓar ləm tɔ, deḛ d’oo ndo̰ pərje gə sa pər gə́ tuu dɔ mbal’g lé. Koso-dəwje d’oo néje neelé ndá ar dee d’unda bala ləm, ar dee d’ɔr rɔ dee d’aar ne əw ləm tɔ.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Esai 64:3

Un kudee ləw ba ya Dəw kára kara oo el ləm, Taree oso mbi dəw’g kára kara el ləma, Kəm dəw kára kara oo el ləm tɔ To gə́ Ala gə́ njekas səi bèe Gə́ ra né gə́ togə́bè ar dee gə́ d’ɔm meḛ dee dəa’g lé godo.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Abdias 1:9

Ǝi Teman, njérɔje ləi lé ɓəl a kunda dee badə gaŋg dee Mbata deḛ lai gə́ dɔ mbal’g lə Edɔm lé D’a kwəi yoo-məs ya mburug-mburug.

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Bula lə Israɛlje 10:12

Israɛlje d’ḭ dɔdilaloo gə́ Sinai d’ɔd d’aw gə goo rəw njaa lə dee gə́ d’wɔji njaŋg lé. Mum lé aar naŋg dɔdilaloo gə́ Paran.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

Tel tura Godndu 5:24

seḭ pajena: Aa ooje Ala lə sí gə́ Njesigənea̰ tɔji sí rɔnduba ləa, gə boo ləa, tɔɓəi jeḛ j’ooje ndia gə́ ɓar dan pər’g, ɓogənè ya ɓəi jeḛ j’ooje to gə́ Ala wɔji ta gə dəwje, nɛ deḛ d’isi kəmba tɔ.

1 Samel 25:1

Samel lé wəi, ndá Israɛlje lai mbo̰ dɔ na̰ no̰ yée ləm, dubee ɓee kojee’g Rama ləm tɔ. Togə́bè ɓa Dabid ḭ aw dɔdilaloo gə́ Paran.