Habakuk 3:2 - Maktub gə́ To gə Kəmee

² Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!

Habakuk 3:2 ပူးပေါင်းရင်းမြစ်များ

Esdras 9:8

Nɛ lé bèe kara Ala lə sí gə́ Njesigənea̰ wa sə sí noji gə kuree waga, ya̰ njé gə́ na̰je mbuna sí’g ar dee teḛ keneŋ d’aḭ ləm, ar sí j’iŋga njo̰loo mee loo’g ləa gə́ to gə kəmee ləm tɔ, gə mba kar kəm sí inja ne ləm, mba kar sí j’isi ne kəmba waga dan loo ra kula ɓər’g lə sí ləm tɔ.

Maktub gə́ wɔji dɔ Jɔb 42:5

Kédé lé m’oo ta ləi gə mbim, Nɛ ɓasinè kəmti dɔi’g təsərə ya.

Pakɔsje 119:120

Ɓəl gə́ i ula məəm’g lé undam badə gaŋgm, Rəwta-gaŋgje ləi kara d’am m’ɓəl yaa̰ tɔ.

Pakɔsje 25:6

Njesigənea̰, ar məəi olé dɔ meekɔrjol’g ləi ləm, gə dɔ meemaji’g ləi ləm tɔ, Mbata deḛ to saar gə no̰.

Pakɔsje 38:1

Pa lə Dabid gə́ ɔs mba kar mee Ala olé ne dəa’g

Pakɔsje 44:1

Pa lə Koréje gə́ d’ar bao-pa mba karee ɔs sə dee lé

Pakɔsje 71:20

Dan nékəmndoo’g gə dan némeekonje’g lé I aḭ ne məəm ya, Nɛ i a tel kam m’isi kəmba gogo ɓəi ləm, I a kam m’unda loo m’teḛ mee bwa-dɔɓar’g ləm tɔ.

Pakɔsje 78:38

Nɛ lé bèe kara gə goo meekɔrjol ləa ɓa Yeḛ ar mée ti ne mbidi dɔ néra gə́ kori-kori’g lə dee Ɓó yeḛ tuji dee ne el: Ta-ta yeḛ wa goo oŋg ləa sud Ɓó ya̰ rəa yag dan boo-oŋg’g ləa el.

Pakɔsje 85:6

See məəi gə́ ḭ səi dɔ sí’g lé a to saar gə no̰ wa. Esé see i a kar oŋg ləi Aw gə́ kédé-kédé dɔ sí’g saar-saar gə no̰ ya wa.

Esai 53:1

Ta gə́ d’ɔr d’ula sí lé See na̰ ɓa ɔm mée dɔ’g wa. See na̰ ɓa gər to gə́ ji Njesigənea̰ ɓa ra wa.

Esai 54:8

Gə goo oŋg gə́ ram waga lé Ma m’iya sə sí kəm, Nɛ gə goo meenoji ləm gə́ to gə no̰ lé ɓa M’a koo ne kəmtondoo lə sí, Njesigənea̰ gə́ njekoga dɔ sí ɓa pa bèe.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Jeremi 10:24

Ǝi Njesigənea̰, maji kari wɔjim kəmkàr Nɛ gə goo rəbee ɓa, Ɓó gə oŋg el, nà a tujim pugudu.

Jeremi 10:7

I gə́ to mbai dɔ ginkoji dəwje gə raŋg lé See na̰ ɓa a ɓəli el wa. I nja ɓa kəm kar dee ɓəli ya, Mbata mbuna njékəmkàrje’g Le ginkoji dəwje gə raŋg ləm, Gə mee ɓeeko̰je’g lə deḛ lai ləm tɔ lé Njetana səi godo.

Jeremi 29:10

Nɛ aa ooje, ta gə́ Njesigənea̰ pa ɓa nee: Loo gə́ ləb gə́ rɔ-siri gə́ wɔji dɔ Babilɔn a dəs mba̰ ndá m’a kar məəm olé dɔ sí’g ləm, m’a kar tagə́maji ləm gə́ m’pa m’wɔji ne dɔ sí lé aw lée’g béréré mba tel sə sí lée’g neelé gogo ləm tɔ.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Nɔ̰-ndôo gə́ wɔji dɔ Jerusalem 3:32

Lee yeḛ ar nékəmndoo Ra dəw kara Yeḛ tel ar mée aw taḭ-taḭ dəa’g Gə goo boo-meekɔrjol ləa.

Loo gə́ killa rea kəm Daniel’g 8:17

Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Loo gə́ killa rea kəm Daniel’g 9:2

ləb ko̰ɓee ləa gə́ dɔtar lé ma Daniel, m’oo gə goo maktubje gə́ m’tura to gə́ ləbje d’a dəs rɔ-siri dɔ tujije lə ɓee gə́ Jerusalem gə goo bula lə ləbje gə́ Njesigənea̰ pa taree ar Jeremi, njetegginta lé.

Habakuk 3:1

Tamaji gə́ Habakuk, njetegginta ra asəna gə pa no̰ ndòo bèe.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Tagə́maji gə́ Ja̰ ndang 10:10

Yeḛ gə́ njeɓogo lé yeḛ ree mba ɓogo dee ləm, mba tḭja gwɔs dee ləma, mba busu dee ləm tɔ. Ma lé m’ree mba kar badje d’isi gə kəmə lé ləm, kar dee d’isi dan nékulrɔ dee’g ləm tɔ.

Njé gə́ Rɔmə 10:16

Nɛ deḛ lai d’ila ŋgonkoji dɔ ta gə́ maji’g lé el. Bèe ɓa Esai pa ne togə́bè pana: Mbaidɔmbaije, ta gə́ j’ɔr j’ula dee lé see na̰ ɓa ɔm mée dɔ’g wa.

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 12:21

Moyis kara loo gə́ yeḛ oo nékɔb gə́ togə́bè lé ndá yeḛ pana: M’ndəb pəd-pəd m’unda ne bala tigi-tigi tɔ.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.