Habakuk 3:12 - Maktub gə́ To gə Kəmee

¹² I gugu dɔ naŋg nee gə boo-oŋg ləi ləm, I rəd dɔ ginkoji dəwje gə raŋg naŋg mbə̰ji-mbə̰ji gə meekḭ pu ləi ləm tɔ.

Habakuk 3:12 ပူးပေါင်းရင်းမြစ်များ

Pakɔsje 110:5

Mbaidɔmbaije gə́ aar dɔ jikɔli’g lé Təd mbaije lé rém-rém ndɔ ra oŋg’d ləa.

Pakɔsje 68:7

Deḛ gə́ d’isi gə kar dee ba lé Ala nja ar dee njénojije lə dee ləm, Ɓərje kara yeḛ ar dee d’ɔr dɔ dee kúla’g D’isi ne dan rɔlel’g lé ləm tɔ, Nɛ njékɔsta-rəwje gə kar dee ba ɓa D’isi mee looje gə́ tudu kurum-kurum’g ya.

Pakɔsje 78:55

Yeḛ tuba ginkoji dəwje gə raŋg no̰ dee’g Ya̰ ɓee lə dee kai dee gə́ nédɔji lə dee ləm, Yeḛ ar ginkoji Israɛlje lé d’isi mee kəi-kubuje’g lə dee ya ləm tɔ.

Pakɔsje 90:7

Oŋg ləi lé roo sí to gə́ pər bèe, Boo-oŋg ləi lé ar sí ndəbje ne pəd-pəd tɔ.

Esai 41:15

Aa ooje, ma m’un sí m’ar sí toje Asəna gə gɔl pusu gə́ wɔji dɔ kó Gə́ to gə́ sigi ləm, adə làm-làm ləma, Ŋgaŋgee to keneŋ ləm tɔ. Seḭ a tɔje dɔ mbalje pɔs-pɔs Təd dee ne njigi-njigi ləm, Seḭ a puguduje dɔdərlooje lé naŋg pugudu-pugudu To gə́ ləm mu bèe ləm tɔ.

Jeremi 51:33

Mbata Njesigənea̰ gə́ njeboo-néje, Ala lə Israɛlje pa togə́bè pana: Babilɔn gə́ to asəna gə ŋgoma̰də lé To asəna gə loo-kunda-kó Gə́ d’aw tuba mba karee asəna rai-rai bèe: Nai lam ba bèe ndá kàr kinja kó a teḛ dəa’g.

Amɔs 1:3

Njesigənea̰ ɓa pa togə́bè pana: Gə mbata kaiya ra Damasje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ tal Galaadje ras-ras gel kag-lar’g To gə́ d’unda ne kó bèe.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Néra Njékaḭkulaje 13:19

Loo gə́ yeḛ tuji ginkoji dəwje gə raŋg gə́ siri gə́ d’isi Kana̰ ndá yeḛ ya̰ lée ar Israɛlje gə́ dɔ naŋg lə dee.