Habakuk 3:10 - Maktub gə́ To gə Kəmee

¹⁰ Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Habakuk 3:10 ပူးပေါင်းရင်းမြစ်များ

Nehemi 9:11

I kai baa-boo-kad dana no̰ dee’g Ar dee dəs danee’g loo gə́ tudu kurum-kurum’g, Nɛ deḛ gə́ tuba goo dee lé I ɔs dee ɓugu dee ɓul mán’g To gə́ kɔr mbal gə́ oso ŋguru baa’g bèe.

Pakɔsje 104:32

I ila kəmi dɔ naŋg’d ndá naŋg lé yə, I ɔrɔ rɔ mbalje gə ŋgaw jii ndá Sa uba keneŋ ŋgɔg-ŋgɔg.

Pakɔsje 148:7

Seḭ gə́ gel naŋg’d bər lé pidije Njesigənea̰, Seḭ da-kɔbje gə́ dan baa-boo’g ləm, Seḭ ɓul manje lai ləm,

Pakɔsje 18:15

Yeḛ rɔ ɓandaŋgje ləa sané ne njéba̰je ləm kad-kad, Yeḛ ar ndu ndaŋg lə ndi lé ɔs goo na̰ ŋgɔg-ŋgɔg Sané dee ar dee d’aw ne dɔ na̰’d pum-pum.

Pakɔsje 65:13

Ndag-looje gə́ dɔdilaloo’g lé d’iŋga mán d’ai ləm, Dɔ diŋgri looje d’al ne rɔ dee ləm tɔ,

Pakɔsje 66:6

Yeḛ tel baa-boo-kad lé aree to naŋg gə́ tudu kurum-kurum ləm, Baa lé kara ar dee dəs keneŋ gə gɔl dee ya ləm tɔ. Ndəa neelé jeḛ lé j’al ne rɔ sí rəa’g ya.

Pakɔsje 93:3

Ǝi Njesigənea̰, baa-booje tuga poŋgm-poŋgm ləm, Baa-booje neelé kaa dee ɓar u-u-u ləma, D’ula d’ar baŋga kula lə dee ɓar mbiao̰-mbiao̰ ləm tɔ.

Esai 43:20

Daje gə́ mee wala’g ləm, Gə tàlje ləma, gə miruje ləm tɔ lé D’a kula rɔnduba dɔm’g Mbata m’ar manje to dɔdilaloo’g ləm, M’ar baa to ndag-mbo’g ləm tɔ Gə mba kar dəwje ləm gə́ m’ɔr dee m’unda dee gə kəmee lé d’ai.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Jeremi 4:24

M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Nahum 1:5

Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Matiyo 8:24

Yen ŋga, lel-boo ḭ dan baa-boo’g ula gigigi ɓugu dɔ dee’g ar paŋgəm mán uru mee to’g pujuju-pujuju nɛ yeḛ lé to toɓi.

Ǝbrəje 11:29

Meekun lé ɓa deḛ d’unda ne dan baa-boo gə́ kas dana gaŋg asəna gə loo gə́ tudu kurum-kurum bèe. Njé gə́ Ejiptə gə́ naa mán mba kuru teḛ goo dee’g ya nɛ deḛ nai keneŋ wo̰d.

Jujé 4:18

Loo gə́ njékinjanéməsje gə́ to njékun sa̰duk manrɔje lə Njesigənea̰ lé d’unda loo dan baa gə́ Jurdɛ̰ teḛ raga d’ila dabla gɔl dee dɔ naŋg gə́ tudu kurum-kurum’g ndá mán baa gə́ Jurdɛ̰ lé tel ree taa loo toree’g gogo ləm, ruba pɔ-pɔ to gə́ kédé lé ya ləm tɔ.

Loo gə́ killa rea kəm Ja̰’g 16:12

Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 6:14

Dara kə́ dɔ na̰’d mber-mber to gə́ maktub gə́ kə́ na̰’d mber-mber bèe tɔɓəi mbalje gə dɔgoré-looje lé dee ŋgəs d’ya̰ loo-to dee gə́ kédé.