Habakuk 2:9 - Maktub gə́ To gə Kəmee

⁹ Meeko̰ a koso dɔ sí-seḭ’d Gə́ mbo̰je nékiŋgaje gə́ gə goo rəbee el Oreeje mee kəije’g lə sí Gə mba kar kəi-si sí to ne tar sab ləm, Gə mba kɔg ne némeeko̰ loo teḛ dɔ sí’g ləm tɔ!

Habakuk 2:9 ပူးပေါင်းရင်းမြစ်များ

Pakɔsje 49:11

Mbata d’a kée ya, njékəmkàrje d’wəi ləm, Mbə-dəw gə njegərnéel kara udu guduru ləm tɔ Ndá d’ya̰ némajije lə dee d’ar dəwje gə́ raŋg.

Pakɔsje 52:7

Gelee gə́ nee ɓa Ala a kari udu bo̰, Yeḛ a kwai kɔri mee kəi-kubu’g ləi ya, Yeḛ a kɔri gə ŋgirai naŋg ɓugudu Mbuna dəwje gə́ d’aw kəmba’g lé ya tɔ.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Esai 5:8

Meeko̰ a koso dɔ deḛ gə́ rɔd kəi ta na̰’d-na̰’d ləm, Gə deḛ gə́ taa loo-ndɔ gə́ kédé-kédé ləm tɔ Saar d’ar mbuna loo gə́ tḛ́ bèe kara nai el Ar dee d’isi ne gə kar dee ba mee ɓee’g.

Jeremi 17:11

Dəw gə́ mbo̰ nékiŋgaje Gə́ gə goo rəbee el gə́ dɔ na̰’d-na̰’d lé To asəna gə kɛrɛ gə́ to dɔ kaw’d gə́ to kea̰ el, Loo gə́ ndɔje ləa nai kédé ya ɓəi ndá Yeḛ a kuba dee kya̰ dee ndá Rudu ndɔ ləa lé yeḛ tel to mbə-dəw.

Jeremi 22:23

Seḭ gə́ síje sém mbal gə́ Liba̰ Gə́ raje kəi lə sí asəna gə kəi-yel Mbuna kag-sɛdrəje’g bèe lé Loo gə́ némeekonje d’a teḛ dɔ sí’g ndá Seḭ a tuma̰je ŋgururu-ŋgururu, To némeeko̰ gə́ to asəna gə ndóo Gə́ ra dené loo-koji ŋgon’g bèe.

Jeremi 49:16

Tɔji rɔ lə sí gə ti-rɔ lə sí To dɔɓəŋgərə sí’g ar sí ndəmje ne, Seḭ gə́ síje mbuna mbalje’g ləm, Gə́ síje sém dɔdərlooje’g lé ləm tɔ. Lée seḭ ulaje kəije lə sí tar To gə́ ka̰ niŋgatə̰də bèe kara M’a kɔs sí keneŋ piriŋ kila sí naŋg, Njesigənea̰ ɓa pa bèe.

Jeremi 51:13

Seḭ gə́ síje mbɔr baa-boo’g Gə́ nébaoje lə sí taa loo pəl-pəl lé Rudu ndɔ lə sí lé teḛ mba̰ ləm, Kəmkəḭ lə sí rudee un ɗiao ləm tɔ.

Jeremi 51:53

Lée Babilɔn aw saar teḛ dará ləm, Lée kəi-kaar-kɔgərɔje ləa to tar sab ləm tɔ kara M’a kar njétujilooje ree rɔ səa. Njesigənea̰ ɓa pa bèe.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Abdias 1:4

Ɓó lé i ula kəi-sii tar to gə́ ka̰ niŋgatə̰də bèe Esé ula kəi ləi mbuna kéréméje’g kara M’a kɔsi kalaŋ kilai naŋg ya, Njesigənea̰ ɓa pa bèe.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.