Habakuk 2:8 - Maktub gə́ To gə Kəmee

⁸ To gə́ seḭ taaje néje lə ginkoji dəwje gə raŋg bula lé Ndá koso-dəwje gə́ nai lé d’a taa néje lə sí-seḭ tɔ, Mbata seḭ ɔmje məs dəwje naŋg ləm, Seḭ raje néje gə́ kərm-kərm mee ɓee’g ləma, Seḭ ɔsje ɓee-boo gə dəwje lai gə́ d’isi keneŋ rəw ləm tɔ.

Habakuk 2:8 ပူးပေါင်းရင်းမြစ်များ

Pakɔsje 137:8

I ɓee gə́ Babilɔn, i gə́ a gə tuji pugudu lé Rɔlel nai gə yeḛ gə́ ra səi né togə́bè ləm, Gə́ ra səi némajel to gə́ i ra sə síjeḛ bèe ya ləm tɔ.

Gosota-Kəmkàrje 22:23

Mbata Njesigənea̰ a koso gel dee’g ləm, Yeḛ a kɔr kəmə lə dee-deḛ gə́ njekwa dee néje lə dee taaje lé ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 33:4

Deḛ mbo̰ nébanrɔje lə sí To gə́ beedéje tuji ne né bèe ləm, Deḛ d’al d’ur dɔ’g To gə́ beedéje d’ḭ d’ɔm ne dɔ né’g bèe ləm tɔ.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Jeremi 30:16

Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 50:14

Tɔsje rɔ sí guguje dɔ Babilɔn sub rɔje səa, Seḭ lai gə́ toje njérɔ ɓandaŋgje lé! Maji kar sí rɔje ɓandaŋgje lə sí gə́ keneŋ, Ya̰je kag ɓandaŋgje ji sí’g el! Mbata yeḛ ra kaiya ɔs ne ta lə Njesigənea̰ rəw.

Jeremi 50:28

Ooje ndu kii lə njékaḭje, Deḛ gə́ d’ḭ Babilɔn d’aḭ lé D’aw d’ila mber dalba̰ Le Ala lə sí gə́ Njesigənea̰ Mee ɓee gə́ Sio̰, Dalba̰ gə́ wɔji dɔ kəi ləa gə́ to gə kəmee lé,

Jeremi 50:37

Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Jeremi 51:13

Seḭ gə́ síje mbɔr baa-boo’g Gə́ nébaoje lə sí taa loo pəl-pəl lé Rudu ndɔ lə sí lé teḛ mba̰ ləm, Kəmkəḭ lə sí rudee un ɗiao ləm tɔ.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Jeremi 51:48

Baŋga rɔlel a kḭ mee dara’g Gə dɔ naŋg nee ɓar kiu-kiu dɔ Babilɔn’g Gə dɔ néje lai gə́ to keneŋ. Mbata njétujilooje d’a kḭ dɔgel Ree ɓugu na̰ dəa’g. Njesigənea̰ ɓa pa bèe.

Jeremi 51:8

Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Ejekel 28:16

Gə goo boo tel kəm lar ləi lé néra gə́ kərm-kərm taa ne məəi pəl-pəl ari ra ne kaiya, i Nékunda gə́ dara gə́ njekaḭ bada lé neḛ n’ɔsi dɔ mbal’g lə Ala piriŋ n’ilai n’ari sané pá mbuna kɔr mbalje gə́ taa pər gəgəgə’g lé.

Ejekel 39:10

D’a kodo kirje gə́ mee wala’g el ləm, d’a tuga kirje gə́ mee kag-kɔr’g el ləm tɔ mbata nérɔje ɓa d’a ra ne pər. Deḛ gə́ d’unda dee banrɔ lé deḛ d’a kunda dee-deḛ nja kara banrɔ tɔ, deḛ gə́ d’odo néje lə dee lé deḛ d’a kodo néje lə dee-deḛ tɔ. Mbaidɔmbaije gə́ Njesigənea̰ ɓa pa bèe.

Amɔs 3:10

Njesigənea̰ ɓa pa togə́bè pana: Deḛ gər loo ra né gə́ danasur el ləm, Deḛ taa néje lə mar deeje gə siŋgamoŋ lə dee dɔ buguru’g Daa ne néje neelé mee kəi-mbaije’g lə dee ləm tɔ.

Abdias 1:15

Mbata ndɔ lə Mbaidɔmbaije lé nai dəb mbata ginkoji dəwje gə raŋg lai, Ndá gə goo néra sí lé ɓa D’a tel ra ne sə sí-seḭ bèe ya tɔ. Bèe ndá bo̰ néra síje d’a kɔs ta sí’g bɔsɔrɔ. Israɛlje d’a dal ba̰ dɔ Edɔmje’g.

Habakuk 2:10

Yee ɓa to rɔkul gə́ seḭ wɔjije njaŋg Mba karee oso dɔ njémeekəije’g lə sí Loo gə́ seḭ tujije koso-dəwje bula ləm, To kaiya gə́ seḭ raje ilaje dɔ sí-seḭ’g ya ləm tɔ.

Habakuk 2:17

Mbata néraje gə́ kərm-kərm gə́ seḭ raje mee ɓee gə́ Liba̰ lé D’a tel koso dɔ sí’g ləm, Tuji gə́ seḭ tujije dakulje lé Dakulje kara d’a kɔm ɓəl dɔ sí’g ləm tɔ. Mbata seḭ ɔmje məs dəwje naŋg ləm, Seḭ raje né gə́ kərm-kərm mee ɓee’g Oma̰je ne gə ɓee-boo gə dəwje lai gə́ d’isi keneŋ ləm tɔ.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Jakari 14:12

Aa ooje, yoo-koso gə́ Njesigənea̰ a kunda ne koso-dəwje lai Gə́ d’a kḭ rɔ gə Jerusalem ɓa nee: Darɔ dee a ndum koso ludu Loo gə́ d’a kaar tar gə gɔl dee ya ɓəi ləm, Kəm dee a ndum koso ndərəg mee toree’g ləma, Ndo̰ dee kara a ndum koso ludu mee kil dee’g ləm tɔ.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.