Habakuk 2:6 - Maktub gə́ To gə Kəmee

⁶ Débee neelé see a kar dəwje lai d’oo ta ləa gə́ suta ləm, Gə nékogo ləma, gə né kɔr su ləm tɔ el wa. D’a pa pana: Meeko̰ a koso dɔ sí-seḭ gə́ mbo̰je néje Gə́ to né ka̰ sí el dɔ na̰’d! See saar ndɔ gə́ ra wa ... Meeko̰ a koso dɔ sí-seḭ gə́ Undaje ɓaŋg dɔ sí’g gə́ kédé-kédé!

Habakuk 2:6 ပူးပေါင်းရင်းမြစ်များ

Pakɔsje 94:3

Ǝi Njesigənea̰, njémeeyèrje lé See ndɔ gə́ ra ɓa d’a kunda ŋgaŋ kun baŋga lé ɓəi wa.

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Esai 10:13

Mbata yeḛ pana: Gə goo siŋgamoŋ lə ji neḛ ɓa Neḛ n’ra ne né ləm, Gə goo kəmkàr lə neḛ ya, Mbata neḛ n’to njegosonégər ləm tɔ, Yee ɓa neḛ n’rəm ne gə rəw-nimje lə koso-dəwje ləm, N’taa ne nébaoje lə dee lé ləm tɔ. Tɔɓəi n’wa deḛ gə́ d’isi dɔ kalimbaije’g lé M’ɓugu dee naŋg Asəna gə bao-rɔ bèe.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 5:8

Meeko̰ a koso dɔ deḛ gə́ rɔd kəi ta na̰’d-na̰’d ləm, Gə deḛ gə́ taa loo-ndɔ gə́ kédé-kédé ləm tɔ Saar d’ar mbuna loo gə́ tḛ́ bèe kara nai el Ar dee d’isi ne gə kar dee ba mee ɓee’g.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Jeremi 17:11

Dəw gə́ mbo̰ nékiŋgaje Gə́ gə goo rəbee el gə́ dɔ na̰’d-na̰’d lé To asəna gə kɛrɛ gə́ to dɔ kaw’d gə́ to kea̰ el, Loo gə́ ndɔje ləa nai kédé ya ɓəi ndá Yeḛ a kuba dee kya̰ dee ndá Rudu ndɔ ləa lé yeḛ tel to mbə-dəw.

Jeremi 29:22

D’a to kasəna gə ta kila ndɔl dɔ dəw mbuna deḛ lai gə́ d’wa dee gə́ ɓərje ɓee gə́ Juda d’aw sə dee Babilɔn ndá d’a pana: Maji kar Njesigənea̰ ra səi to gə́ ra gə Sedesias gə Ahab gə́ mbai gə́ Babilɔn roo dee pər’d bèe!

Jeremi 50:13

Dəw kára kara a si keneŋ el Mbata oŋg lə Njesigənea̰, Yee a to dɔ nduba. Nana kara gə́ a dəs mbɔr Babilɔn’g Ndá kaaree a kwá paḭ karee ra wah! Dɔ nékəmndooje’g lai gə́ teḛ dəa’g lé.

Ejekel 32:21

Loo-si njé gə́ d’wəi’g lé bao-rɔje gə́ to njésiŋgamoŋje d’a kula yeḛ gə deḛ gə́ to njégədeje lé ta. Deḛ dubu dee d’ar dee to naŋg ŋga, deḛ to njépole-magəje gə́ d’wəi yoo-kiambas lé.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

Habakuk 1:15

Kaldeje lé d’wa dəwje lai gə kii teḛ sə dee raga ləm, Deḛ ndɔr dee ɓul bura’g lə dee teḛ sə dee ləma, Deḛ kiri dee gə bura-masaŋ lə dee ləm tɔ, Yee ɓa deḛ d’isi ne dan rɔlel’g d’al ne rɔ dee.

Habakuk 2:12

Meeko̰ a koso dɔ yeḛ gə́ unda gin ɓee gə məs ləm, Gə tum gin ɓee-boo gə néra gə́ kori-kori ləm tɔ!

Habakuk 2:13

Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

Bula lə Israɛlje 23:18

Balaam ula dee ta ləa gə ndəree togə́bè pana: Balak, ḭta gə mba koo ta! Ŋgolə Sipɔr, lel mbii gə́ rɔm’g nee!

Bula lə Israɛlje 23:7

Balaam ula dee ta ləa gə ndəree togə́bè pana: Balak lé am m’ḭ Aram m’ree ləm, Mbai gə́ Moab am m’ḭ dɔ mbalje gə́ ri dee lə Ber m’risi m’ur naŋg ləm tɔ pana: M’ree, m’pata m’ila ne ndɔl dɔ Jakob’g m’ar neḛ! M’ree m’ar oŋg ləm ḭ səm dɔ Israɛlje’g to!

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.