Habakuk 2:5 - Maktub gə́ To gə Kəmee

⁵ Njebeelé lé to asəna gə dəw gə́ kido tɔlee aree ti ne rəa Ndá yeḛ si lɔm el, Yeḛ teḛ təa to gə́ bwa-dɔɓar bèe ləm, Yeḛ to asəna gə yoo gə́ né asee el bèe ləm tɔ, Yeḛ ndɔr ginkoji dəwje gə raŋg lai gə́ rəa’g ləm, Yeḛ mbo̰ koso-dəwje lai gə́ rəa’g ləm tɔ.

Habakuk 2:5 ပူးပေါင်းရင်းမြစ်များ

2 Mbaije 14:10

I lé dum dɔ Edɔmje gə rɔ ndá i əsta boi. Maji kari al rɔi dɔ rɔnduba’g ləi si ne mee kəi’g ləi ya. See gelee ban ɓa i ndigi kula rɔi kula’d gə́ a gə ree majel dɔi’g ləm, gə a tel to tuji ləi gə ka̰ Judaje ləm tɔ wa.

Pakɔsje 138:6

Njesigənea̰ lé si tar sab, Nɛ yeḛ ila kəmee oo ne deḛ gə́ d’ula dɔ dee ləm, Deḛ gə́ to gə́ njébeeleje lé loo gə́ deḛ nai əw ya ɓəi ndá Yeḛ gər dee gao ya ləm tɔ.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Gosota-Kəmkàrje 21:24

Njebeelé gə́ to njekəsta lé to njekula sul dɔ loo’g, Yeḛ ra né gə meekḭ jugugu gə́ ka̰ kəsta.

Gosota-Kəmkàrje 27:20

Ɓee lə njé gə́ d’wəi ləm gə bwa-wəl gə́ suna godo ləm tɔ lé né as dee nda̰ el, Kəm dəw kara né asee nda̰ el tɔ.

Njekillamber 5:10

Loo gə́ nésɔ to yaa̰ ndá Njésəaje kara to yaa̰ to See ɗi ɓa njea iŋga keneŋ wa. Kəmee ɓa yeḛ aa ne nébaoje ləa ya.

Esai 14:6

Yeḛ gə́ oŋg ḭ səa jugugu Aree kunda ginkoji dəwje gə raŋg Gə́ kédé-kédé lal kəw rəa ləm, Yeḛ gə́ oŋg ḭ səa Aree dum dɔ ginkoji dəwje gə raŋg ləm tɔ lé D’ula kəmee ndòo lal kunda ŋgaŋgee.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 21:5

Deḛ ra loo-nésɔ lə dee ləm, D’ɔm twaje naŋg ləma, Deḛ d’usɔ gə d’ai ləm tɔ. Seḭ mbaije, ḭje tar! Ubuje ubu dərje’g lə sí!

Esai 5:14

Gelee gə́ nee ɓa ɓee lə yoo lé təa to tag ləm, Ta bwa dɔɓar to tag hagaga ləm tɔ. Bèe ɓa boo-némajije gə nébaoje lə Sio̰ lé ndɔm na̰ keneŋ ləm, Boo-dəwje lə dee gə́ ndu dee ɓar yi-i-i gə rɔlel lé ndɔm na̰ keneŋ ləm tɔ.

Esai 5:8

Meeko̰ a koso dɔ deḛ gə́ rɔd kəi ta na̰’d-na̰’d ləm, Gə deḛ gə́ taa loo-ndɔ gə́ kédé-kédé ləm tɔ Saar d’ar mbuna loo gə́ tḛ́ bèe kara nai el Ar dee d’isi ne gə kar dee ba mee ɓee’g.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 50:29

Ɓarje njérɔ ɓandaŋgje Ar deeje d’aw rɔ gə Babilɔn, Seḭ lai gə́ toje njéra gama rɔ ɓandaŋgje lé. Aḭje dəa sub arje dəw kára kara Teḛ aḭ el ləm, Raje səa gə goo kula reaje ləma, Raje səa areeje aw na̰’d béréré Gə kea̰ gə́ yeḛ ra lé ləm tɔ. Mbata beelé ḭ səa dɔ Njesigənea̰’d Gə́ to Njerɔkunda lə Israɛlje lé.

Jeremi 51:39

Loo gə́ meḛ dee nuŋga kəd-kəd ndá M’a kar dee d’ai né ndá M’a karee ra dee kar dee D’ya̰ rɔ dee yag dan rɔlel’g ləm, Kar dee d’oso gə ɓi gə́ to gə no̰ ɓó D’a ndel dɔ ɓi’g lé gogo el ŋga ləm tɔ. Njesigənea̰ ɓa pa bèe.

Habakuk 1:15

Kaldeje lé d’wa dəwje lai gə kii teḛ sə dee raga ləm, Deḛ ndɔr dee ɓul bura’g lə dee teḛ sə dee ləma, Deḛ kiri dee gə bura-masaŋ lə dee ləm tɔ, Yee ɓa deḛ d’isi ne dan rɔlel’g d’al ne rɔ dee.

Habakuk 1:17

See d’a tɔr néje mee bura’g lə dee gə́ kédé-kédé wa. See d’a tḭja gwɔs ginkoji dəwje gə raŋg gə́ kédé-kédé lal koo ne kəmtondoo lə dee wa.

Habakuk 2:4

Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.

1 Njé gə́ Tesalonikə 4:11

gə mba kar sí naaje loo mba kisi lɔm ləm, mba ra kula gə́ wɔji dɔ sí dɔ sí ləma, gə mba ra kula gə ji sí ləm tɔ, to gə́ jeḛ ndoo sí taree kédé lé.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.