Habakuk 2:4 - Maktub gə́ To gə Kəmee

⁴ Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.

Habakuk 2:4 ပူးပေါင်းရင်းမြစ်များ

Pakɔsje 49:18

Mbata ndɔ kwəi ləa lé Yeḛ a kun né kára kara jia’g el ləm, Nébaoje neelé kara D’a kaw ne gée’g nda̰ el ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Ejekel 18:9

yeḛ un godnduje lə neḛ lad-lad ləma, yeḛ aa dɔ ndukunje lə neḛ kər-kər ra née gə ŋgonkoji ləm tɔ ndá debee neelé to njera né gə́ gə dɔ najee, yeḛ a si kəmba ya. Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 11:12

Koso-njérɔje neelé d’a ti rɔ dee ndá mbai lé a kəsta ti ne rəa tɔ. Yeḛ a kar koso-dəwje gə́ dum tura lé d’wəi ne ya nɛ yeḛ a kun baŋga el.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

Tagə́maji gə́ Ja̰ ndang 3:36

Yeḛ gə́ ɔm mée dɔ Ŋgonee’g lé si gə kəməgə́ gə no̰ lé mba̰, yeḛ gə́ mbad kɔm mée dɔ Ŋgonee’g saar lé a koo loo gə́ a kisi gə kəmə lé gə kəmee el nɛ oŋg lə Ala nai dəa’g ya.

Njé gə́ Rɔmə 1:17

Tɔgərɔ ya Tagə́maji lé riba dɔ meekarabasur lə Ala lé təsərə gə goo meekun ləm, mbata meekun lé ləm tɔ to gə́ ndaŋg mee maktub’g pana: Njemeekarabasur lé meekun ɓa yeḛ a si ne kəmba ya.

Njé gə́ Galati 2:16

Nɛ jeḛ n’gər gao, meekun gə́ dəw a kɔm ne mée dɔ Jeju Kristi’g lé ɓa yeḛ a tel ne njemeekarabasur ɓó to néra gə́ dəw a ra gin godndu’g lé el. Jeḛ kara jeḛ j’ɔm meḛ sí dɔ Jeju Kristi’g mba kar mbɔl dɔ meekun gə́ jeḛ j’ɔm ne meḛ sí dɔ gə Jeju Kristi’g lé ɓa j’a to ne njémeekarabasurje ya tɔ ɓó gə goo néra gə́ gin godndu lé el, mbata néra gə́ gin godndu’g lé a kar dəw kára kara to ne njemeekarabasur pai godo.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

Ǝbrəje 10:38

Meekun ɓa njemeekarabasur ləm a si ne kəmba lé Nɛ ɓó lé yeḛ sa rəa rəw ndá məəm a ndá dəa’g el.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.