Habakuk 2:2 - Maktub gə́ To gə Kəmee

² Njesigənea̰ ulam ta pana: Maji kam m’ndaŋg gin ndərta gə́ m’oo lé, Maji kam m’tḭja dɔ bəgərə ndaŋg maktub’g Mba kar dee tura d’oo njai-njai.

Habakuk 2:2 ပူးပေါင်းရင်းမြစ်များ

Esai 30:8

Ɓasinè lé maji kari aw ndaŋg taje neelé dɔ bəgərə’g no̰ dee’g ləm, Ndaŋ taree mee maktub’g ləm tɔ Mba karee to saar teḛ ndɔje gə́ d’a gə ree lé Gə́ kédé-kédé saar gə no̰.

Esai 8:1

Njesigənea̰ ulam pana: Maji kam m’un bəgərə-ndaŋg-maktub gə́ boi ndá m’ndaŋg ta dɔ’g gə goo gosonégər m’pana: Ɔsje rɔ sí ɓad mba kunda dee banrɔ ləm, aḭje ɓuguje na̰ dɔ nébanrɔ’g ləm tɔ.

Jeremi 30:2

Njesigənea̰, Ala lə Israɛlje pa togə́bè pana: Ndaŋ taje lai gə́ m’ulai lé mee maktub’g.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Loo gə́ killa rea kəm Daniel’g 7:1

Mee ləb ko̰ɓee’g dɔtar lə mbai Belsasar gə́ Babilɔn lé Daniel ni ar ndilee oo ne némḭdije loo gə́ yeḛ to dɔ tira-tée’g. Gée gə́ gogo, yeḛ ndaŋg ta ni lé ləm, ndaji kona tareeje ləm tɔ.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

1 Njé gə́ Kɔrḭtə 14:19

No̰ Eglisə’g lé m’aw gə ta gel mi gə mba ndoo dee gə kəmkàree, yee ɓa ma m’ndigi unda pa takɔji dəwje-dəwje kubu pur-pur gə́ tɔl-dɔg-loo-dɔg gə mḭdé ba.

2 Njé gə́ Kɔrḭtə 3:12

Meḛ sí gə́ j’unda yel dəa’g lé jeḛ n’ti ne rɔ sí guu, jeḛ n’riba ne dəa wagəsa gə raga gə meendakaḭ.

Tel tura Godndu 27:8

Seḭ a ndaŋgje taje lai gə́ mee godndu’g neelé dɔ kɔr mbalje’g neelé ndá a tḭjaje ta keneŋ kaareeje to njai-njai ya.

Tel tura Godndu 31:19

Ɓasinè maji kar sí ndaŋgje pakɔs neelé. I a ndoo Israɛlje taree ləm, a kɔm taree ta dee’g ləm tɔ ndá maji kar pakɔs neelé ɔr goo ta ləm ila dɔ Israɛlje’g.

Tel tura Godndu 31:22

Mee ndəa’g neelé Moyis ndaŋg pakɔs neelé ndá yeḛ ndoo Israɛlje taree.

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.

Loo gə́ killa rea kəm Ja̰’g 19:9

Kura gə́ dara lé ulam pana: Ndaŋ maktub ula dee ne pana: Deḛ gə́ d’a ɓar dee loo naḭ taa na̰’g lə Ŋgonbad lé rɔ dee a lel dee. Yeḛ ulam tɔɓəi pana: Ta neelé to gə́ kankəmta lə Ala ya.