Habakuk 2:18 - Maktub gə́ To gə Kəmee

¹⁸ Néndaji gə́ tɔl lé see majee to ɗi mbata lə njetɔlee wa. Néndaji gə́ léḛ gə́ ndoo ne né gə ŋgɔm Gə mba kar njerea unda tar ɔm mée dɔ’g Loo gə́ yeḛ si ra magəje gə́ ta mundu lé kara see majee to ɗi wa.

Habakuk 2:18 ပူးပေါင်းရင်းမြစ်များ

Pakɔsje 97:7

Deḛ lai gə́ pole magəje lé Deḛ gə́ ti rɔ dee mbata magəje lə dee lé Kəm sɔḭ wa kəm dee. Magəje lai lé d’unda barmba dəb kəm dee naŋg nea̰’g.

Esai 1:31

Dəw gə́ njesiŋgamoŋ a tel kasəna gə bḭ kúla bèe ləm, Kula rəa a to kasəna gə ndao-pər bèe ləm tɔ, Deḛ joo bɔr d’a roo dula-dula Ndá dəw gə́ njetɔl pəree a godo.

Esai 37:38

Nɛ ndɔ kára bèe loo gə́ yeḛ unda barmba mee kəi’g lə Nisrok gə́ to magə ləa ndá Adramelek gə Sareser gə́ to ŋganeeje lé tɔlee gə kiambas ndá d’aḭ d’aw d’isi ɓee gə́ Ararat. Nɛ ŋgonee Esar-Hado̰ ɓa o̰ ɓee toree’g tɔ.

Esai 40:19

Njelḛ̀ né ɓa léḛ né ndaji ne magə Tɔɓəi njekɔr ɔr giree gə larlɔr ləm, Ra yeŋgəre-larndaje lèr keneŋ ləm tɔ.

Esai 41:26

Un kudee ndɔ gə́ dɔtar lé See na̰ ɓa ila mber mba kar sí n’gərje wa. See na̰ ɓa ula sí taree kédé gə́ ləw Mba kar sí m’pajena: To né gə́ tɔgərɔ ya wa. Dəw kára kara ila mberee əsé pa taree kédé el ləm, Dəw kára kara oo taje lə sí el ləm tɔ.

Esai 42:17

Deḛ gə́ d’ɔm meḛ dee dɔ magəje gə́ tɔl gə ji dee lé Deḛ gə́ d’ula magəje gə́ léḛ dee pana: Seḭ toje Ala lə neḛje lé Ndá d’a rəm gə goo dee ləm, Rɔkul a dəb dɔ dee’g ləm tɔ!

Esai 44:12

Njekɔr ra tina, Kúl ɓa yeḛ ra ne kula, Yeḛ kunda gə mo̰ mba karee asəna, Yeḛ ra gə kag jia gə́ to kɔgərɔ-kɔgərɔ. Nɛ loo gə́ ɓó tɔlee ndá Léegəneeya siŋgá godo, Yeḛ ai mán el ndá Léegəneeya yeḛ gur naŋg rug tɔ.

Esai 45:16

Deḛ gə́ njéra magəje lé Deḛ lai nai gə rɔkul ləm, Kəm sɔḭ wa kəm dee ləma, Deḛ lai d’ɔd d’aw d’ula dɔ dee naŋg jugum ləm tɔ.

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 51:17

Dəw gə́ rara kara Négər ləa aree tel mbə ləm, Jelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo mee dee’g ləm tɔ.

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Junas 2:8

Loo gə́ ndiləm teḛ pərəŋ ndá M’ar məəm olé dɔi-i Njesigənea̰’g, Tamaji ləm kara aw njal teḛ rɔi’g Mee kəi’g ləi gə́ to gə kəmee doi lé tɔ.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Njé gə́ Rɔmə 6:21

See kó sí to kó gə́ banwa. Ko sí neelé rɔ sí kul ne ɓasinè. Mbata loo kɔs bo̰ lə néje neelé to yoo ya.

1 Njé gə́ Kɔrḭtə 12:2

Seḭ gərje gao, loo gə́ seḭ naije gə́ njépole-magəje ɓəi lé ndá seḭ ya̰je loo ar dee ndɔr sí d’ɔm sí rɔ magəje gə́ ta mundu’g lé.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Njéga̰g-Rəwtaje 17:4

Yeḛ tel gə larnda lé ar kea̰je. Kea̰je taa larnda gə́ tɔl-joo (200) lé aw ar njelḛ̀ né aree ra ne néndaji gə́ tɔl gə́ tɔl ləm, gə néndaji gə́ léḛ gə́ léḛ ləm tɔ. Deḛ d’unda dee mee kəi’g lə Mika.

1 Samel 12:21

Ubáje yá̰je el. Ɓó lé bèe el ndá seḭ a ndolèje goo néje gə́ gə mḭdé ba gə́ d’askəm kar sí iŋgaje né keneŋ el ləm, d’askəm kɔr sí kɔm sí tar el ləm tɔ mbata deḛ to néje gə́ gə mḭdé ba ya.