Habakuk 2:14 - Maktub gə́ To gə Kəmee

¹⁴ Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Habakuk 2:14 ပူးပေါင်းရင်းမြစ်များ

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 33:6

Ndɔje lə sí lai lé Seḭ a síje ne gə́ majee, Kəmkàr gə gosonégər lé To gin si dan maji’g, Ɓəl Njesigənea̰ lé To nébao lə Sio̰.

Esai 40:5

Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Ejekel 47:5

Yeḛ wɔji mán lé as kəmkil dəw tɔl-dɔg (1.000) ya tɔɓəi ndá to kəm-rəw-mán gə́ ula mbiao̰-mbiao̰ gə́ m’askəm kur teḛ el mbata mán lé uru yaa̰ gə́ kalé ɓa gə́ kuma̰, to kəm-rəw-mán gə́ ula mbiao̰-mbiao̰ gə́ dəw askəm kur teḛ el.

Misee 2:9

Seḭ tubaje denéje lə dəwje lə neḛ Gə́ n’unda dee dan kəm neḛ’g mee kəije’g lə dee ləm, Seḭ ɔrje rɔnduba lə neḛ Gə́ to gə no̰ gə́ n’ula dɔ ŋgan deeje’g lé ləm tɔ.

Habakuk 2:15

Meeko̰ a koso dɔ sí-seḭ’d Gə́ arje mar síje nékai gə́ mḭ d’ai lé Seḭ gə́ mbélje né gə́ mee ku’g lə sí dɔ maree’g Ar deeje d’ai aree oso kəm dee’g Gə mba kar sí ooje ne meembaa dee lé.

Habakuk 3:3

Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Bula lə Israɛlje 14:21

Nɛ tɔgərɔ ɓó lé m’isi kəmba ɓa rɔnduba lə Njesigənea̰ taa loo dɔ naŋg nee pəl-pəl ndá,

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.