Habakuk 2:13 - Maktub gə́ To gə Kəmee

¹³ Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

Habakuk 2:13 ပူးပေါင်းရင်းမြစ်များ

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Jeremi 51:64

ndá i a pa ne togə́bè pana: Babilɔn a ndii mán togə́bè ləm, némeekonje gə́ Njesigənea̰ a kar dee ree dəa’g lé d’a kɔr dəa’g el ləm tɔ, deḛ d’a koso naŋg kunda ndolé. Yee nee ɓa to rudu taje lə Jeremi.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.