Habakuk 1:8 - Maktub gə́ To gə Kəmee

⁸ Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.

Habakuk 1:8 ပူးပေါင်းရင်းမြစ်များ

Maktub gə́ wɔji dɔ Jɔb 9:26

Deḛ dəs péd asəna gə toje gə́ d’ɔs dee gə ŋgawlal bèe ləm, Asəna gə niŋgatə̰də gə́ dəb dɔ nékwa’g ləa gə siŋga bèe ləm tɔ.

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 48:40

Mbata Njesigənea̰ pa togə́bè pana: Aa ooje, njeba̰ lé ḭ nar to gə́ mal bèe ləm, yeḛ naji bagee dɔ Moab’g ləm tɔ.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Nɔ̰-ndôo gə́ wɔji dɔ Jerusalem 4:19

Njékula kəm sí ndooje lé Rɔ dee wɔilɔ pélé-pélé unda niŋgatə̰dəje Gə́ d’aw pə̰ dara’g bèe, Deḛ korə sí dɔ mbalje’g ləm, Deḛ d’um sí dɔdilaloo’g ləm tɔ.

Ejekel 17:12

Maji kam m’dəji gel-bɔje gə́ to njékɔsta-rəwje m’pana: See deḛ gər gel né neelé el wa. Maji kam m’ula dee m’pana: Aa ooje, mbai gə́ Babilɔn aw Jerusalem aw wa mbai ləm, gə ŋgan-mbaije ləa ləm tɔ aw sə dee Babilɔn.

Ejekel 17:3

M’a pa pana: Mbaidɔmbaije gə́ Njesigənea̰ pa togə́bè pana: Nḭgatə̰də gə́ boi gə́ bagee tad gəbəbə un loo lad-lad ar bèlee ɔm pɔ-pɔ gə ndaŋg rɔg-rɔg aw saar teḛ dɔ mbal gə́ Liba̰ aw təd dɔ sém kag-sɛdrə.

Ejekel 26:11

Yeḛ a pugudu mba̰-rəwje ləi lai gə ŋgo gɔl kundaje ləa pugudu-pugudu ləm, yeḛ a tɔl koso-dəwje ləi gə kiambas ləm tɔ tɔɓəi gaji-ŋgɔ-kag gə́ i ti ne rɔi lé d’a toso naŋg.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Nahum 2:5

Deḛ d’aḭ gə pusu-rɔje lé gə rəwje ləm, D’aw yo gə́ nee ndaa-looje’g ləm tɔ, Loo gə́ oo dee ndá a pana: To pərŋgelje, Deḛ d’aḭ to gə́ ndi gə́ tel bèe.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Matiyo 24:28

Loo gə́ yoo-né to keneŋ ndá malje d’a tɔs dɔ na̰ keneŋ ya.

Lugu 17:37

Njékwakiláje dəjee pana: Mbai, see loo gə́ ra ɓa né neelé a teḛ keneŋ togə́bè ɓəi wa. Yeḛ tel ila dee keneŋ pana: Loo gə́ nin a to keneŋ ndá lée neelé malje d’a mbo̰ dɔ mbo̰ keneŋ ya.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,