Habakuk 1:12 - Maktub gə́ To gə Kəmee

¹² Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Habakuk 1:12 ပူးပေါင်းရင်းမြစ်များ

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

2 Mbaije 19:25

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Pakɔsje 102:24

Yeḛ ar siŋgam rəm loo gə́ m’nai rəbə ya ɓəi ləm, Yeḛ rəm gə ndɔje ləm gogo ya ləm tɔ.

Pakɔsje 118:17

M’a kwəi el, m’a si kəmba, Bèe ɓa m’a kɔr sor néraje lə Njesigənea̰ ɓəi.

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Pakɔsje 17:13

Njesigənea̰, maji kari ḭta tila kəmee Mba kɔsee kilá ya! Un kiambas ləi ɔrm ne ji njemeeyèr’g lé!

Pakɔsje 18:1

Pa lə Dabid gə́ ar bao-pa mba karee ɔs sə dee lé. Dabid, ŋgonjelookisi lə Njesigənea̰ ɔs pa neelé pidee ne loo gə́ yeḛ ɔree ji njéba̰je’g ləa lai ləm, gə ji Sawul’g ləm tɔ.

Pakɔsje 74:12

Ala to mbai ləm un kudee kédé gə́ ləw saar ɓasinè, Yeḛ nja ɓa gə́ njegelkaji lə dəwje gə́ dɔ naŋg nee.

Pakɔsje 90:1

Tamaji lə Moyis, dəw lə Ala. Mbaidɔmbaije, i nja to njo̰loo-kula-dɔ lə sí kédé gə́ ləw saar ɓasinè.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Pakɔsje 93:2

Kalimbai ləi to njaŋg kédé gə́ ləw-ləw ya saar ɓasinè ləm, I nja kara si gən kédé gə́ ləw saar gə nɔḭ ya ləm tɔ.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 37:26

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 43:15

Ma m’to Njesigənea̰, Njerɔkunda lə sí, M’to njekunda Israɛlje gə́ m’to mbai lə sí.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Jeremi 5:18

Nɛ mee ndəaje’g neelé Njesigənea̰ pana: M’a tuji sí gə gel sí lai el.

Nɔ̰-ndôo gə́ wɔji dɔ Jerusalem 5:19

I Njesigənea̰ lé to mbai ya saar-saar gə no̰ ləm, Kalimbai ləi kara to gə ləbee-ləbee gə no̰ ləm tɔ.

Ejekel 30:25

N’a kar kag ji mbai gə́ Babilɔn ɓar mèr-mèr nɛ kag ji Parao̰ a kunda ndolé. Bèe ɓa d’a gər ne to gə́ neḛ n’to Njesigənea̰ loo gə́ n’a kula kiambas lə neḛ ji mbai gə́ Babilɔn’g ɓa yeḛ a kwa kwɔji ne dɔ ɓee gə́ Ejiptə njoroŋ lé.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Habakuk 3:2

Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Malasi 3:6

Ma kara m’a tel ree mbata ma lé m’to Njesigənea̰ ɓó m’tel rɔm ɓəd el. Bèe ɓa seḭ ŋgaka Jakob lé seḭ tujije ne el.

Néra Njékaḭkulaje 3:14

Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 33:27

Ala gə́ njesi gə ləbee-ləbee gə nea̰ lé To gə́ njo̰loo-kula-dɔ lə sí, Gel kag jia gə́ to gə no̰ lé To njo̰loo lə sí tɔ. Yeḛ tuba njéba̰je lé no̰ sí’g Pa ne pana: Maji kar dee tuji pugudu ya.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

Ǝbrəje 13:8

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

Loo gə́ killa rea kəm Ja̰’g 1:11

pana: Né gə́ ma m’oo lé maji kam ndaŋg maktub’g m’ula ne m’ar Eglisəje gə́ siri gə́ to Epesə ləm, gə Smirnə ləm, gə Pergamə ləm, gə Tiatirə ləm, gə Sardes ləm, gə Piladelpi ləma, gə laodise ləm tɔ.

Loo gə́ killa rea kəm Ja̰’g 1:8

Ma m’to Alpa ləm, gə Omega ləm tɔ, Ala Mbaidɔmbaije ɓa pa bèe. Ma m’to yeḛ gə́ si gən gə si dɔtar lé ləm gə si ree ləm tɔ. Ma m’to Bao-siŋgamoŋ ya.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.