Gosota-Kəmkàrje 10:3 - Maktub gə́ To gə Kəmee

³ Njesigənea̰ ya̰ njemeekarabasur Ar ɓó ula kəmee ndòo el, Nɛ yeḛ ɔs mal né gə́ ra njemeeyèr ŋgwɔd-ŋgwɔd lé rəw.

Gosota-Kəmkàrje 10:3 ပူးပေါင်းရင်းမြစ်များ

Pakɔsje 37:25

M’to basa saar m’ɓuga ne, Nɛ m’oo njemeekarabasur gə́ d’ubá d’yá̰ bèe el ləm, Esé m’oo ŋgakeaje to njéra ndooje ɓa Gə mba kiŋga ne nésɔ dee el ləm tɔ.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Pakɔsje 37:19

Deḛ ra rɔkul ndɔ nékəmndoo’g el ləm, Loo gə́ ɓoo-boo oso kara nésɔ as dee nag-nag ləm tɔ.

Pakɔsje 33:19

Gə mba kɔr dee ne ta yoo’g ləm, Gə mba kar dee d’isi ne kəmba dan ɓoo-boo’g ləm tɔ.

Maktub gə́ wɔji dɔ Jɔb 5:20

Loo gə́ ɓoo-boo oso lé yeḛ a kɔri ta yoo’g ləm, Loo gə́ rɔ oso lé yeḛ a kɔri ta kiambas’g ləm tɔ.

Lugu 12:31

Nɛ saŋgje ɓeeko̰ lə Ala kédé ɓa néje lai neelé a kar sí dɔ’g ɓəi.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Gosota-Kəmkàrje 14:32

Njemeeyèr lé néra majel ləa ɓa gə́ gin tuji ləa, Nɛ njemeekarabasur lé lé’d yoo kara Iŋga njo̰loo-kula-dəa keneŋ.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Maktub gə́ wɔji dɔ Jɔb 20:28

Némajije gə́ mee kəi’g ləa lé mán-kaw a dəs ne ləm, Ndɔ oŋg lə Ala d’a godo mbad-mbad ləm tɔ.

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Gosota-Kəmkàrje 13:25

Njemeekarabasur sɔ né Aree as loo-ɓoo ləa ta-ta, Nɛ njemeeyèr lé Nésɔ lal mée ta-ta ya.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Gosota-Kəmkàrje 28:25

Njebeelé ɔs gel takɔlje, Nɛ yeḛ gə́ ɔm mée dɔ Njesigənea̰’g lé Né asee nag-nag.

Maktub gə́ wɔji dɔ Jɔb 15:23

Yeḛ aḭ gə́ yo gə́ nee saŋg muru ləm, Yeḛ gər gao to gə́ loodul to pèrèrè ŋginá ləm tɔ.