Gḭ-Néje 9:6 - Maktub gə́ To gə Kəmee

⁶ Dəw gə́ rara ɓa ila məs dəw maree naŋg lé Maree kara a kila məsee-yeḛ naŋg ya tɔ, Mbata Ala ra dəw aree to tana səa pai-pai ya.

Gḭ-Néje 9:6 ပူးပေါင်းရင်းမြစ်များ

Gḭ-Néje 4:14

Aa oo, ɓogənè i tubam dɔ naŋg nee. I a k’un kəmi rəw dɔm’g ləm, m’a to njekaḭta ləma, gə njekilatar mbir-mbir dɔ naŋg nee ləm tɔ. Bèe ɓa nana ɓa gə́ a kiŋgam lé a tɔlm ya.

Gḭ-Néje 42:22

Rubḛ un ta ula dee pana: See ma m’ula sí el wa, m’pana: Raje meeyèr gə ŋgon neelé el. Nɛ seḭ mbad kooje. Togə́bè ɓa aa ooje məsee ɓa deḛ dəji sí gée nee ya.

Gḭ-Néje 5:1

Aa ooje, maktub gə́ wɔji dɔ ŋgaka Adam lé ɓa nee. Loo gə́ Ala unda dəw lé yeḛ rəa aree to tana gə Ala ya pai-pai.

2 Samel 4:11

Bèe ndá loo gə́ njémeeyèrje tɔl njemeekarabasur dan mee kəi’g ləa dɔ tira-tée’g lé ŋga ɓəd ɓəi ɓa see m’a tel dəji məsee ji sí’g gə mba tuji sí ne dɔ naŋg nee el wa.

1 Mbaije 2:9

Ɓasinè i a kyá̰ lal kar bo̰ nérea ɔs təa’g el ŋga, mbata i to dəw gə́ njekəmkàr ləm, i gər né gə́ kəm ra səa gao ləm tɔ. I a kar yiŋga dəa gə́ ndá kələw-kələw lé tel to məs lai ɓa karee aw ne ɓee lə njé gə́ d’wəi ɓəi.

2 Mbaije 11:1

Loo gə́ Atali, ko̰ Ahajiaje oo to gə́ ŋgonee wəi ndá yeḛ ḭ ar dee tɔl dee-deḛ lai gə́ to gel-bɔje lə mbai lé.

2 Mbaije 11:16

Deḛ d’ya̰ loo d’aree aw ndá yeḛ aw kəi’g lə mbai gə rəw gə́ ria lə Rəw-kaw-kundaje. Lée’g neelé ɓa deḛ tɔlee keneŋ tɔ.

2 Mbaije 11:20

Koso-dəwje lai gə́ mee ɓee’g d’al rɔ dee ndá ɓee-boo to ne lɔm tɔ. Deḛ tɔl Atali gə kiambas mee kəi’g lə mbai ya.

2 Sôrta Gḭka Israɛlje 33:24

Kuraje ləa d’o̰ njuma̰ tɔlee ne mee kəi’g ləa tɔ.

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Teḛ-Raga 20:13

I a tɔl dəw el.

Gosota-Kəmkàrje 28:17

Dəw gə́ ta məs maree wa dəa lé aḭ njal teḛ bwa-yoo’g, Maji kar dəw ɔgee el.

Njekillamber 3:3

ndɔ tɔl dəwje to keneŋ ləm, ndɔ kaji dəwje to keneŋ ləm tɔ, ndɔ tɔ kəi to keneŋ ləm, ndɔ tel kunda kəi gogo to keneŋ ləm tɔ.

Ləbije 17:4

ɓa yeḛ ree ne tarəw kəi-kubu-kiŋga-na̰’g mba karee to nékar Njesigənea̰ no̰ kəi gə́ to gə kəmee’g lə Njesigənea̰ lé el ndá, ta məs a kwa dɔ debee neelé, yeḛ ila məs da lé gə goo rəbee el, ndá d’a kɔree mbuna dəwje’g ləa ya.

Ləbije 24:17

Yeḛ gə́ unda dəw tɔlee ndá kəm tɔlee tɔ.

Bula lə Israɛlje 35:16

Ɓó lé dəw unda maree gə né gə́ to kag-lar ɓa teḛ yoo ndá yeḛ to njetɔl-dəw ya: ndá njetɔl-dəw lé d’a tɔlee tɔ, yee ɓa gə́ bo̰ nérea gə́ a kɔs təa’g.

Bula lə Israɛlje 35:25

Boo-dəwje d’a kɔr njetɔl-dəw lé ji njedalba̰’g kilá tar, tɔɓəi d’a karee tel aw mee ɓee-boo gə́ to njo̰loo gə́ yeḛ aḭ aw keneŋ lé tɔ ndá, Yeḛ a si keneŋ saar kar ŋgɔ-njekinjanéməs gə́ deḛ tər ubu gə́ to gə kəmee dəa’g lé wəi ɓa.

Bula lə Israɛlje 35:33

Seḭ a karje ɓee gə́ seḭ a síje keneŋ lé mina̰ el mbata məs lé ar ɓee mina̰, d’a ra né kára kara mba kɔr ne ta məs dɔ ɓee’g el nɛ məs dəw gə́ njekila məs maree lé ɓa.

Matiyo 26:52

Yen ŋga Jeju ulá pana: Tel gə kiambas ləi ula sɔlee gogo mbata dəwje lai gə́ d’aw gə kiambas lé d’a kwəi yoo-kiambas ya tɔ.

Njé gə́ Rɔmə 13:4

Mbata njeko̰ɓee lé to kura lə Ala mba kari si ne dan maji’g. Nɛ ɓó lé i ra majel ndá ar ndili ndəb jər dɔ’g ya, mbata yeḛ aw gə kiambas gə́ sḭ el, yeḛ to kura lə Ala gə mba riba dɔ dalba̰ ləa ləm, gə mba kar bo̰ néra majel lə njeramajel lé ɔs təa’g ləm tɔ.

1 Njé gə́ Kɔrḭtə 11:7

Diŋgam lé a kon dəa gə né el mbata yeḛ ɔr rɔ Ala ləm, yeḛ to njekula rɔnduba dəa’g ləm tɔ. Dené lé yeḛ to gə́ njekula rɔnduba dɔ diŋgam’g.

Tel tura Godndu 19:11

Nɛ ɓó lé dəw gə́ aḭ aw dan mee ɓee-boo gə́ kára’g neelé um maree kédé gə goo ban ɓa undá ne aree tel gin yée ndá,

Tel tura Godndu 5:17

I a tɔl dəw el.

Maktub gə́ Jak ula ne ar ngan-Allaje 3:9

Ndo̰ sí ɓa jeḛ m’pidi ne Mbaidɔmbaije Bɔ síje’g ləm, ndo̰ sí ɓa jeḛ j’ɔr ne gə dəwje gə́ to nékundaje lə Ala lé gə́ tana səa pai-pai lé ləm tɔ.

Loo gə́ killa rea kəm Ja̰’g 13:10

Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee.

Njéga̰g-Rəwtaje 9:56

Bèe ɓa Ala ar majel gə́ Abimelek ra gə bɔbeeje loo gə́ yeḛ tɔl ŋgakea̰je gə́ rɔ-siri lé tel oso ne dəa’g.

1 Samel 15:33

Nɛ Samel pana: To gə́ kiambas ləi ar denéje d’isi lal ŋgan deeje lé Kɔḭje kara a si mbuna dené mareeje’g lal ŋgon tɔ. Yen ŋga Samel gaŋg Agag dana mbidi-mbidi no̰ Njesigənea̰’g loo gə́ Gilgal tɔ.