Gḭ-Néje 9:3 - Maktub gə́ To gə Kəmee

³ Néje lai gə́ d’aw kəmba lé d’a to gə́ nésɔ sí ya, ma m’ar sí néje neelé lai to gə́ ma m’ar sí mbi kamnaḭje bèe tɔ.

Gḭ-Néje 9:3 ပူးပေါင်းရင်းမြစ်များ

Gḭ-Néje 9:2

Seḭ a toje néɓəl gə néndəb pəd-pəd kəm daje’g lai gə́ dɔ naŋg nee ləm, gə yelje lai gə́ d’aw pən dara’g ləm, gə néje lai gə́ d’aw kəmba dɔ naŋg nee ləma, gə ka̰jije lai gə́ d’aw dan baa-boo-kad’g ləm tɔ, ma m’ɔm dee ji sí’g yəg ya.

Ləbije 22:8

Yeḛ a sɔ da gə́ wəi gə́ kwəi el ləm, əsé yee gə́ da maree wa tɔlee el ləm tɔ gə mba kar rəa mina̰ ne gə mbəa el. Ma m’to Njesigənea̰.

Njé gə́ Rɔmə 14:14

Né kára kara to né gə́ mina̰ gə dɔrea el, nɛ dəw gə́ ə̰ji ta mée’g oo to gə́ to né gə́ mina̰ ndá to né gə́ mina̰ gə mbata ləa-yeḛ nja. Ta neelé ma m’gər gao ləm, Mbaidɔmbaije Jeju kara oso gelm’g keneŋ ya.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 14:20

Ar sí n’tujije kula lə Ala gə mba nésɔ ba el. Tɔgərɔ ya, nésɔje lai lé àr ya, nɛ loo gə́ dəw sɔ né ɓa yeḛ ila maree kag ndá to né gə́ majel ya.

Njé gə́ Rɔmə 14:3

Maji kar yeḛ gə́ sɔ néje lai-lai lé ndɔl yeḛ gə́ ɔr kəm nésɔje lé el ləm, əsé yeḛ gə́ ɔr kəm nésɔje lé maji karee im yeḛ gə́ sɔ néje lai-lai el lé taree ne el ləm tɔ, mbata Ala nja wá gə́ rəa’g.

1 Njé gə́ Kɔrḭtə 10:23

Néje lai lé d’ɔg loo ra el, nɛ néje gə́ na̰je lé to kəm ra el tɔ. Néje lai lé d’ɔg loo ra el, nɛ néje gə́ na̰je a kar sí undaje siŋga sí dɔ maree’g el tɔ.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

Tel tura Godndu 12:15

Lé bèe kara loo gə́ mal sɔ naḭ ra sí ndá seḭ a kasjekəm tɔlje nékulje gə mba sɔ dakas dee tarəwkɔg’dje lə sí lai gə goo ndutɔr gə́ Ala lə sí gə́ Njesigənea̰ a tɔr dɔ sí’g, dəw gə́ mina̰ əsé yeḛ gə́ àr kara a sɔ to gə́ d’usɔ ne ndooi əsé arkas bèe tɔ.

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.