Gḭ-Néje 9:2 - Maktub gə́ To gə Kəmee

² Seḭ a toje néɓəl gə néndəb pəd-pəd kəm daje’g lai gə́ dɔ naŋg nee ləm, gə yelje lai gə́ d’aw pən dara’g ləm, gə néje lai gə́ d’aw kəmba dɔ naŋg nee ləma, gə ka̰jije lai gə́ d’aw dan baa-boo-kad’g ləm tɔ, ma m’ɔm dee ji sí’g yəg ya.

Gḭ-Néje 9:2 ပူးပေါင်းရင်းမြစ်များ

Gḭ-Néje 1:21

Tɔɓəi Ala unda da-manje gə́ boi-boi ləm, gə nékundaje lai gə́ d’aw kəmba dan mán’g, deḛ gə́ manje ɓa teḛ sə dee digi-digi gə gel dee gel dee ləm tɔ. Yeḛ unda yelje lai gə́ d’uba bag dee lé gə gel dee gel dee tɔ. Ndá Ala oo to gə́ néje neelé to maji bèe ya.

Gḭ-Néje 1:26

Tɔɓəi Ala pana: Ar sí n’raje dəw j’aree tana sə síjeḛ bèe ləm, gə ɔr rɔ síjeḛ ləm tɔ, gə mba karee dum dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləm, gə dɔ da-kulje’g ləm, gə dɔ naŋg nee lai ləma, gə dɔ nékundaje lai gə́ d’ag naŋg gə ta mee dee ləm tɔ.

Gḭ-Néje 1:28

Ala tɔr ndia dɔ dee’g, ndá yeḛ ula dee pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləm, rusuje naŋg nee njḭ-njḭ ləma, dumje dɔ naŋg nee ləm tɔ. Maji kar sí dumje dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləma, gə dɔ daje lai gə́ d’aw dɔ naŋg nee ləm tɔ.

Gḭ-Néje 2:19

Naŋg ɓa Njesigənea̰ Ala unda ne daje lai gə́ mee wala’g gə nékundaje lai gə́ d’ḭ gə bag dee pə̰ dara’g ndá yeḛ ar dee ree rɔ dəw’g neelé mba koo ri dee gə́ yeḛ a gə kunda dɔ dee’g lé gə mba kar nékundaje lai-lai gə́ d’aw kəmba lé d’un ri gə́ dəw neelé unda dɔ dee’g ɓar dee ne lé.

Gḭ-Néje 35:5

Gée gə́ gogo deḛ d’ɔd d’aw tɔ. Ɓəl Ala gə́ to ɓəl gə́ boo lé oso dɔ ɓee-booje’g lai gə́ gugu dɔ dee ndá deḛ tuba goo ŋgalə Jakob lé el.

Gḭ-Néje 9:1

Ala tɔr ndia dɔ Noe’g gə dɔ ŋganeeje’g ula dee ne pana: Ojije na̰, ɔsje ne goo na̰ gə́ kédé-kédé, rusuje ne naŋg nee tub-tub.

Gḭ-Néje 9:3

Néje lai gə́ d’aw kəmba lé d’a to gə́ nésɔ sí ya, ma m’ar sí néje neelé lai to gə́ ma m’ar sí mbi kamnaḭje bèe tɔ.

Maktub gə́ wɔji dɔ Jɔb 39:11

See i a kɔm məəi dəa’g mbata siŋgá gə́ to yaa̰ wa. See i a kyá̰ karee ra kula ləi gə dɔrea wa.

Ejekel 34:25

N’a manrɔ neḛ mba kar dee d’isi ne gə meelɔm ləm, n’a kar daje gə́ majel godo mee ɓee’g neelé ləm tɔ. D’a si dɔdilaloo’d gə́ majee ləm, d’a toɓi mee kag-kɔr’d gə́ majee ləm tɔ.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Ləbije 26:22

M’a kula daje gə́ majel mbuna sí’g kar dee tɔl ŋgan síje ji sí’g ləm, d’a tuji nékulje lə sí ləma, d’a kar bula lə sí nai lam ba bèe ləm tɔ, rəwje lə sí kara d’a kwa ŋgɔ njag-njag ya.

Ləbije 26:6

M’a kar meekulɔm to mee ɓee’g ləm, dəw kára kara a jɔg sí dɔ ɓi’g lə sí el ləm tɔ, m’a kar daje gə́ majel godo mee ɓee’g ləm, dəw a dəs gə kiambas mee ɓee’g lə sí el ləm tɔ.

Maktub gə́ Jak ula ne ar ngan-Allaje 3:7

Daje gə yelje gə néje gə́ d’ag naŋg gə daje gə́ mán gə́ gə ri dee ri dee lé dəwje ɓa d’wa ta dee ləm, d’ul dee gə́ kédé-kédé ləm tɔ.