Gḭ-Néje 9:1 - Maktub gə́ To gə Kəmee

¹ Ala tɔr ndia dɔ Noe’g gə dɔ ŋganeeje’g ula dee ne pana: Ojije na̰, ɔsje ne goo na̰ gə́ kédé-kédé, rusuje ne naŋg nee tub-tub.

Gḭ-Néje 9:1 ပူးပေါင်းရင်းမြစ်များ

Gḭ-Néje 1:22

Ala tɔr ndia dɔ dee’g pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləma, rusuje mee mán baa-boo-kadje njḭ-njḭ ləm tɔ. Maji kar nékundaje gə́ nar gə bag dee lé kara d’ɔs goo na̰ gə́ kédé-kédé dɔ naŋg nee tɔ.

Gḭ-Néje 1:28

Ala tɔr ndia dɔ dee’g, ndá yeḛ ula dee pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləm, rusuje naŋg nee njḭ-njḭ ləma, dumje dɔ naŋg nee ləm tɔ. Maji kar sí dumje dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləma, gə dɔ daje lai gə́ d’aw dɔ naŋg nee ləm tɔ.

Gḭ-Néje 10:32

Deḛ nja ɓa to gel-bɔje lə ŋgalə Noe, gə goo ŋgaka deeje ləm, gə goo ginkojije lə dee ləm tɔ. Loo gə́ mán bélm godo ndá ginkoji dəwje gə raŋg d’ḭ gin dee’g taa ne loo dɔ naŋg nee pəl-pəl tɔ.

Gḭ-Néje 2:3

Ala tɔr ndia dɔ ndɔ gə́ njekɔm’g siri’g lé undá ne gə kəmee doi mbata ləa-yeḛ ya, mbata ndəa neelé yeḛ wa rəa dɔ kulaje’g ləa lai gə́ yeḛ ra lé.

Gḭ-Néje 24:60

Deḛ tɔr ndu dee dɔ Rebeka’g d’ulá pana: Ǝi i gə́ to kɔnan sí lé Maji kari tel to ko̰ ginkoji dəwje gə́ bula digi-digi ləm, Maji kar ŋgakaije taa tarəwkɔg lə njéba̰je lə dee gə́ né ka̰ dee-deḛ ya ləm tɔ.

Gḭ-Néje 35:11

Ala ulá pana: Ma m’to Ala gə́ m’to Bao-siŋgamoŋ. Maji kari oji ŋganje bula ar dee d’ɔs goo na̰ goo na̰ ya. Ginkoji dəwje gə́ kára ləm, gə ginkoji dəwje gə́ bula ləm tɔ lé d’a kḭ rɔi’g ləm, mbaije kara d’a teḛ məəi’g ya ləm tɔ.

Gḭ-Néje 8:17

Daje lai ləm, gə nékundaje lai gə́ d’aw kəmba gə́ d’aar səi na̰’d ləm tɔ lé ar dee teḛ səi gə́ raga na̰’d ya, yelje ləm, gə nékulje ləma, gə daje lai gə́ d’ag naŋg ləm tɔ. Maji kar dee taa naŋg nee pəl-pəl ləm, d’oji na̰ yaa̰ d’ɔs goo na̰ gə́ kédé-kédé ləm tɔ.

Gḭ-Néje 9:19

Deḛ gə́ munda neelé ɓa to ŋgalə Noe ndá ŋgaka dee-deḛje ɓa taa loo dɔ naŋg nee pəl-pəl tɔ.

Gḭ-Néje 9:2

Seḭ a toje néɓəl gə néndəb pəd-pəd kəm daje’g lai gə́ dɔ naŋg nee ləm, gə yelje lai gə́ d’aw pən dara’g ləm, gə néje lai gə́ d’aw kəmba dɔ naŋg nee ləma, gə ka̰jije lai gə́ d’aw dan baa-boo-kad’g ləm tɔ, ma m’ɔm dee ji sí’g yəg ya.

Gḭ-Néje 9:7

Nɛ seḭ lé maji kar sí ojije na̰, ɔsje goo na̰ gə́ kédé-kédé, gə́ taaje loo pəl-pəl dɔ naŋg nee, ɔsje goo na̰ gə́ kédé-kédé ya.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Esai 51:2

Oreeje kəm sí ndəŋ dɔ Abrakam gə́ to bɔ síje ləm, Gə dɔ Sara gə́ to gə́ ko̰ síje gə́ njekoji lə sí lé ləm tɔ, Mbata yeḛ nja kára ba ɓa m’ɓaree, M’tɔr ndum dəa’g ləm, M’ar ŋgakeaje bula digi-digi ləm tɔ.