Gḭ-Néje 7:23 - Maktub gə́ To gə Kəmee

²³ Nékundaje lai gə́ d’aw kəmba dɔ naŋg neelé d’udu guduru ya, un kudee dɔ dəwje’g aw njal teḛ dɔ nékulje’g ləm, gə daje gə́ d’ag naŋg ləma, gə yelje gə́ d’aw tar ləm tɔ, deḛ d’udu guduru dɔ naŋg nee ya. Noe gə deḛ gə́ d’isi səa na̰’d mee kəi-kag’d lé ba ya ɓa nai.

Gḭ-Néje 7:23 ပူးပေါင်းရင်းမြစ်များ

Gḭ-Néje 6:17

Ma nja m’a kar mán bélm ree taa loo pəl-pəl dɔ naŋg nee gə mba tuji nékundaje lai gə́ d’aw kəmba gin dara’g lé, néje lai-lai gə́ dɔ naŋg nee lé d’a tuji ya.

Gḭ-Néje 8:18

Noe unda loo teḛ gə ŋganeeje gə́ diŋgam gə dené ləa gə denéje lə ŋganeeje na̰’d tɔ.

Maktub gə́ wɔji dɔ Jɔb 5:19

Nékəmndooje gə́ gɔl misa̰ lé yeḛ a kɔri keneŋ Ndá njekɔm’g gɔl siri a tibi mbɔri el tɔ.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Pakɔsje 91:7

Ɓó lé dəwje tɔl-dɔg (1.000) d’wəi mbɔri’g pər ləm, Tɔl-dɔg-loo-dɔg (10.000) d’wəi dɔ jikɔli’g ləm tɔ kara Né neelé a tibi mbɔri el ya.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

1 Piɛrə 3:20

Deḛ gə́ ləw lé to njékaltaje mee ndəa gə́ Ala ila ne mée dɔ maree ar Noe ra ne bato, nɛ dəwje jebəre ba d’as dəwje jinaijoo d’iŋga kaji keneŋ dan mán bélm’g.

2 Piɛrə 2:5

ɓó lé dəwje gə́ ləw gə́ dɔ naŋg nee gə́ ra majel lé Ala ɔm dee’g el nɛ yeḛ aji Noe, njekilamber meekarabasur lé gə njé’g ləa gə́ siri loo gə́ mán bélm taa naŋg nee yəŋgəm-yəŋgəm tuji ne dəwje gə́ néra dee to gə goo ka̰ Ala el lé,

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

2 Piɛrə 3:6

ta gə́ ḭ ta Ala’g ɓa ar mán bélm taa ne loo yəŋgəm-yəŋgəm tuji ne dɔ naŋg gə́ ləw lé ləm tɔ. Ta neelé deḛ gər gao ya nɛ d’orè dəa naŋg mès tɔ.