Gḭ-Néje 7:14 - Maktub gə́ To gə Kəmee

¹⁴ Daje gə́ wala lai gə gel dee gel dee ləm, nékulje lai gə gel dee gel dee ləm, daje lai gə́ d’ag naŋg gə gel dee gel dee ləm, yelje lai gə gel dee gel dee ləm, yelje gə́ tḛ́-tḛ́ bèe lai ləma, gə néje lai gə́ d’ḭ gə bag dee ləm tɔ lé d’andə sə dee na̰’d mee kəi-kag’d ya.

Gḭ-Néje 7:14 ပူးပေါင်းရင်းမြစ်များ

Gḭ-Néje 1:21

Tɔɓəi Ala unda da-manje gə́ boi-boi ləm, gə nékundaje lai gə́ d’aw kəmba dan mán’g, deḛ gə́ manje ɓa teḛ sə dee digi-digi gə gel dee gel dee ləm tɔ. Yeḛ unda yelje lai gə́ d’uba bag dee lé gə gel dee gel dee tɔ. Ndá Ala oo to gə́ néje neelé to maji bèe ya.

Gḭ-Néje 1:24

Ala pana: Maji kar naŋg nee kinja gə nékundaje gə́ d’aw kəmba gə gel dee gel dee, da-kulje ləm, gə daje gə́ d’ag naŋg gə ta mee dee ləma, gə daje gə́ d’aw naŋg nee gə gel dee gel dee ləm tɔ. Ndá to lée’g bèe ya tɔ.

Gḭ-Néje 6:19

Néje lai gə́ d’aw kəmba’g əsé dan nékundaje’g lai lé i a kwa dee joo-joo gə gel dee gel dee mba kar dee d’andə səi mee kəi-kag’d ɓó gə kar dee d’aji səi na̰’d tɔ, bɔ da gə ko̰ da lé i a kwa dee joo-joo bèe.

Gḭ-Néje 7:13

Mee ndəa gən lé Noe gə ŋganeeje gə́ diŋgam, Sem gə Kam gə Japet ləm, gə dené lə Noe ləma, gə denéje lə ŋganeeje gə́ munda ləm tɔ lé deḛ lai d’andə mee kəi-kag’d lé na̰’d.

Gḭ-Néje 7:15

Nékundaje lai gə́ d’aw kəmba lé d’andə gə Noe na̰’d mee kəi-kag’d joo-joo.