Gḭ-Néje 7:11 - Maktub gə́ To gə Kəmee

¹¹ Mee ndəa gə́ ləb Noe aḭ tɔl misa̰ (600) mee naḭ gə́ njekɔm’g joo, gə ndɔ dɔg-giree-siri lé mán bélm ḭ bwa gə́ naŋg teḛ budu-budu ləm, kəm dara ɔr wuyum gə mán ləm tɔ.

Gḭ-Néje 7:11 ပူးပေါင်းရင်းမြစ်များ

Gḭ-Néje 1:7

Bèe ɓa Ala ar pən-loo to keneŋ ya, mba kai manje gə́ to gel pən-loo gə́ neelé ləm, gə manje gə́ to dɔ pən-loo gə́ tar lé ləm tɔ. Ndá to lée’g bèe ya tɔ.

Gḭ-Néje 6:17

Ma nja m’a kar mán bélm ree taa loo pəl-pəl dɔ naŋg nee gə mba tuji nékundaje lai gə́ d’aw kəmba gin dara’g lé, néje lai-lai gə́ dɔ naŋg nee lé d’a tuji ya.

Gḭ-Néje 7:6

Ləb koji Noe aḭ tɔl misa̰ (600) ɓa mán bélm taa dɔ naŋg nee ɓəi.

Gḭ-Néje 8:14

Naḭ gə́ njekɔm’g joo, gə ndɔ rɔ-joo-giree-siri ləa lé naŋg tudu kurum-kurum.

Gḭ-Néje 8:2

Man bélm gə́ ḭ bwa gə́ naŋg ləm, gə kəm dara gə́ ɔr wuyum ləm tɔ lé gaŋg ŋgəji-ŋgəji ndá ndi əw rəa kər dɔ naŋg nee tɔ.

2 Mbaije 7:19

Tɔɓəi ɓé-njérɔje lé ila dəw lə Ala keneŋ pana: Ɓó lé Mbaidɔmbaije ra kəmbolèje dan dara’g ya kara see né gə́ bèe lé a teḛ ya wa. Ndá Elije ulá pana: Yeḛ a koo né neelé gə kəmee ya nɛ sɔ ɓa yeḛ a sɔ el.

2 Mbaije 7:2

Ɓé-njérɔje gə́ mbai gəd rəa dɔ jia’g lé ila dəw lə Ala keneŋ pana: Lée Njesigənea̰ ra kəmbolèje dan dara’g ya kara see né gə́ bèe lé a teḛ ya wa. Ndá Elije pana: I a koo né neelé gə kəmi ya nɛ sɔ ɓa i a sɔ el tɔ.

Maktub gə́ wɔji dɔ Jɔb 12:15

Ɓó lé yeḛ ɔg mán ndi kər ndá loo tudu kurum-kurum, Ɓó lé yeḛ ya̰ loo aree ər ndá mán taa loo yəŋgəm-yəŋgəm tɔ.

Maktub gə́ wɔji dɔ Jɔb 28:4

Yeḛ uru bwa loo gə́ əw gə́ dəwje d’isi keneŋ el, Gɔlee askəm la səa keneŋ el tɔ, Deḛ d’ar dəw si rḭgi-kúla naa̰ jərəŋ loo gə́ dəwje godo keneŋ.

Maktub gə́ wɔji dɔ Jɔb 38:16

See i aw saar teḛ kəm-rəw-kaḭ’g lə baa-boo-kad wa. See i njaa ɓuleje gə́ uru’g wa.

Maktub gə́ wɔji dɔ Jɔb 38:37

See na̰ ɓa gə goo kəmkàr ləa askəm tura kilje-lə-ndi Gə mba mbél mán dɔ naŋg nee ləm,

Pakɔsje 33:7

Baa-boo-kad lé Yeḛ daa manee dɔ na̰’d na̰’d ləm, Ɓul manje lé Yeḛ ŋgəm dee ɓuleeje’g ləm tɔ.

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Gosota-Kəmkàrje 3:20

Gə goo gosonégər ləa ɓa Ta ɓul-manje to ne tag ləm, Kil-lə-ndi ar mán tàl wa ne naŋg nee ləm tɔ.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Esai 24:19

Dɔ naŋg ta̰ dana ləm, Dɔ naŋg təd njigi-njigi ləma, Dɔ naŋg ləŋg təji-təji ləm tɔ.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Jeremi 51:16

Loo gə́ yeḛ pata ndá Kaa mán ɓar dará ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tèl ləm, gə ər ləma, Yeḛ ar lel ḭ loo-ŋgəm’g ula ləm tɔ.

Ejekel 26:19

Mbata Mbaidɔmbaije gə́ Njesigənea̰ pa togə́bè pana: Loo gə́ n’a kari to ɓee-boo gə́ to nduba piu-piu asəna gə ɓee-booje gə́ dəwje godo keneŋ bèe lé, loo gə́ n’a kar ɓul mán ḭ turu dɔi kar manje gə́ boo-boo d’a turu dɔi yal-yal ndá

Malasi 3:10

Njesigənea̰ gə́ njeboo-néje lé pana: Reeje gə néje lə sí dɔg kun təa kára-kára lai kəi-ŋgəm’g mba kar nésɔ to mee kəi’g ləm. See m’a kar kəm dara ɔr wuyum dɔ sí’g el wa. See m’a kar nétɔrndu taa rɔ sí pəl-pəl el wa.

Matiyo 24:38

Mbata mee ndəaje gə́ kédé ɓa mán bélm taa ne loo ɓəi lé dəwje d’usɔ gə d’ai ləm, diŋgamje gə denéje taa na̰ ləma, ŋgan deeje kara taa na̰ ləm tɔ saar Noe ḭ ne kág uru ne mee bato’g,

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

2 Piɛrə 3:6

ta gə́ ḭ ta Ala’g ɓa ar mán bélm taa ne loo yəŋgəm-yəŋgəm tuji ne dɔ naŋg gə́ ləw lé ləm tɔ. Ta neelé deḛ gər gao ya nɛ d’orè dəa naŋg mès tɔ.