Gḭ-Néje 6:3 - Maktub gə́ To gə Kəmee

³ Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

Gḭ-Néje 6:3 ပူးပေါင်းရင်းမြစ်များ

Gḭ-Néje 6:2

ŋgan-Alaje gə́ diŋgam d’oo to gə́ ŋgan dəwje gə́ dené lé ma̰də kəm dee’g ndá deḛ mbər njé gə́ na̰je mbuna dee-deḛ lai gə́ taa kəm dee lé, taa deḛ gə́ denéje lə dee.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Pakɔsje 78:39

Yeḛ ar mée olé dɔ dee’g to gə́ deḛ to dakasrɔ gə́ kari ba, Deḛ to d’asəna gə kṵji ta dəw gə́ teḛ pu ndá Tel ree gogo el lé tɔ.

Pakɔsje 90:10

Ləb si kəmba lə sí lé aḭ rɔ-siri ba, Nɛ njé gə́ na̰je gə́ siŋga dee to yaa̰ lé Ləb si kəmba lə dee a kaḭ rɔ-jinaijoo, Nɛ to gə́ deḛ ti ne rɔ dee lé Tel to meeko̰ gə kəmndoo gə́ ra dee ya ɓəi. Kur sí a kəw el ya ndá j’a kḭ kawje.

Esai 5:4

See ɗi ɓa gə́ né gə́ kəm ra gə ndɔ-nduú ləm Gə́ ma m’lal ra səa ɓəi wa. See gelee ban ɓa loo gə́ m’unda məəm yel gə mba kiŋga ka̰dee gə́ maji Ndá yee andə gə ka̰dee gə́ majel wa.

Esai 57:16

Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 11:7

Mbata neḛ ndəji bɔ síje-je bər-bər, un kudee mee ndəa gə́ n’ar dee d’unda ne loo mee ɓee gə́ Ejiptə teḛ saar teḛ ɓogənè. Teḛ gə ndɔ gə ndɔje kára-kára lai lé neḛ ndəji pana: Maji kar dee d’oo ndu neḛ.

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Tagə́maji gə́ Ja̰ ndang 3:6

Né gə́ darɔ oji lé to gə́ darɔ ya, nɛ né gə́ ndil oji lé to ndil ya tɔ.

Néra Njékaḭkulaje 7:51

Seḭ dəwje gə́ njégwɔbkelkwɔije ləm, gə njémeetɔ kujita elje ləma, gə mbim-oo-ta-elje ləm tɔ lé ta-ta seḭ ɔsje Ndilmeenda rəw. Seḭ toje asəna gə bɔ síje lé bèe tɔ.

1 Njé gə́ Tesalonikə 5:19

Ndil gə́ to meḛ sí’g lé udeeje kəmə el.