Gḭ-Néje 5:5 - Maktub gə́ To gə Kəmee

⁵ Ndɔ si kəmba lə Adam lai lé aḭ ləbee tɔl jinaikara gə dəa rɔ-munda (930) ɓa yeḛ wəi ɓəi.

Gḭ-Néje 5:5 ပူးပေါင်းရင်းမြစ်များ

Gḭ-Néje 3:19

I a kinja təd ŋgo nɔḭ’g bur ɓa A sɔ né ɓəi Saar i a kandə ne naŋg gogo Loo gə́ i ḭ keneŋ lé, Mbata i to nduji naŋg Ndá i a tel to nduji naŋg gogo ya tɔ.

Gḭ-Néje 5:11

Ndɔ si kəmba lə Enɔs lai lé aḭ ləbee tɔl jinaikara gə giree-mi (905) ɓa yeḛ wəi ɓəi.

Gḭ-Néje 5:4

Ndɔ si kəmba lə Adam gə́ orè goo ndɔ koji Set lé aḭ ləbee tɔl jinaijoo (800) ɓa yeḛ oji ŋganje gə́ diŋgam gə njé gə́ dené ɓəi tɔ.

Gḭ-Néje 5:6

Ləb Set lé aḭ tɔl-giree-mi (105) ndá yeḛ oji Enɔs tɔ.

Gḭ-Néje 5:8

Ndɔ si kəmba lə Set lai lé aḭ ləb tɔl jinaikara gə dəa dɔg giree-joo (912) ɓa yeḛ wəi ɓəi.

2 Samel 14:14

Lé riri kara j’a kwəi gə́ kwəi ya ndá j’a to kasəna gə mán gə́ ula naŋg gə́ askəm tel mbo̰ na̰ gogo el. Ala ɔr kəmə lə dəw el nɛ yeḛ ndigi mba kar njekaḭ lé si əw kəmee’g loo-kaḭ’g ləa el.

1 Sôrta Gḭka-Israɛlje 1:1

Adam to bɔ Setje, Set to bɔ Enɔsje.

Maktub gə́ wɔji dɔ Jɔb 30:23

Mbata ma m’gər gao i unm aw səm loo-yoo’g Loo-kiŋga-na̰ gə́ wɔji dɔ deḛ lai gə́ d’isi kəmba!

Pakɔsje 89:48

Maji kari ar məəi olé dɔ kisi kəmba’g ləm gə́ kuree əw el lé ləm, Gə dɔ dəwje lai gə́ i unda dee lé to né gə́ kari ba ləm tɔ.

Pakɔsje 90:10

Ləb si kəmba lə sí lé aḭ rɔ-siri ba, Nɛ njé gə́ na̰je gə́ siŋga dee to yaa̰ lé Ləb si kəmba lə dee a kaḭ rɔ-jinaijoo, Nɛ to gə́ deḛ ti ne rɔ dee lé Tel to meeko̰ gə kəmndoo gə́ ra dee ya ɓəi. Kur sí a kəw el ya ndá j’a kḭ kawje.

Njekillamber 12:5

Tɔɓəi dəwje d’a ɓəl dɔ loo gə́ ḭta’g ləm, d’a ndəb pəd-pəd rəw kaw dee’g ləm, yiŋga dɔ dəw a ndá to gə́ pudu kag-dḭ bèe ləm, loo gə́ rɔ beedéje tel wɔi ndiŋ-ndiŋ ləma, mal nésɔ godo meḛ dəwje’g ləm tɔ. Mbata dəw lé si aw gə́ loo-siée’d gə́ to gə no̰ ndá njéno̰je d’aw gə mba̰-rəwje yéŋgé-yéŋgé.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Njekillamber 9:5

Tɔgərɔ ya, deḛ lai gə́ d’isi kəmba lé Gər gao to gə́ d’a gə kwəi ya. Nɛ deḛ gə́ d’wəi mba̰ lé Gər né kára el ləm, Nékoga-dɔ-ji dee kara godo ŋga ləm tɔ Mbata meḛ dəwje wəi dɔ dee’g mba̰.

Njekillamber 9:8

Gə ndɔje lai lé ar kubuje ləi ndá kələw-kələw ləm, Lal kwa dɔi gə ubu el ləm tɔ.

Ejekel 18:4

Aa ooje, dəwje lai to kamaje, ŋgon əsé bɔ ŋgon kara to kamaje joo bɔr, dəw gə́ ra kaiya lé ya ɓa a kwəi.

Tel tura Godndu 30:20

gə mba kar sí undaje ne Ala lə sí gə́ Njesigənea̰ dan kəm sí’g ləm, gə mba kar sí tədje ne kag torndia ləma, gə mba kar sí naije ne səa ləm tɔ, mbata yee ɓa to gin kisi kəmba lə sí ləm, to gin kar ndɔje lə sí d’a koso ne dɔ maree’g ləm tɔ, togə́bè ɓa seḭ a kisije ne mee ɓee gə́ Njesigənea̰ man ne rəa gə mba kar bɔ síje-je, Abrakam gə Isaak gə Jakob tɔ.

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,