Gḭ-Néje 47:4 - Maktub gə́ To gə Kəmee

⁴ Deḛ d’ula Parao̰ ya tɔɓəi pana: Jeḛ n’reeje gə mba kisi dɔ naŋg nee mbata mu sɔ badje lə sí godo ləm, ɓoo-boo kara o̰ dɔ naŋg ɓee gə́ Kana̰ yaa̰ ləm tɔ. Togə́bè ɓa kuraje ləi ra ndòo rɔi’g mba kari ya̰ loo ar dee d’isi dɔ naŋg gə́ Gosen ya.

Gḭ-Néje 47:4 ပူးပေါင်းရင်းမြစ်များ

Gḭ-Néje 12:10

Ɓoo-boo oso mee ɓee’g ndá Abram ḭ aw Ejiptə gə mba kisi keneŋ waga ɓa mbata ɓoo-boo tɔl yaa̰ mee ɓee’g lé.

Gḭ-Néje 15:13

Njesigənea̰ ula Abram pana: Maji kari gər gao, ŋgakaije lé d’a to mbáje mee ɓee gə́ a to ka̰ dee-deḛ el. D’a kwa dee gə́ ɓər ləm, d’a kula kəm dee ndòo as ləb dee tɔl-sɔ (400) ləm tɔ.

Gḭ-Néje 43:1

Ɓoo-boo neelé o̰ gə́ kédé-kédé dɔ naŋg’d neelé.

Gḭ-Néje 45:10

I a ra ɓee dɔ naŋg gə́ Gosen ndá i a si mbɔrm’g dəb, i ləm, gə ŋganije ləm, gə ŋgan meḛ ŋganije ləm, gə badje ləi ləm, gə maŋgje ləi ləma, gə néje lai gə́ to kaḭ ləm tɔ.

Gḭ-Néje 46:34

Ndá seḭ a kiláje keneŋ pajena: Kuraje ləi lé gə basa sí saar ɓasinè kara jeḛ n’toje gə́ njénékulje, jeḛ ləm, gə bɔ síje ləm tɔ. Yeḛ ɓa seḭ a síje ne Gosen mbata njénékulje lé to kḛji kəm Ejiptəje’g ya.

Gḭ-Néje 47:5

Parao̰ ula Jisəb pana: Bɔbije gə ŋgakɔḭje lé ree rɔi’g mba̰.

Pakɔsje 105:23

Gelee gə́ nee ɓa Israɛl lé aw ne mee ɓee gə́ Ejiptə, Jakob ra ne ɓee mee ɓee gə́ Kam’g lé tɔ.

Esai 52:4

Mbata Mbaidɔmbaije gə́ Njesigənea̰ pana: Kédé gə́ ləw lé koso-dəwje ləm d’aw Ejiptə mba kisi keneŋ. Tɔɓəi Asirije d’ula kəm dee ndòo lal né gə́ bèe.

Néra Njékaḭkulaje 7:11

Ɓoo-boo oso mee ɓee gə́ Ejiptə gə loo rima-rima ləm, gə mee ɓee gə́ Kana̰ ləm tɔ. Néɓəŋgərəti lé to yaa̰ ndá bɔ síjeḛ d’iŋga nésɔ gə mba làm ne rɔ dee el.

Néra Njékaḭkulaje 7:6

Ala lé pa togə́bè pana: Ŋgakeaje lé d’a si dɔɓee’g lə dəwje gə́ raŋg. Njéɓeeje neelé d’a ra dee ɓər ləm, d’a kula kəm dee ndòo ləb dee tɔl-sɔ ləm tɔ.

Tel tura Godndu 26:5

Tɔɓəi debee neelé a kun ta pa no̰ Njesigənea̰ Ala’g lə sí tɔɓəi pana: Bɔ síjeḛ-je lé to gə́ dəw gə́ Aram gə́ njekilatar, yeḛ aw Ejiptə gə koso-dəwje gə́ lam ba bèe gə mba si keneŋ, lé gə́ neelé ɓa yeḛ tel to ginkoji dəwje gə́ boo keneŋ ləm, gə́ siŋga dee to yaa̰ ləma, gə́ bula digi-digi ləm tɔ.