Gḭ-Néje 45:3 - Maktub gə́ To gə Kəmee

³ Jisəb ula ŋgakea̰je pana: Ma m’to Jisəb! See bɔm lé si kəmba ɓəi wa. Nɛ ŋgakea̰je lé d’oo loo tel gə ta kilá keneŋ el mbata meḛ dee to kəgəgə nea̰’g.

Gḭ-Néje 45:3 ပူးပေါင်းရင်းမြစ်များ

Gḭ-Néje 37:20

Gə́ reeje ɓasinè, ar sí n’tɔleeje j’iláje mee godə-bwa-mán’g. Ndá j’a pa pana: Da gə́ majel ɓa wá seá. Bèe ɓa j’a koo ne səa gel ni ləa lé.

Gḭ-Néje 42:21

Deḛ d’ula na̰ ta mbuna na̰’d pana: Tɔgərɔ ya, ta wa dɔ sí mbata lə ŋgoko̰ sí lé. Mbata jeḛ j’oo mée gə́ tɔsee mbigi-mbigi loo gə́ yeḛ ra ndòo rɔ sí’g lé nɛ jeḛ j’un mbi sí dɔ’g rəw! Togə́bè ɓa némeeko̰ neelé teḛ ne dɔ síjeḛ’g gə mbəa.

Gḭ-Néje 42:22

Rubḛ un ta ula dee pana: See ma m’ula sí el wa, m’pana: Raje meeyèr gə ŋgon neelé el. Nɛ seḭ mbad kooje. Togə́bè ɓa aa ooje məsee ɓa deḛ dəji sí gée nee ya.

Gḭ-Néje 43:27

Jisəb dəji dee pana: See seḭ síje gə́ majee ya wa. See bɔ síje gə́ tɔg gə́ seḭ paje ta ləa lé see si gə́ majee ya wa. See si kəmba ya ɓəi wa.

Maktub gə́ wɔji dɔ Jɔb 23:15

Aa oo, gelee gə́ nee ɓa m’unda ne bala tigi-tigi nea̰’g, Loo gə́ m’ə̰ji dəa’g ndá m’ɓəlee ne.

Maktub gə́ wɔji dɔ Jɔb 4:5

Nɛ ɓasinè to ndəa kaḭ ndá i unda ndolé. Ɓasinè né ɔrɔ rɔi-i ndá i ar məəi pélé ne wəs-wəs.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Mark 6:50

mbata deḛ lai d’ée gə kəm dee ar meḛ dee to kəgəgə. Léegəneeya, Jeju un ta ula dee pana: Arje meḛ sí oso naŋg po̰, to ma nja ɓó ɓəlje el.

Lugu 5:8

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Néra Njékaḭkulaje 7:13

Yeḛ gə́ njekɔm’g gɔl joo gə́ yeḛ ula dee ndá kəm ŋgako̰ Jisəb inja dəa’g ar dee gəree ne, ar Parao̰ kara gər ne njénojije lə Jisəb ləm tɔ.

Néra Njékaḭkulaje 9:5

Yeḛ tel ilá keneŋ pana: Mbaidɔmbaije, see i to gə́ na̰ wa. Mbaidɔmbaije tel ilá keneŋ pana: Ma m’to gə́ Jeju gə́ i ula kəm ndòo lé ya. Nékad gə́ d’ɔs ne kudi ɓèsèsè-ɓèsèsè lé ɓó gad kudi gə́ gogo ndá a koso rɔi’g pal ya.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.