Gḭ-Néje 42:9 - Maktub gə́ To gə Kəmee

⁹ Jisəb lé mée olé dɔ nije gə́ yeḛ ni dɔ dee’g ndá yeḛ ula dee pana: Seḭ toje njétənlookooje ɓa. Seḭ reeje mba koo dəb looje gə́ mee ɓeeko̰’g neelé gə́ siŋga deḛ godo ɓa mba tel kaw kula deeje ɓəi, yee ɓa seḭ reeje ne gə mbəa.

Gḭ-Néje 42:9 ပူးပေါင်းရင်းမြစ်များ

Gḭ-Néje 37:11

Ŋgakea̰je lé ra kəmkəḭ dəa’g nɛ bɔbeeje ɓa ŋgəm ta neelé mée’g.

Gḭ-Néje 42:16

Ɔrje dəw kára mbuna sí’g mba karee aw ree gə ŋgoko̰ sí ndá seḭ ɓa a naije daŋgai’g. Yee ɓa m’a naa ne tapa sí mba gər see tapa sí to ta gə́ tɔgərɔ wa. Ɓó lé bèe el ndá gə goo kisi kəmba lə Parao̰ lé seḭ toje njétə̰lookooje ya.

Gḭ-Néje 42:34

Yee gə́ bèe ɓa n’a gər sí ne gə́ njétə̰lookooje el nɛ n’a koo sí ne gə́ dəwje gə́ gəd ya. N’a kya̰ ŋgoko̰ sí kar sí ndá j’a kaskəm njaa mee ɓee’g to gə́ meḛ sí ndigi.

2 Samel 10:3

dəwje gə́ boo lə Amo̰je d’ula Hana gə́ ɓée deeje lé pana: See i ə̰ji to gə́ to gə mba kila riɓar dɔ bɔbije’g ɓa Dabid ula ne njégɔl meeije rɔi’g gə mbəa wa. See to gə mba kar dee gər loo ləm, gə mba tən ɓee kédé ləm tɔ ɓa gə mba tel ree tujee ɓəi ɓa yeḛ ula ne kuraje ləa rɔi’g gə mbəa el wa.

Teḛ-Raga 32:35

Njesigənea̰ ar bo̰ néra dəwje neelé ɔs ta dee’g mbata deḛ léḛ néndaji ŋgon maŋg gə́ Aaro̰ ɓa ra ar dee lé.

Bula lə Israɛlje 13:2

Ula dəwje mba kar dee d’aw tən loo mee ɓee gə́ Kana̰ gə́ ma m’ar Israɛlje lé. I a kɔr dəw kára mee ginkoji’g lə bɔ deeje kára kára gə mba kula dee, deḛ lai d’a to dəw dɔ mar deeje mbuna dee’g.

Lugu 20:20

Deḛ d’unda kəm dee goo Jeju’g lér-lér, d’ula dəwje rəa’g gə mba kar dee su kəmee asəna gə njémeekarabasurje bèe, ra ne goso ɓó gə koo ne ta gə́ gəd təa’g mba kubá ne kwá kulá ne ji mbai dɔ njégaŋ-rəwtaje’g ləm, gə njeguburuɓee’g ləm tɔ.

Ǝbrəje 11:31

Meekun lé ɓa Rahab gə́ to kaiya-dené tuji ne na̰’d gə njékaltaje el, mbata yeḛ ra njéŋgəmlooje mbá bur-bur.

Jujé 2:1

Juje gə́ to ŋgolə Nun lé, loo gə́ naḭ ne mee ɓee gə́ Sitim ɓəi ndá, yeḛ ula njétənlooje joo gə goo ŋgəḭ pana: Awje aw tənje loo mee ɓee’g ooje, nɛ oreeje kəm sí ndəŋ dɔ ɓee-boo gə́ Jeriko ya. Deḛ d’ɔd d’aw ndá teḛ kəi lə kaiya-dené gə́ ria lə Rahab, tɔɓəi deḛ to keneŋ tɔ.

Jujé 6:23

Basaje gə́ njétənlooje lé d’andə kəi lə Rahab ndá, deḛ teḛ səa gə bɔbeeje, gə kea̰je, gə ŋgakea̰je, gə deḛ lai gə́ to kea̰je, deḛ teḛ gə njénojije ləa lai d’aw sə dee d’ar dee d’isi gir loo-si Israɛlje’g.

Njéga̰g-Rəwtaje 1:24

Njétənlooje lé d’oo dəw kára gə́ ḭ ɓee-boo’g teḛ gə́ raga ndá deḛ dəjee pana: Tɔji sí tarəw gə́ j’askəm kandə ne mee ɓee-boo’g neelé ndá j’a ra səi meemaji.

1 Samel 26:4

yeḛ ula njétənlooje gə́ keneŋ ndá oo gao to gə́ Sawul ree mba̰ ya.