Gḭ-Néje 41:8 - Maktub gə́ To gə Kəmee

⁸ Teḛ gə ndɔ rad ndá mee Parao̰ to kəgəgə ndá yeḛ ula kula ɓar njémbeḛje lai gə njékəmkàrje lai gə́ Ejiptə rəa’g. Yeḛ ula dee ta ni ləa. Nɛ dəw kára kara askəm kɔr ginee kar Parao̰ el.

Gḭ-Néje 41:8 ပူးပေါင်းရင်းမြစ်များ

Gḭ-Néje 40:6

Teḛ gə ndɔ rad lé Jisəb aw rɔ dee’g ndá aa loo oo dee. Nɛ aa oo, kəm dee mi mbidi-mbidi.

Gḭ-Néje 40:8

Deḛ d’ilá keneŋ pana: Jeḛ nije nɛ j’oo dəw kára mba karee ɔr ginee ar sí el. Yen ŋga Jisəb ula dee pana: Kəmkàr mba kɔr gin ni lé see ḭ rɔ Ala’g lé el wa. Ɔrje sor ni lé amje m’oo.

Gḭ-Néje 41:15

Parao̰ ula Jisəb pana: Ma m’ni ndá dəw kára kara askəm kɔr gelee kam el. Nɛ m’oo ta gə́ wɔji dɔi pana: Loo gə́ d’ɔr sor ni d’ari ndá i askəm kɔr gelee.

Gḭ-Néje 41:24

Dɔ koje gə́ d’aar jəm lé tur dɔ koje gə́ siri gə́ maji péd-péd lé. Ma m’ɔr soree m’ar njémbeḛje ya nɛ dəw kára kara ɔr gelee am el.

Gḭ-Néje 41:7

Jəm koje neelé tur dɔ koje gə́ d’ər kəm ləm, gə́ d’unda kəm ɗao-ɗao ləm tɔ. Ndá Parao̰ teḛ kəmee dɔ ɓi’g yərərə ndá oo to gə́ yeḛ ni gə́ ni ya.

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Teḛ-Raga 7:11

Nɛ Parao̰ ula kula ɓar njékəmkàrje gə njésukəm mar deeje ləm tɔ, tɔɓəi njéra némɔrije gə́ Ejiptə lé némɔrije lə dee-deḛ kara ar dee ra togə́bè tɔ.

Teḛ-Raga 7:22

Nɛ njéra némɔrije gə́ Ejiptə lé deḛ kara ra togə́bè gə goo némɔrije lə dee tɔ. Mee Parao̰ ndər tɔɓəi yeḛ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé ya.

Teḛ-Raga 8:7

Kurkuduje lé d’a kɔr rɔ dee pam rɔi’g ləm, gə mee kəije’g ləi ləm, gə rɔ kuraje’g ləi ləma, gə rɔ dəwje’g ləi ləm tɔ, d’a nai looje’g neelé el ŋga nɛ mee baa’g ya ba ɓa d’a nai keneŋ ŋga.

Teḛ-Raga 9:11

Njéra némɔrije d’as teḛ kaar no̰ Moyis’g el mbata lə bairaŋ lé, mbata bairaŋ neelé sɔ njéra némɔrije to gə́ sɔ ne njé gə́ Ejiptə lai bèe ya tɔ.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Loo gə́ killa rea kəm Daniel’g 1:20

Né gə́ rara gə́ wɔji dɔ kəmkàr gə gosonégər gə́ mbai dəji dee ta dɔ’g ndá yeḛ oo to gə́ deḛ d’ur dɔ njéra némɔrije’g gə njétən kéréméje lai gə́ d’isi ɓeeko̰’g ləa lé as gɔl dɔg ya.

Loo gə́ killa rea kəm Daniel’g 4:18

kag neelé kamee maji yaa̰ ləm, ka̰dee andə njim-njim ləm, dəwje lai d’iŋga nésɔ dee keneŋ ləm, daje gə́ wala d’wa rɔ dee ndilee’g ləma, yelje gə́ dara kara ra kəi lə dee mbuna barkəmeeje’g ləm tɔ.

Loo gə́ killa rea kəm Daniel’g 4:19

Ǝi mbai, kag neelé to i nja gə́ teḛ boo ləm, siŋgai to keneŋ ləm tɔ, dɔmoŋ ləi ḭ dɔ maree’g aw njal teḛ mee dara’g ləm, dumdɔloo ləi kara aw njal ɔr rudu naŋg nee ləm tɔ.

Loo gə́ killa rea kəm Daniel’g 4:5

Yeḛ gə́ ree nɔm’g gogo lé to Daniel gə́ d’unda ria lə Belsasar gə goo ri magə ləm. Yeḛ neelé ɓa ndil magəje gə́ to gə kəmee sí mée’g. Ma m’ulá ni ləm gə́ m’ni lé m’pana:

Loo gə́ killa rea kəm Daniel’g 4:6

Belsasar, i mbai dɔ njéra némɔrije lé ma m’gər gao, ndil magəje gə́ to gə kəmee si məəi’g ləm, né gə́ rara gə́ to loo-kiya’g dumi el ləm tɔ. Ndá maji kari ɔr gin némḭdije gə́ m’ni ne lé am m’oo.

Loo gə́ killa rea kəm Daniel’g 4:7

Aa oo, némḭdije gə́ m’oo Loo gə́ m’to dɔ tira-tom’g lé ɓa nee: Ma m’aa loo ndá aa oo, Kag gə́ ŋgal yaa̰ aar dɔ naŋg’d Loo gə́ dana bab.

Loo gə́ killa rea kəm Daniel’g 5:11

Dəw kára gə́ ndil magəje gə́ to gə kəmee to mée’g lé si mee ɓeeko̰’g ləi. Mee ndəa’g lə bɔbije lé d’iŋga ta gə́ àr gə gosonégər rəa’g ləm, gə kəmkàr gə́ wa bua kəmkàr lə magəje ləm tɔ. Togə́bè ɓa mbai Nebukadnesar gə́ to bɔbije lé unee undá gə́ mbai dɔ njéra némɔrije ləm, gə njétən kéréméje ləm, gə dɔ Kaldeje ləma, gə dɔ njénékooje ləm tɔ.

Loo gə́ killa rea kəm Daniel’g 7:28

Gintaje gə́ d’ulam lé ŋgaŋgee ɓa nee. Ma Daniel, takə̰jije ləm al dɔm sula am m’ɓəl m’ndəb ne pəd-pəd ləm, kəm tel ne wagəsa ləm tɔ ndá m’wa taje neelé lai məəm’g bururu ya.

Loo gə́ killa rea kəm Daniel’g 8:27

Ma Daniel, siŋgam godo am m’to rɔko̰ as ndɔ bula bəl. Ndá gée gə́ gogo ɓa m’ḭta m’ra kula lə mbai lé ɓəi. Némḭdi gə́ m’oo lé ar kaarm wam paḭ tɔɓəi dəw kára kara gər gelee el tɔ.

Ləbije 19:31

Telje rɔ sí go deḛ gə́ njesaŋ ndil dəwje gə́ d’wəi el ləm, əsé go njéndo̰-ərje’g el ləm tɔ, ndolèje goo dee el nà seḭ a mina̰je ne. Ma m’to Njesigənea̰, Ala lə sí.

Ləbije 20:6

Ɓó lé dəw kára aw rɔ dəw gə́ njesaŋ ndil dəwje gə́ d’wəi əsé rɔ njéndo̰-ərje’g mba pole dee ndá m’a kun kəm rəw dɔ debee’g neelé mba kɔree mbuna dəwje’g ləa.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Matiyo 2:1

Jeju lé d’ojee mee ɓee gə́ Betlehem loo gə́ mbai Herɔdə to ne njeko̰ɓee gə́ Jude lé. Aa ooje bao-gosɔnégərje d’ḭ bər ree Jerusalem.

Néra Njékaḭkulaje 17:18

Njégər gintaje gə́ na̰je gə́ to Epikuriḛje gə Stoisiḛje lé d’un kudu kwɔji səa ta. Njé gə́ na̰je mbuna dee’g dəji na̰ pana: See ta ɗi ɓa njetakwɔji neelé wɔji bèe wa. Njé gə́ raŋg d’oo ri Jeju gə́ yeḛ pa ləm, gə ta teḛ dɔkumbwa’g lé ləm tɔ ndá deḛ tar taree pana: To asəna gə yeḛ pata gə́ wɔji ne dɔ magəje gə́ dɔ ɓee gə́ raŋg’d.

Néra Njékaḭkulaje 7:22

Deḛ ndoo Moyis gosɔkəmkàr lə njé gə́ Ejiptə lai, aree moŋg dɔ ta’g ləm, gə dɔ néra’g ləm tɔ.

1 Njé gə́ Kɔrḭtə 1:19

To gə́ ndaŋg mee maktub’g pana: N’a tuji kəmkàr lə njékəmkàrje ləm, N’a sané gosonégər lə njégosonégərje ləm tɔ.

1 Samel 6:2

Ndá Pilistije ɓar njékinjanéməsje gə njéndo̰-ərje dəji dee pana: Sa̰duk-manrɔ lə Njesigənea̰ lé see ɗi ɓa j’a ra ne wa. Ula síje gosee gə́ j’a karee tel aw ne lée’g gogo.