Gḭ-Néje 41:54 - Maktub gə́ To gə Kəmee

⁵⁴ Mee ləbje gə́ siri gə́ orè gée lé ɓoo-boo un kudu koso to gə́ Jisəb pa ne taree kédé lé. Ɓoo-boo neelé oso mee ɓeeko̰je gə́ raŋg lai ya. Nɛ mee ɓee gə́ Ejiptə ɓa nésɔ to keneŋ.

Gḭ-Néje 41:54 ပူးပေါင်းရင်းမြစ်များ

Gḭ-Néje 41:27

Ko̰ maŋgje gə́ siri gə́ d’əŋ kəŋ-kəŋ ləm, bḭ dee tel wagəsa ləm tɔ gə́ teḛ goo dee gə́ dɔtar’g lé wɔji dɔ ləbje gə́ siri ndá dɔ koje gə́ siri gə́ d’aar jəm ləm, lel gə́ ḭ bər tudu dee ləm tɔ lé wɔji dɔ ləbje gə́ siri gə́ ɓoo-boo a gə ko̰ lé tɔ.

Gḭ-Néje 41:30

Nɛ mee ləbje gə́ siri gə́ d’a gə korè gée lé ɓoo-boo a ko̰ ya. Yee ɓa meḛ dəwje lai a kwəi dɔ kó gə́ unda kəm yaa̰ mee ɓeeko̰ gə́ Ejiptə’g kédé lé ndá ɓoo-boo neelé a tuji dɔ naŋg neelé tɔ.

Gḭ-Néje 41:53

Ləbje gə́ siri gə́ nésɔje to keneŋ yaa̰ mee ɓee gə́ Ejiptə lé dəs mba̰.

Gḭ-Néje 42:2

Yeḛ pana: Aa ooje, ma m’oo sor kó gə́ to Ejiptə. Ḭje awje nu mba ndogoje kó keneŋ kar sí mba kar sí j’isije ne kəmba ɓó gə mba kar sí j’wəije el.

Gḭ-Néje 43:1

Ɓoo-boo neelé o̰ gə́ kédé-kédé dɔ naŋg’d neelé.

Gḭ-Néje 45:11

Lée gə́ neelé ɓa m’a ŋgəmi gə nésɔi keneŋ mbata nai as ləb mi gə mba kar ɓoo-boo o̰ ɓəi. Togə́bè ɓa i a to ne njendoo el, i ləm, gə njémeekəije ləi ləma, gə njé gə́ ləi lai gə́ to gə́ kaḭ ləm tɔ.

Gḭ-Néje 47:13

Nésɔ godo dɔ naŋg’d neelé lai mbata ɓoo-boo to yaa̰. Dɔ naŋg ɓee gə́ Ejiptə, gə dɔ naŋg ɓee gə́ Kana̰ kul kwɔji-kwɔji mbata lə ɓoo-boo gə́ o̰ lé.

2 Mbaije 8:1

Elije ula dené gə́ yeḛ ar ŋgonee tel si kəmba lé pana: Uba naŋg ḭta, i gə njémeekəije ləi awje aw síje loo gə́ kəm kisi keneŋ, mbata Njesigənea̰ a gə kar ɓoo-boo oso ndá ɓoo-boo neelé a koso dɔ ɓee’g as ləb siri.

Pakɔsje 105:16

Yeḛ ɓar ɓoo-boo ila dɔ ɓee’g neelé ləm, Koje lə dee gə́ d’unda kul lé kara Yeḛ tuga sané kad-kad ya ləm tɔ.

Néra Njékaḭkulaje 7:11

Ɓoo-boo oso mee ɓee gə́ Ejiptə gə loo rima-rima ləm, gə mee ɓee gə́ Kana̰ ləm tɔ. Néɓəŋgərəti lé to yaa̰ ndá bɔ síjeḛ d’iŋga nésɔ gə mba làm ne rɔ dee el.