Gḭ-Néje 41:41 - Maktub gə́ To gə Kəmee

⁴¹ Parao̰ ula Jisəb pana: Oo, ma m’undai gə́ njekaa dɔ ɓee gə́ Ejiptə lai.

Gḭ-Néje 41:41 ပူးပေါင်းရင်းမြစ်များ

Gḭ-Néje 39:22

Mbai gə́ njeŋgəm kəi-daŋgai lé undá gə́ njekaa dɔ daŋgaije lai gə́ d’isi kəi-daŋgai’g neelé. Né gə́ rara kara yeḛ ɓa gə́ njerea ya.

Gḭ-Néje 39:5

Un kudee mee ndəa gə́ Potipar undá gə́ njekaa dɔ kəi ləa ləm, ɔm néje ləa lai jia’g ləm tɔ lé ndá Njesigənea̰ tɔr ndia dɔ kəi’g lə dəw gə́ Ejiptə gə mbata lə Jisəb ya. Ndutɔr lə Njesigənea̰ lé to dɔ kəi’g ləm, gə dɔ loo-ndɔ’g ləm tɔ.

Gḭ-Néje 41:44

Parao̰ ula Jisəb tɔɓəi pana: Ma nja ma m’to Parao̰! Ɓó lé i un ndui lé dəw kára kara a ra né gə jia əsé gɔlee mee ɓeeko̰ gə́ Ejiptə nee gə dɔrea el.

Gḭ-Néje 42:6

Jisəb ɓa to njeguburu ɓee gə́ dɔ naŋg’d neelé. Yeḛ nja ɓa dəwje lai mee ɓeeko̰’g ndogo kó rəa’g. Ŋgako̰ Jisepje ree d’unda barmba nea̰’g dəb kəm dee naŋg nea̰’g tɔ.

Gḭ-Néje 45:8

Bèe ndá to seḭ ɓa ulamje loo gə́ nee’g lé el nɛ to Ala ya. Yeḛ nja telm gə́ bɔ Parao̰je ləm, gə mbai dɔ kəi ləa lai ləma, gə njeguburuɓee gə́ Ejiptə lai ləm tɔ.

Este 10:3

Mbata Mardose gə́ to Jip lé ɓa to gə́ dɔtar, goo mbai Asuerus’g lé. D’ula rɔnduba dəa’g mbuna Jibje’g ləm, ŋgakea̰je gə́ bula digi-digi lé kara d’undá dan kəm dee’g ləm tɔ ndá yeḛ saŋg maji lə koso-dəwje ləa ləm, yeḛ pata meelɔm mbata lə ginkojije ləa lai ləm tɔ.

Pakɔsje 105:21

Yeḛ undá gə́ mbai gə́ njekaa dɔ kəi ləa ləm, Gə njekaa dɔ némajije ləa lai ya ləm tɔ.

Gosota-Kəmkàrje 17:2

Ŋgonjelookisi gə́ njekunda kəmkàr dɔ rəa’g lé A ko̰ɓee dɔ ŋgon gə́ njera nérɔkul’g ləm, Yeḛ a kiŋga nénduba mbuna ŋgako̰ na̰je’g ləm tɔ.

Gosota-Kəmkàrje 22:29

Ɓó lé i oo dəw gə́ gər gosokula ləa maji ndá Yeḛ a kaar no̰ dəwje gə́ kari ba’g el.

Njekillamber 4:14

Mbata ŋgon neelé lé yeḛ ḭ kəi-daŋgai’g Esé d’ojee gə́ njendoo mee ɓee’g ləa kara Yeḛ askəm tel to njeko̰ɓee ya.

Loo gə́ killa rea kəm Daniel’g 2:48

Gée gə́ gogo, mbai lé un Daniel lad undá ne daŋdɔ ləm, ɔm nébaoje bula jia’g ləm, undá gə́ njeko̰ dɔ dəb ɓeeko̰ gə́ Babilɔn bura ləma, aree to dəw dɔ njékəmkàrje gə́ Babilɔn lai ləm tɔ.

Loo gə́ killa rea kəm Daniel’g 6:3

Tɔɓəi yeḛ ɔr mbaije munda gə́ njekaa dɔ dee-deje ar Daniel to yeḛ gə́ kára mbuna dee’g mba kar njékaa dɔ dəb ɓeeko̰je neelé tura goo kula ra dee kar dee ləm, mba kar né lə mbai kára kara tuji el ləm tɔ.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Néra Njékaḭkulaje 7:10

Nɛ Ala nai səa ɔree ne dan némeekonje’g ləa lai. Yeḛ ar kəmee àr ləm, ar néreaje lai taa kəm Parao̰, mbai gə́ Ejiptə’g ləm tɔ ndá Parao̰ lé undá gə́ njeguburuɓee gə́ Ejiptə’g ləm, gə njekaa dɔ kəi’g ləa ləm tɔ.