Gḭ-Néje 41:34 - Maktub gə́ To gə Kəmee

³⁴ Maji kar Parao̰ ra né togə́bè mba kunda njékaa dɔ naŋgje mba kar dɔ kó gə́ d’inja mee ɓee gə́ Ejiptə as ləb siri gə́ kó unda kəm yaa̰ keneŋ lé dee nja d’a kar dee kaiee loo mi ndá d’a taa təa kára mba kunda gə kəmee.

Gḭ-Néje 41:34 ပူးပေါင်းရင်းမြစ်များ

Gḭ-Néje 41:33

Ɓasinè lé maji kar Parao̰ mbər dəw kára gə́ to njegoso gə njekəmkàr mba karee undá gə njekaa dɔ ɓee gə́ Ejiptə.

Gḭ-Néje 41:35

Maji kar dee mbo̰ nésɔje lai gə́ mee ləbje’g siri gə́ maji gə́ a gə ree lé. Gə goo ndukun gə́ Parao̰ a kun kar dee ɓa d’a mbo̰ ne kó ləm, gə nésɔje ləm tɔ mee ɓee-booje’g ndá dee ɓa d’a kaa dəa tɔ.

Gḭ-Néje 47:24

Togə́bè ɓa loo gə́ injaje dɔ kó lé ndá a kaieje loo mi ɓa a kunje təa kára mba kar Parao̰ tɔ. Gesee a nai as loo sɔ gə mba kar sí dubuje loo-ndɔje’g lə sí ləm, mba kaareeje to nésɔ sí-seḭ gə ka̰ ŋgan síje gə ka̰ dee-deḛ gə́ d’isi sə sí mee kəije’g lə sí ləm tɔ.

Gḭ-Néje 47:26

Jisəb ar né neelé to gə́ godndu mee ɓee gə́ Ejiptə saar teḛ mee ndɔ gə́ ɓogənè mba kar Parao̰ iŋga kugu kó kára mbuna njé gə́ mi-mi’g. Nɛ dɔ naŋg lə njékinjanéməsje ɓa Parao̰ iŋga kea̰ keneŋ el.

2 Sôrta Gḭka Israɛlje 34:12

Dəwje neelé d’ila ŋgonkoji ra kula lə dee gə goo rəbee. Deḛ d’isi gel njékoo goo deeje gə́ to Jahat gə Abdias gə́ to Ləbije mbuna Merarije’g ləm, gə Jakari gə Mesulam gə́ to gə́ mbuna Keatje’g ləm tɔ.

Nehemi 11:9

Joɛl, ŋgolə Jikri ɓa to mbai dɔ dee ndá Juda, ŋgolə Senua ɓa to mbai gə́ njekɔm’g joo gə́ mee ɓee-boo’g lé tɔ.

Maktub gə́ wɔji dɔ Jɔb 5:20

Loo gə́ ɓoo-boo oso lé yeḛ a kɔri ta yoo’g ləm, Loo gə́ rɔ oso lé yeḛ a kɔri ta kiambas’g ləm tɔ.

Pakɔsje 33:19

Gə mba kɔr dee ne ta yoo’g ləm, Gə mba kar dee d’isi ne kəmba dan ɓoo-boo’g ləm tɔ.

Gosota-Kəmkàrje 22:3

Dəw gə́ njekunda kəmkàr dɔ rəa’g lé oo némajel ndá iya rəa, Nɛ deḛ gə́ négər na meḛ dee tas lé d’aw pər gə́ keneŋ ndá bo̰ néra dee ɔs ta dee’g ya.

Gosota-Kəmkàrje 27:12

Dəw gə́ unda kəmkàr dɔ rəa’g lé Oo né gə́ majel ndá iya rəa, Deḛ gə́ négər na meḛ dee tas lé D’ur keneŋ ndá bo̰ néra dee ɔs ta dee’g.

Bula lə Israɛlje 31:14

Mee Moyis ea̰ dɔ mbai dɔ njérɔje’g ləm, gə dɔ ɓé-njérɔje gə́ d’aa dɔ deḛ gə́ tɔl-dɔg-dɔg (1.000) ləm, gə dɔ deḛ gə́ tɔl-tɔl (100) ləm tɔ gə́ d’ḭ loo rɔ’g tel lé.

Lugu 16:5

Togə́bè yeḛ ɓar njéɓaŋje lə mbai ləa kára-kára lai rəa’g dəji yeḛ gə́ kára pana: See ɓaŋg lə mbai ləm tɔ dɔi’g ka̰da wa.