Gḭ-Néje 40:8 - Maktub gə́ To gə Kəmee

⁸ Deḛ d’ilá keneŋ pana: Jeḛ nije nɛ j’oo dəw kára mba karee ɔr ginee ar sí el. Yen ŋga Jisəb ula dee pana: Kəmkàr mba kɔr gin ni lé see ḭ rɔ Ala’g lé el wa. Ɔrje sor ni lé amje m’oo.

Gḭ-Néje 40:8 ပူးပေါင်းရင်းမြစ်များ

Gḭ-Néje 40:9

Njekaa dɔ njékar-mbaije nékaije lé ɔr sor ni ləa ar Jisəb pana: Ni ləm-ma lé m’ni wɔji dɔ kag-nduú gə́ to nɔm’g.

Gḭ-Néje 41:25

Jisəb ula Parao̰ pana: Gin ni gə́ Parao̰ ni lé to gə́ kára ba ya. Ala ɓa ar Parao̰ oo né gə́ yeḛ a gə ra lé.

Maktub gə́ wɔji dɔ Jɔb 33:23

Nɛ ɓó lé yeḛ iŋga kura gə́ dara kára gə́ njéra rəwta ləa Yeḛ gə́ kára mbuna deḛ gə́ tɔl dɔg’d (1.000) lé ɓa Gə́ to njekula dəw rəw gə́ kəm karee njaa keneŋ ndá

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Loo gə́ killa rea kəm Daniel’g 2:11

Né gə́ mbai dəji lé to kədərə ndam godo. Dəw kára kara askəm riba dɔ taree kar mbai lé el. Nɛ magəje gə́ loo-si dee godo mbuna dəwje’g ɓa.

Loo gə́ killa rea kəm Daniel’g 2:27

Daniel aar no̰ mbai’g lé ilá keneŋ pana: Né gə́ mbai dəji lé to né gə́ to loo-kiya’d gə́ njégosonégərje əsé njétən kéréméje, əsé njéra némɔrije, əsé njénékooje d’askəm riba dəa gə dɔrɔ dee kar mbai lé el.

Loo gə́ killa rea kəm Daniel’g 2:28

Nɛ Ala gə́ si dan dara’g lé ɓa riba dɔ néje gə́ to loo-kiya’g ndá yeḛ nja ɓa ari-i Nebukadnesar, mbai lé oo né gə́ a gə teḛ meḛ ndɔje gə́ d’a gə ree ɓəi. Aa oo, ni ləi gə némḭdije gə́ i oo dee dɔ tira-toi’g lé ɓa nee:

Loo gə́ killa rea kəm Daniel’g 2:3

Mbai lé ula dee pana: Ma m’ni ar məəm tila ŋgaḭla-ŋgaḭla tɔɓəi ma m’ndigi gər ni gə́ m’ni lé ɓa.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Loo gə́ killa rea kəm Daniel’g 4:8

Kag neelé tel teḛ boo ləm, Siŋgá to keneŋ ləma, Semee aw njal mee dara’g ləm tɔ Ar deḛ gə́ d’isi rudu naŋg’d kara d’ée.

Loo gə́ killa rea kəm Daniel’g 5:16

Ma m’oo ta ləi to gə́ i askəm kɔr gin taje ləm, gə riba dɔ taje gə́ kədərə gə́ to loo-kiya’g ləm tɔ. Ɓasinè ɓó lé i askəm tura ta nee gə́ ndaŋg ləm, gə kɔr ginee ləm tɔ ndá d’a kula kubu gə́ ndul piro-piro rɔi’g ləm, d’a kila yeŋgəre gə́ ra gə larlɔr gwɔbi’g ləma, i a kiŋga loo-sii gə́ njekɔm’g munda loo-ko̰ɓee’g ləm tɔ.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.