Gḭ-Néje 4:5 - Maktub gə́ To gə Kəmee

⁵ Nɛ yeḛ un kəmee rəw dɔ Kaḭ’g gə dɔ nékarnoji’g ləa. Yen ŋga mee Kaḭ ḭ səa pu ndá ar kəmee mas mbidi-mbidi.

Gḭ-Néje 4:5 ပူးပေါင်းရင်းမြစ်များ

Gḭ-Néje 31:2

Jakob oo kəm Laba̰ ndá aa oo, kəmee to ɓəd dəa’g ɓó to to gə́ kédé lé el.

Gḭ-Néje 31:5

Yeḛ ula dee pana: Ma m’oo to gə́ kəm bɔ síje tel to ɓəd dɔm’g ɓó yeḛ oom to gə́ kédé lé el. Nɛ Ala lə bɔmje ɓa nai səm ya.

Gḭ-Néje 39:19

Loo gə́ yeḛ oo ta gə́ dené ləa ulá pana: Aa oo, né gə́ ɓər ləi ra səm ɓa to nee ndá oŋg ḭ mee ɓé-Jisepje’g pu ar mée nuŋga kəd-kəd.

Maktub gə́ wɔji dɔ Jɔb 15:13

Kwii, to Ala ɓa i tel oŋg ləi ɔsee ne ŋgərəŋ ləm, Gə́ tai ɓar ne dɔ taje gə́ togə́bè ila dəa’g ləm tɔ.

Maktub gə́ wɔji dɔ Jɔb 5:2

Dəw gə́ gər né el lé tuji dan oŋg’d ləa ləm, Mbə-dəw lé wəi dan meekḭ jugugu’g ləa ləm tɔ.

Pakɔsje 20:3

Yeḛ gə́ loo-siée to gə kəmee doi dɔ mbal gə́ Sio̰ lé Maji karee ula gə né la səi ari ləm, gə négədi ari ləm tɔ.

Gosota-Kəmkàrje 19:3

Néra mbə lə dəw lé ar rəw-kabee to ne kori-kori, Ar mée ḭ səa pu dɔ Njesigənea̰’g.

Gosota-Kəmkàrje 29:10

Dəwje gə́ ta kila məs wa dɔ dee lé D’ə̰ji dəw gə́ njera né gə goo rəbee bəḭ-bəḭ, Nɛ dəwje gə́ njéra nédanaje lé D’aa dəa kər-kər.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Matiyo 20:15

See né gə́ m’wɔji məəm’g gə mba ra gə néje ləm lé see m’askəm ra el wa. See kəmi kas ŋgɔgərɔ dɔm’g mbata néram gə́ maji lé wa.

Néra Njékaḭkulaje 13:45

Loo gə́ Jibje d’oo boo-dəwje neelé ndá kəmkəḭ rusu meḛ dee njḭ-njḭ ar dee d’oma̰ gə Pool gə tamaḭ ləm, gə tajikil ləm tɔ.

Ǝbrəje 11:4

Meekun lé ɓa Abel inja nékinjaməs gə́ ur dɔ ka̰ Kaḭ’g ar Ala. Meekun lé Ala ée ne gə́ njemeekarabasur mbata né gə́ yeḛ un ar Ala lé taa ne kəmee rəgm. Abel lé wəi mba̰ nɛ mbɔl dɔ meekun ləa lé yeḛ pata ar sí ɓəi.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.