Gḭ-Néje 4:2 - Maktub gə́ To gə Kəmee

² Yeḛ oji ŋgokea̰ Abel gogo ɓəi. Abel lé to njekulbadje nɛ Kaḭ to njendɔ-ndɔ tɔ.

Gḭ-Néje 4:2 ပူးပေါင်းရင်းမြစ်များ

Gḭ-Néje 3:23

Njesigənea̰ Ala tuba dəw lé mee ndɔ gə́ Edḛ’g, mba karee ndɔ naŋg gə́ deḛ d’ɔree keneŋ lé.

Gḭ-Néje 37:13

Israɛl dəji Jisəb pana: See ŋgakɔḭje d’aw d’o̰ koso-nékulje Sikem el wa. Gə́ ree, ma m’ndigi kulai goo dee’g. Ndá yeḛ ilá’g pana: Yḛ̀ m’aar nee!

Gḭ-Néje 4:1

Adam gər Ebe gə́ dené ləa ndá yeḛ əskèm oji ne Kaḭ. Yeḛ pana: Njesigənea̰ la səm am m’iŋga ne dəw gə́ diŋgam.

Gḭ-Néje 4:3

Gée gə́ gogo gə kuree ndá Kaḭ un kandə néje gə́ mee ndɔ’g ləa gə́ nékarnoji ar Njesigənea̰.

Gḭ-Néje 47:3

Ndá Parao̰ dəji dee pana: See kula ɗi ɓa seḭ aw raje wa. Deḛ d’ila Parao̰ keneŋ pana: Kuraje ləi to njénékulje to gə́ ka síje bèe tɔ.

Gḭ-Néje 9:20

Noe un kudu kwa ndɔ ndá yeḛ maan nduú keneŋ.

Pakɔsje 127:3

Aa oo, ŋganje lé to gə́ nénduba gə́ ḭ rɔ Njesigənea̰’g, Ŋgan meḛ dəwje lé to gə́ nékoga dɔ ji njékoji deeje ya tɔ.

Teḛ-Raga 3:1

Moyis aw ul nékulje lə məmeeje gə́ ria lə Jetro gə́ to njekinjanéməs gə́ Madian, yeḛ aw gə nékulje neelé dɔdilaloo’g teḛ sə dee dɔ mbal’g lə Ala gə́ ria lə Oreb.

Amɔs 7:15

Njesigənea̰ ɓa unm loo gə́ m’aar goo badə-kosoje’g ndá yeḛ ulam pana: M’aw m’tegginta m’ar koso-dəwje lə neḛ gə́ to Israɛlje lé ya.

Lugu 11:50

Bèe ɓa məs njéteggintaje lai gə́ ula dɔ naŋg nee un kudee ndɔ tum gin naŋg nee ləm,

Lugu 11:51

un kudee ka̰ Abel’g saar teḛ ne ka̰ Jakari’g gə́ deḛ tɔlee dan mee kəi-Ala’g ləm tɔ lé taree wa dɔ ginka dəwje gə́ nee ya. Oiyo, ma m’ula sí təsərə, ta məs dee a kwa dɔ ginka dəwje gə́ nee ya.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.

1 Ja̰ 3:12

Maji kar sí n’to tana gə Kaḭ el mbata yeḛ to ka̰ njegosoyèr gə́ tɔl ŋgokea̰. See gelee ban ɓa yeḛ tɔlee ne wa. Mbata kula reaje majel nɛ ka̰ ŋgokea̰ lé ɓa to gə goo rəbee.

1 Ja̰ 3:15

Nana ɓa gə́ wa ŋgokea̰ gə mée ndá yeḛ to gə́ njetɔl dəw, tɔɓəi seḭ gərje gao, njetɔl dəw gə́ rara kara lé kəmə gə́ to gə no̰ lé uru kəi mée’g el.