Gḭ-Néje 4:16 - Maktub gə́ To gə Kəmee

¹⁶ Yen ŋga Kaḭ saa rəa aw əw gə Njesigənea̰ ndá yeḛ ra ɓee dɔ naŋg gə́ Nod mbɔr Edḛ gə́ bər lé.

Gḭ-Néje 4:16 ပူးပေါင်းရင်းမြစ်များ

Gḭ-Néje 3:8

Loo gə́ kàr unda jia dɔ kam’g ler ndá, deḛ d’oo ndu Njesigənea̰ Ala gə́ njaa mee ndɔ’g, tɔɓəi diŋgam deḛ gə dené ləa lé d’aḭ d’iya rɔ dee əw kəm Njesigənea̰ Ala’g mbuna kagje’d gə́ mee ndɔ’g lé.

Gḭ-Néje 4:14

Aa oo, ɓogənè i tubam dɔ naŋg nee. I a k’un kəmi rəw dɔm’g ləm, m’a to njekaḭta ləma, gə njekilatar mbir-mbir dɔ naŋg nee ləm tɔ. Bèe ɓa nana ɓa gə́ a kiŋgam lé a tɔlm ya.

Gḭ-Néje 4:17

Kaḭ gər dené ləa. Yeḛ taa kèm oji ne Enok. Gée gə́ gogo yeḛ ra ɓee-boo ndá yeḛ unda ri ŋgonee Enok ɓa dɔ ɓee-boo’g neelé.

2 Mbaije 13:23

Nɛ Njesigənea̰ oo kəmtondoo lə dee ar mée oso lemsé dɔ dee’g ləm, yeḛ tel kəmee par gə́ rɔ dee’g ləm tɔ mbata manrɔ ləa gə́ yeḛ man ar Abrakam gə Isaak gə Jakob lé, yee ɓa yeḛ ndigi tuji dee ne el ndá saar mee ndəa gən lé kara yeḛ un ne kəmee rəw dɔ dee’g el.

2 Mbaije 24:20

Néje neelé teḛ togə́bè gə goo oŋg lə Njesigənea̰ gə́ oso dɔ njé gə́ Jerusalem gə njé gə́ Juda mbata yeḛ ndigi kɔs dee nea̰’g rəw tɔ. Tɔɓəi Sedesias ḭ ɔs mbai gə́ Babilɔn lé rəw tɔ.

Maktub gə́ wɔji dɔ Jɔb 1:12

Njesigənea̰ tel ila Njekurai’g pana: Aa oo néje lai gə́ to kea̰ lé m’ya̰ meḛ jii’g. Nɛ né kára ba lé maji kari ɔrɔ darəa gə jii el. Yen ŋga Njekurai saa rəa no̰ Njesigənea̰’g aw.

Maktub gə́ wɔji dɔ Jɔb 2:7

Yen ŋga Njekurai ɔd no̰ Njesigənea̰’g aw. Tɔɓəi yeḛ ar rɔ Jɔb pélé ḭ gɔlee’g naŋg saar teḛ dəa’g tar.

Maktub gə́ wɔji dɔ Jɔb 20:17

Yeḛ a kila kəmee dɔ manje’g el ləm, Gə dɔ kəm-rəw-manje’g el ləma, əsé dɔ ubu tə̰ji’g gə mbà gə́ to asəna gə baaje lé el ləm tɔ.

Pakɔsje 5:11

Ǝi Ala, maji kari tuji dee pugudu ləm, Maji kar né gə́ d’wɔji-kwɔji ra lé Ɔm dee loo-tuji’g ləma, Maji kari ɔs dee piriŋ ila dee Mbata kaiyaje lə dee gə́ dum tura ləm tɔ Mbata deḛ d’ḭ səi d’ɔsi rəw.

Pakɔsje 68:2

Ala ḭta ndá njéba̰je ləa sanéna̰ kad-kad ləm, Njétḭ səaje lé kara d’aḭ ne nea̰’g ləm tɔ!

Teḛ-Raga 20:18

Koso-dəwje lai d’oo ndu ndaŋg lə ndi ləm, gə telje lə ndi ləma, gə ndu to̰to̰ gə́ ɓar ləm tɔ, deḛ d’oo ndo̰ pərje gə sa pər gə́ tuu dɔ mbal’g lé. Koso-dəwje d’oo néje neelé ndá ar dee d’unda bala ləm, ar dee d’ɔr rɔ dee d’aar ne əw ləm tɔ.

Jeremi 23:39

Gelee gə́ nee ɓa, aa ooje, n’a kar mee neḛ wəi dɔ sí’g ləm, n’a mbad sí-seḭ gə ɓee-boo gə́ n’ar sí gə n’ar bɔ síje-je ləma, n’a kɔm sí əw no̰ neḛ’g ləm tɔ.

Jeremi 52:3

Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g. Yen ŋga Sedesias ḭ ɔs mbai gə́ Babilɔn rəw.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Lugu 13:26

Yen ŋga seḭ a kɔmje dɔ ta’g pajena: Jeḛ n’toje gə́ njésɔ seḭje gə njékai seḭje na̰’d ya ləm, i ndoo sí ta gə mba̰-rəwje gə́ lə sí ya ləm tɔ.

Tagə́maji gə́ Ja̰ ndang 1:10

Yeḛ neelé si naŋg nee ləm, yeḛ unda naŋg nee gə néje lai gə́ to keneŋ ləm tɔ nɛ kəm dəwje gə́ dɔ naŋg nee inja dəa’g bèe el.

Tagə́maji gə́ Ja̰ ndang 1:3

Yeḛ ɓa unda néje lai-lai, né gə́ rara kara yeḛ ɓa to njerea.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.