Gḭ-Néje 39:9 - Maktub gə́ To gə Kəmee

⁹ Dəw gə́ njekur dɔm-ma mee kəi’g neelé godo ləm, yeḛ ɔgm né kára kara el ləm tɔ, nɛ i ɓa nai mbata i to dené ləa ɓa. See m’a ra néra gə́ majel gə́ boi bèe ɓa mba ra ne kaiya kɔs ne Ala rəw to gə́ ban wa.

Gḭ-Néje 39:9 ပူးပေါင်းရင်းမြစ်များ

Gḭ-Néje 13:13

Dəwje gə́ Sɔdɔm lé to njémeeyèrje ləm, gə bao-kaiyaje no̰ Njesigənea̰’g ləm tɔ.

Gḭ-Néje 20:3

Nɛ Ala teḛ dɔ Abimelek’g gə ni loondul’g ulá pana: Aa oo, i a gə kwəi mbata dené gə́ i ɔree lé to dené lə dəw.

Gḭ-Néje 20:6

Ala ulá gə ni pana: Ma m’gər gao to gə́ i ra né gə məəi gə́ àr ŋgad-ŋgad ya. Yee ɓa ma nja m’ɔgi ne dɔ ra kaiya gə́ a gə kɔsm ne rəw lé. Gelee gə́ nee ɓa m’ya̰ loo m’ari ɔrɔ ne rəa el gə mbəa.

Gḭ-Néje 20:9

Abimelek ɓar Abrakam dəjee pana: See ɗi ɓa i ra sə sí bèe wa. See némajel ɗi ɓa ma m’ra səi ɓa i ar ndɔl kaiya gə́ boi oso ne dɔm-ma gə dɔ ɓeeko̰’g ləm lai bèe wa. I ra səm né gə́ kəm kar dəw ra gə maree el.

Gḭ-Néje 24:2

Abrakam ula kura ləa gə́ diŋgam gə́ tɔg unda mareeje lai gə́ mee kəi’g ləa, yeḛ gə́ to njekaa dɔ néje ləa lai lé pana: Ma m’ra ndòo rɔi’g, maji kari ula jii gel biŋgim’g

Gḭ-Néje 39:10

Lé yeḛ jɔg Jisəb gə ta gə ndəa-ndəa kara yeḛ mbad to səa ləm, mbad nai səa ləm tɔ.

Gḭ-Néje 41:40

Ma m’undai gə́ njekaa dɔ kəi ləm ndá dəwje ləm lai lé d’a ra torndui. Nɛ kalimbai ya kára ba ɓa m’a kuru ne dɔi’g.

Gḭ-Néje 42:18

Ndɔ gə́ njekɔm’g munda lé ndá Jisəb ula dee pana: Gə́ raje né neelé ndá seḭ a síje ne kəmba. Mbata ma lé m’ɓəl Ala.

2 Samel 11:27

Loo gə́ kwa ndòo yoo lé kuree as mba̰ ndá Dabid ula kula ar dee ree səa kəi ləa. Yeḛ tel to dené ləa ndá yeḛ oji səa ŋgon gə́ diŋgam. Nɛ né gə́ Dabid ra lé taa kəm Njesigənea̰ el.

2 Samel 12:13

Dabid ula Natan pana: M’ra kaiya m’ɔs ne ta lə Njesigənea̰ rəw ya. Natan tel ula Dabid pana: Njesigənea̰ ar mée oso lemsé dɔ kaiya’g ləi ndá i a kwəi el ŋga.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Nehemi 6:11

Ma m’ilá keneŋ m’pana: See dəw gə́ to gə́ ma bèe a kaḭ wa! See dəw gə́ to gə́ ma bèe a kaskəm kandə mee kəi gə́ to gə kəmee’g mba kisi kəmba wa. M’a kandə keneŋ el ya saar.

Maktub gə́ wɔji dɔ Jɔb 31:23

Mbata tuji gə́ ḭ rɔ Ala’g lé am m’ɓəl m’ndəb ne pəd-pəd ndá Ma m’askəm ra né kára kara no̰ boo-ronduba’g ləa el.

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Teḛ-Raga 20:14

I a ndal mɔdkaiya el.

Gosota-Kəmkàrje 6:29

To kára ba asəna gə dəw gə́ aw rɔ dené’g lə njeboatakəi ləa: Nana ɓa gə́ ɔd rəa lé A lal kar bo̰ nérea ɔs təa’g el.

Gosota-Kəmkàrje 6:32

Nɛ dəw gə́ ndal dené gə mɔdkaiya lé Kəmkàr na mée tas. Yeḛ gə́ ra togə́bè lé ndigi tuji rəa ya.

Njekillamber 7:26

Ndá ma m’oo to gə́ dené Gə́ mée to asəna gə gum gə ba̰də bèe ləm, Jiaje to to gə́ kúla tɔ né ləm tɔ lé To né gə́ adə unda yoo. Dəw gə́ taa kəm Ala rəgm Ɓa teḛ meḛ ji dené’g neelé Nɛ yeḛ gə́ to njekaiya ndá Yeḛ wá ne kérég.

Jeremi 28:16

Gelee gə́ bèe ɓa Njesigənea̰ pa ne togə́bè pana: Aa oo, neḛ n’tubai dɔ naŋg nee. I a kwəi mee ləb gə́ nee ya. Mbata tapaije ɔs ta lə Njesigənea̰ rəw.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Ləbije 20:10

Ɓó lé diŋgam to gə dené gə́ taa ŋgaw ləm, əsé lé to gə dené lə maree gə mɔdkaiya ləm tɔ ndá kaiya-diŋgam gə kaiya-dené neelé kəm tɔl dee gə́ tɔl ya.

Ləbije 6:2

Un ndui ar Aaro̰ gə ŋganeeje pana: Aa ooje godndu gə́ wɔji dɔ nékinjaməs gə́ ka̰ roo lé ɓa to nee: Nékinjaməs lé a nai dɔ pər’d loo-nékinjaməs’g loondul’g saar kar loo àr ndá d’a kɔs pər gelee’g ta-ta karee wəi el.

Bula lə Israɛlje 32:23

Nɛ ɓó lé seḭ raje togə́bè el ndá seḭ raje kaiya ɔsje ne Njesigənea̰ rəw, tɔɓəi maji kar sí gərje gao, bo̰ kaiya ra sí a gə kɔs ta sí’g ya.

Lugu 12:48

Nɛ yeḛ gə́ gər torndu ɓéeje el, nɛ yeḛ ra né gə́ kəm kar bea̰ ɔs təa’g ndá kara d’a kundá ji dee bula el. Nana ɓa gə́ d’ɔm né jia’g yaa̰ ndá d’a dəjee gée yaa̰ ɓəi ləm, nana ɓa gə́ d’ɔm né jia’g ɔs dɔ maree yaa̰ ɓəi ndá d’a tel taa jia’g ɓad-ɓad ɓəi ləm tɔ.

1 Njé gə́ Kɔrḭtə 4:2

Kar njekaa dɔ néje lé to majikoji, yee ɓa gə́ kuma̰ karee taa kəm njekəi.

Titə 2:10

mba kar dee ɓogo ɓèd-ɓèd el ləm tɔ. Nɛ maji kar dee d’ila ŋgonkoji mba to ne majikulaje gə́ gəd mba kula ne mbai dɔ ta ndoo’g lə Ala njekaji lə síjeḛ lé tɔ.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

1 Ja̰ 3:9

Nana ɓa gə́ Ala ojee ndá a ra kaiya nda̰ el mbata kó Ala nai mée’g, yeḛ a kaskəm ra kaiya el mbata Ala ɓa ojee ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.