Gḭ-Néje 39:4 - Maktub gə́ To gə Kəmee

⁴ Jisəb lé taa kəm ɓéeje rəgm loo kula gə́ yeḛ ra aree’g lé ndá yeḛ undá gə́ njekaa dɔ kəi ləa ləm, ɔm néje ləa lai jia’g ləm tɔ.

Gḭ-Néje 39:4 ပူးပေါင်းရင်းမြစ်များ

Gḭ-Néje 15:2

Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

Gḭ-Néje 18:3

Ndá yeḛ pana: Mbai ləm, ɓó lé ma m’taa kəmi ndá m’ra ndòo rɔi’g, maji kari dəs tar ya̰ kura ləi gə goo ŋgalee el.

Gḭ-Néje 19:19

Aa oo, ma gə́ m’taa kəmi rəgm lé mbɔl dɔ boo-meekɔrjol ləi ɓa ma m’aji ne ya. Nɛ m’askəm kaḭ kaw njal dɔ mbal’g lé el, mbata banelə ndá né meeko̰ gə́ nee lé a kiŋgam kédé kam m’wəi ne.

Gḭ-Néje 24:2

Abrakam ula kura ləa gə́ diŋgam gə́ tɔg unda mareeje lai gə́ mee kəi’g ləa, yeḛ gə́ to njekaa dɔ néje ləa lai lé pana: Ma m’ra ndòo rɔi’g, maji kari ula jii gel biŋgim’g

Gḭ-Néje 32:5

Yeḛ un ndia ar dee pana: Aa ooje, seḭ a kulaje Esawu gə́ to mbai ləm lé ta nee togə́bè pana: Jakob kura ləi lé pana: Ma m’isi rɔ Laba̰’g ndá m’nai keneŋ saar teḛ ɓasinè ɓəi tɔ.

Gḭ-Néje 33:10

Jakob ilá keneŋ pana: Wah, bèe el! M’ra ndòo rɔi’g, ɓó lé ma m’taa kəmi rəgm ndá maji kari taa nénoji neelé jim’g. Mbata kaa gə́ m’aa loo m’oo kəmi lé to asəna gə ma m’aa loo m’oo kəm Ala bèe ndá i wam gə́ rɔi’g gə́ majee ya tɔ.

Gḭ-Néje 33:8

Esawu dəjee pana: Néje lai gə́ m’iŋga dee rəbə lé see to mba ra ne ɗi wa. Jakob ilá keneŋ pana: To gə mba kam taa ne kəm mbai ləm rəgm ya.

Gḭ-Néje 39:8

Yeḛ mbad kɔḭ ula dené lə ɓéeje lé pana: Aa oo, ɓémje lé oo səm goo né gə́ kára kara mee kəi’g el ləm, yeḛ ɔm néje ləa lai jim’g ləm tɔ.

1 Mbaije 16:9

Kura ləa Jimri, mbai dɔ ges njékṵda-pusu-rɔje ləa lé ula njuma̰ mee mareeje’g ɔsee ne rəw. Ela lé si ɓee gə́ Tirsa, mee kəi’g lə Arsa gə́ to mbai dɔ njékulaje gə́ mee kəi’g lə mbai gə́ to Tirsa lé ndá, yeḛ ai kido aree tɔlee ilá keneŋ,

Este 2:9

Ŋgoma̰də lé taa kəmee rəgm ləm, mée lelee dəa’g ləm tɔ. Yen ŋga yeḛ ḭ gə tɔgee aree néje gə́ kəm gɔl ne rəa ləm, gə nésɔje ləm, aree ŋganjélookisije siri gə́ mbər dee mee kəi’g lə mbai ləma, aree loo-siée yeḛ ləm gə ŋganjélookisije ləa ləm mee ŋgon kəi gə́ maji dum’g mee kəi-ŋgəm-denéje’g ləm tɔ.

Gosota-Kəmkàrje 14:35

Kura gə́ njekunda kəmkàr dɔ rəa’g lé Taa kəm mbai rəgm Nɛ oŋg ləa to mbata yeḛ gə́ to njera nérɔkul ya.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Gosota-Kəmkàrje 17:2

Ŋgonjelookisi gə́ njekunda kəmkàr dɔ rəa’g lé A ko̰ɓee dɔ ŋgon gə́ njera nérɔkul’g ləm, Yeḛ a kiŋga nénduba mbuna ŋgako̰ na̰je’g ləm tɔ.

Gosota-Kəmkàrje 22:29

Ɓó lé i oo dəw gə́ gər gosokula ləa maji ndá Yeḛ a kaar no̰ dəwje gə́ kari ba’g el.

Gosota-Kəmkàrje 27:18

Yeḛ gə́ tɔs kəmee bao-bao dɔ kag-kodé’g ndá a sɔ ka̰dee ləm, Yeḛ gə́ aa dɔ ɓéeje kər-kər ndá a kiŋga riɓar ləm tɔ.

Gosota-Kəmkàrje 3:4

Togə́bè ɓa i a kiŋga ne meenoji Gə takə̰ji gə́ maji kəm Ala’g lé ləm, Gə kəm dəwje’g ləm tɔ.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Rudu 2:6

Kura gə́ njekaa dɔ njékinjakoje lé ilá keneŋ pana: To ŋgoma̰də gə́ Moab, yeḛ gə́ ḭ gə Naomi mee ɓee gə́ Moab ɓa ree səa na̰’d lé ya.

1 Samel 16:22

Sawul ar dee d’ula Isai pana: M’ra ndòo rɔi’g mba kari ya̰ Dabid aree ra kula am mbata yeḛ taa kəm rəgm.

1 Samel 2:26

Samel, ŋgon gə́ basa neelé ra tɔg gə́ kédé-kédé ndá yeḛ taa kəm Njesigənea̰ ləm, taa kəm dəwje ləm tɔ.