Gḭ-Néje 39:3 - Maktub gə́ To gə Kəmee

³ Ɓéeje oo to gə́ Njesigənea̰ nai səa ləm, oo to gə́ Njesigənea̰ ar kula reaje lai gə́ yeḛ ra lé teḛkɔr ləm tɔ.

Gḭ-Néje 39:3 ပူးပေါင်းရင်းမြစ်များ

Gḭ-Néje 21:20

Ala nai gə ŋgon lé aree ra tɔg ndá yeḛ si dɔdilaloo’g tel to ne njerɔ ɓandaŋg tɔ.

Gḭ-Néje 21:22

Mee ndəa’g neelé Abimelek, deḛ gə Pikɔl gə́ to ɓé-njérɔje ləa d’aw rɔ Abrakam’g d’ulá pana: Ala nai səi dɔ néje lai gə́ i ra’g lé ya.

Gḭ-Néje 21:23

Ɓasinè, maji kari un ndui gə ri Ala gə mba kər kəm el ləm, gə kəm ŋganəmje el ləma, gə kəm ŋgakamje el ləm tɔ, gə mba kar meemaji gə́ ma m’ra səi lé i kara a ra səm bèe ləm, a ra bèe gə dɔ naŋg gə́ i si keneŋ nee ya ləm tɔ.

Gḭ-Néje 26:24

Njesigənea̰ teḛ dəa’g loondul’g ulá pana: Ma m’to Ala lə bɔbije gə́ Abrakam ndá ɓəl el mbata ma m’nai səi. M’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé ləm tɔ gə mbata lə kura ləm gə́ Abrakam lé ya.

Gḭ-Néje 26:28

Deḛ d’ilá keneŋ pana: Jeḛ j’oo gao to gə́ Njesigənea̰ nai səi. Gelee gə́ nee ɓa jeḛ m’pana: Maji kar ta manrɔ to mbuna síjeḛ seḭje’g ləm, kar síjeḛ kara manje rɔ sí j’ari ləm tɔ.

Gḭ-Néje 30:27

Laba̰ ulá pana: Maji kari ila kəm toro’g! Ma m’oo gao to gə́ Njesigənea̰ tɔr ndia dɔm’g mbata ləi-i ya.

Gḭ-Néje 30:30

Mbata loo gə́ ma m’ree el ɓəi lé néje ləi to lam ba nɛ loo gə́ m’ree mba̰ ndá nékulje ləi d’ḭ dɔ maree gə́ kédé-kédé ya. Njesigənea̰ tɔr ndia dɔi’g looje lai gə́ m’aw keneŋ lé. Ɓasinè see ndɔ gə́ ra ɓa m’a ra kula mbata lə njémeekəije ləm gə dɔrɔm ɓəi wa.

Gḭ-Néje 39:2

Njesigənea̰ nai gə Jisəb ar teḛkɔr ləa dan gée. Yeḛ si kəi lə ɓéeje gə́ to dəw gə́ Ejiptə lé.

Gḭ-Néje 39:21

Njesigənea̰ nai gə Jisəb ləm ra səa meemaji ləm tɔ. Yeḛ aree taa kəm mbai gə́ njeŋgəm kəi-daŋgai lé rəgm.

Gḭ-Néje 39:23

Mbai gə́ njeŋgəm kəi-daŋgai lé oo goo né kára kara gə́ to ji Jisəb’g lé el mbata Njesigənea̰ nai gə Jisəb ya. Njesigənea̰ lé ar kula reaje lai teḛkɔr tɔ.

2 Mbaije 18:7

Yee gə́ bèe ɓa Njesigənea̰ nai ne gə Ejekias, aree teḛ ne kɔr dɔ néje’d lai gə́ yeḛ ra lé. Tɔɓəi yeḛ ḭ gə mbai gə́ Asiri ɔsee rəw ɓó yeḛ ula dəa gelee’g ra né aree el ŋga.

1 Sôrta Gḭka-Israɛlje 22:13

Togə́bè ɓa i a teḛ ne kɔr loo gə́ i a tɔs kəmi bao-bao dɔ ndukunje gə godnduje gə́ Njesigənea̰ un ar Moyis mbata lə Israɛlje lé. Wa rɔi kɔgərɔ ləm, wa diŋgam məəi’g ləma, ɓəl əsé unda bala el ləm tɔ.

1 Sôrta Gḭka-Israɛlje 9:20

tɔɓəi kédé lé Pines, ŋgolə Eləajar ɓa to gə́ mbai dɔ dee ndá Njesigənea̰ nai səa.

2 Sôrta Gḭka Israɛlje 1:1

Salomo̰ gə́ ŋgolə Dabid lé ar ɓeeko̰ ləa to njaŋg ləm, Njesigənea̰ Ala nai səa ləma, undá tar ɗaŋg gə́ dəw gə́ boo ləm tɔ.

2 Sôrta Gḭka Israɛlje 26:5

Yeḛ ula rəa ndubu ndolè ne goo Ala, loo gə́ Jakari yeḛ gə́ to njégər goso némḭdije lə Ala si ne kəmba ɓəi lé. Mee ləbje gə́ yeḛ ndolè ne goo Njesigənea̰ lé Ala aree si dan maji’g tɔ.

Nehemi 2:20

Bèe ɓa m’tel gə ta nee m’ila dee keneŋ m’pana: Ala gə́ to Mbai dɔ dara lé a kar sí n’teḛje kɔr ya. Jeḛ gə́ n’toje kuraje ləa j’a kḭje gə mba kunda ndògo-bɔrɔ lé. Nɛ seḭ lé dəb loo ka̰ sí əsé né gə́ wɔji dɔ sí əsé nékolé-mee gə́ ka̰ sí godo mee ɓee gə́ Jerusalem lé tɔ.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Jakari 8:23

Njesigənea̰ gə́ njeboo-néje pa togə́bè pana: Mee ndəaje’g neelé diŋgamje dɔg gə́ takɔji dee ɓəd-ɓəd mbuna ginkoji dəwje gə raŋg’g lé D’a kwa ta kubu lə dəw kára gə́ to gə́ Jip pa ne pana: N’a kawje sə sí mbata neḛ n’gərje gao to gə́ Ala nai sə sí-seḭ ya.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

1 Njé gə́ Kɔrḭtə 16:2

Ndɔ gə́ dɔtar mee ndɔje gə́ siri-siri lé maji kar nana kara un ta né ləa unda gə kəmee-kəmee gə goo nékiŋgaje gə́ yeḛ iŋga ya, ɓó ŋginaje ndɔ ree ləm ɓa gə mba mbo̰je nékiŋga sí ɓəi el.

Tel tura Godndu 2:7

Mbata Ala lə sí gə́ Njesigənea̰ tɔr ndia dɔ sí’g gə dɔ kulaje lai gə́ seḭ raje gə ji sí ləm, yeḛ gər rəw-kaw sí gə́ seḭ awje ne dɔdilaloo gə́ tad rəg-rəg’d neelé ləm tɔ. Aa ooje, as ləb rɔ-sɔ lé Ala lə sí gə́ Njesigənea̰ nai sə sí ar né kára kara lal sí el.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 18:28

Sawul oo bèe ndá yeḛ gər gao to gə́ Njesigənea̰ nai gə Dabid. Tɔɓəi Mikal, ŋgonee gə́ dené lé ndigi Dabid tɔ.

1 Samel 3:19

Samel ra tɔg. Njesigənea̰ nai səa ar taje ləa lai aw lée’g béréré ya.