Gḭ-Néje 39:2 - Maktub gə́ To gə Kəmee

² Njesigənea̰ nai gə Jisəb ar teḛkɔr ləa dan gée. Yeḛ si kəi lə ɓéeje gə́ to dəw gə́ Ejiptə lé.

Gḭ-Néje 39:2 ပူးပေါင်းရင်းမြစ်များ

Gḭ-Néje 21:20

Ala nai gə ŋgon lé aree ra tɔg ndá yeḛ si dɔdilaloo’g tel to ne njerɔ ɓandaŋg tɔ.

Gḭ-Néje 21:22

Mee ndəa’g neelé Abimelek, deḛ gə Pikɔl gə́ to ɓé-njérɔje ləa d’aw rɔ Abrakam’g d’ulá pana: Ala nai səi dɔ néje lai gə́ i ra’g lé ya.

Gḭ-Néje 26:24

Njesigənea̰ teḛ dəa’g loondul’g ulá pana: Ma m’to Ala lə bɔbije gə́ Abrakam ndá ɓəl el mbata ma m’nai səi. M’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé ləm tɔ gə mbata lə kura ləm gə́ Abrakam lé ya.

Gḭ-Néje 26:28

Deḛ d’ilá keneŋ pana: Jeḛ j’oo gao to gə́ Njesigənea̰ nai səi. Gelee gə́ nee ɓa jeḛ m’pana: Maji kar ta manrɔ to mbuna síjeḛ seḭje’g ləm, kar síjeḛ kara manje rɔ sí j’ari ləm tɔ.

Gḭ-Néje 28:15

Aa oo, ma m’nai səi ləm, m’a ŋgəmi loo gə́ rara gə́ i a kaw keneŋ ləma, m’a tel səi dɔ naŋg ɓee gə́ nee ləm tɔ Mbata m’a kubai kya̰’i el saar m’a ra né lai gə́ ma m’ulai lé ya ɓa.

Gḭ-Néje 39:23

Mbai gə́ njeŋgəm kəi-daŋgai lé oo goo né kára kara gə́ to ji Jisəb’g lé el mbata Njesigənea̰ nai gə Jisəb ya. Njesigənea̰ lé ar kula reaje lai teḛkɔr tɔ.

Gḭ-Néje 39:3

Ɓéeje oo to gə́ Njesigənea̰ nai səa ləm, oo to gə́ Njesigənea̰ ar kula reaje lai gə́ yeḛ ra lé teḛkɔr ləm tɔ.

2 Mbaije 18:7

Yee gə́ bèe ɓa Njesigənea̰ nai ne gə Ejekias, aree teḛ ne kɔr dɔ néje’d lai gə́ yeḛ ra lé. Tɔɓəi yeḛ ḭ gə mbai gə́ Asiri ɔsee rəw ɓó yeḛ ula dəa gelee’g ra né aree el ŋga.

1 Sôrta Gḭka-Israɛlje 9:20

tɔɓəi kédé lé Pines, ŋgolə Eləajar ɓa to gə́ mbai dɔ dee ndá Njesigənea̰ nai səa.

2 Sôrta Gḭka Israɛlje 1:1

Salomo̰ gə́ ŋgolə Dabid lé ar ɓeeko̰ ləa to njaŋg ləm, Njesigənea̰ Ala nai səa ləma, undá tar ɗaŋg gə́ dəw gə́ boo ləm tɔ.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Jeremi 15:20

N’a telm asəna gə ndògo-larkas Mbata lə koso-dəwje neelé. D’a rɔ səm nɛ d’a dum dɔm el. Mbata n’a nai səm gə mba kajim ləm, Mba kɔrm ji dee’g ləm tɔ. Njesigənea̰ ɓa pa bèe.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Néra Njékaḭkulaje 8:31

Yeḛ tel ilá keneŋ pana: Ɓó lé dəw tɔjim el ndá see m’a gər ginee to gə́ banwa. Ndá yeḛ tel ula Pilibə aree al si səa na̰’d mee pusu’g lé.

1 Timote 6:1

Deḛ lai gə́ d’isi ɓee ɓər’g lé maji kar dee tədkag ɓée deeje mba kar dəwje d’oo ne loo kila ne ndɔl dɔ Ala el ləm, gə dɔ ta ndoo’g lə sí el ləm tɔ.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Jujé 6:27

Togə́bè ɓa Njesigənea̰ nai ne gə Juje ar nea̰ oso ne gə loo-loo mee ɓee’g lai ya.

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 18:28

Sawul oo bèe ndá yeḛ gər gao to gə́ Njesigənea̰ nai gə Dabid. Tɔɓəi Mikal, ŋgonee gə́ dené lé ndigi Dabid tɔ.

1 Samel 3:19

Samel ra tɔg. Njesigənea̰ nai səa ar taje ləa lai aw lée’g béréré ya.