Gḭ-Néje 32:9 - Maktub gə́ To gə Kəmee

⁹ ndá yeḛ pana: Ɓó lé Esawu ree dum dɔ kudu dəwje gə́ kára ndá kudu dəwje gə́ nai lé d’a kaskəm taa rɔ dee.

Gḭ-Néje 32:9 ပူးပေါင်းရင်းမြစ်များ

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Gḭ-Néje 28:13

Aa oo, Njesigənea̰ aar dəa gə́ tar ndá yeḛ pana: Ma m’to Njesigənea̰, Ala lə bɔbije gə́ Abrakam ləm, gə Ala lə Isaak ləm tɔ. Dɔ naŋg gə́ i to keneŋ neelé m’a kari-i gə ŋgakaije tɔ.

Gḭ-Néje 28:15

Aa oo, ma m’nai səi ləm, m’a ŋgəmi loo gə́ rara gə́ i a kaw keneŋ ləma, m’a tel səi dɔ naŋg ɓee gə́ nee ləm tɔ Mbata m’a kubai kya̰’i el saar m’a ra né lai gə́ ma m’ulai lé ya ɓa.

Gḭ-Néje 31:13

Ma m’to Ala gə́ Betel, loo gə́ i tər ubu dɔ nékolé-mee’g keneŋ ləm, gə loo gə́ i un ndui am keneŋ lé ləm tɔ. Ɓasinè maji kari ḭta, teḛ mee ɓee’g neelé gə́ raga tel aw ɓee-kojii’g ŋga.

Gḭ-Néje 31:29

Jim moŋg as gə mba kam m’ra səi némajel ya. Nɛ Ala lə bɔ síje lé ulam tagə́nè pana: Meem dɔ rɔm’g gə mba kam pata gə́ maji əsé ta gə́ majel gə Jakob el.

Gḭ-Néje 31:3

Yen ŋga Njesigənea̰ ula Jakob pana: Tel aw dɔ naŋg ɓee’g lə kaijeje, loo gə́ d’ojii keneŋ ndá m’a nai səi keneŋ ya.

Gḭ-Néje 31:42

Ɓó lé Ala lə bɔmje, Ala lə Abrakam, yeḛ gə́ Isaak ɓəlee lé nai səm el ndá ɓasinè kara i a tubam gə jim kari kari-kari ya. Ala oo kəm lootondoo’g ləm, gə kula gə́ m’ra gə jim ləm tɔ ndá tagə́nè til’g lé yeḛ nja gaŋg rəbee.

Gḭ-Néje 31:53

Maji kar Ala lə Abrakam gə Naɔr ləm, gə Ala lə bɔ deeje ləm tɔ lé to njegaŋ-rəwta mbuna sí’g ya. Jakob un ndia aree gə ri yee gə́ Isaak ɓəlee lé.

Gḭ-Néje 32:8

Ɓəl unda Jakob badə gaŋgee ar ndilee teḛ jan. Yeḛ kai dəwje gə́ d’aw səa lé kudu joo ləm, gə badje, gə maŋgje, gə jambalje kara kudu joo ləm tɔ

Gḭ-Néje 49:25

Kula ra Ala lə bɔbije a la səi, Kula ra Bao-siŋgamoŋ lé a tɔr ne ndia dɔi’g Gə nétɔrnduje gə́ d’ḭ sém dara gə́ tar ləm, Gə nétɔrnduje gə́ d’ḭ loo-kuru’g lə mán ləma, Gə nétɔrnduje gə́ d’ḭ ta mbà’g gə meḛ ko̰ ŋganje’g ləm tɔ.

2 Sôrta Gḭka Israɛlje 20:12

Ǝi Ala lə sí, see i a gaŋgta dɔ dee’g el wa. Mbata jeḛ lé siŋga sí gə mba rɔ ne gə njérɔje gə́ bula digi-digi gə́ d’aw gə́ nee lé godo ar sí n’gərje né gə́ kəm ra el nɛ kəm sí to gə́ dɔi-i’g ya.

2 Sôrta Gḭka Israɛlje 20:6

Ndá yeḛ pana: Njesigənea̰, Ala lə bɔ síje-je lé see i nja ɓa to Ala mee dara’g ləm, i nja ɓa to njeko̰ dɔ ɓeeko̰je lə ginkoji dəwje gə raŋg ləm tɔ el wa. See to i nja ɓa siŋgamoŋ gə tɔgmbaŋ to kaḭ ar dəw kára kara askəm kaar ges nɔḭ’g el lé el wa.

2 Sôrta Gḭka Israɛlje 32:20

Mbai Ejekias ləm, gə Esai njetegginta gə́ to ŋgolə Amots ləm tɔ, ra tamaji d’wɔji ne dɔ né gə́ neelé d’ar ndu dee ɓar wəl gə́ dara tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Teḛ-Raga 3:6

Yeḛ pa tɔɓəi pana: Ma m’to Ala lə bɔbije, Ala lə Abrakam ləm, gə Isaak ləma, gə Jakob ləm tɔ. Moyis dəb kəmee naŋg mbata yeḛ ɓəl kaa loo gə́ rɔ Ala’g lé ya.

Jeremi 32:16

Loo gə́ m’ar Baruk, ŋgolə Nerija maktub ndogo loo-ndɔ lé mba̰ ndá m’ra tamaji nee ta Njesigənea̰’g m’pana:

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.