Gḭ-Néje 32:4 - Maktub gə́ To gə Kəmee

⁴ Jakob ula njékaḭkulaje ləa nea̰’g rɔ ŋgokea̰ Esawu’g mee ɓee gə́ Seir, ɓeeko̰ gə́ Edɔm.

Gḭ-Néje 32:4 ပူးပေါင်းရင်းမြစ်များ

Gḭ-Néje 23:6

Mbai lə sí, oo ta lə sí! I lé to dəw lə Ala gə́ boi mbuna sí’g nee ya. Dubu yoo-dené ləi lé mee dɔɓar gə́ kára mbuna dɔɓarje’g lə sí gə́ i ya a mbər. Dəw kára kara mbuna sí’g a kɔgi dɔɓar ləa gə mba dubu yoo-dené ləi keneŋ el.

Gḭ-Néje 25:30

Esawu ula Jakob pana: Ma m’ra ndòo rɔi’g ya, am lɔ-mḭji kas neelé bəl m’o̰ mbata lab ɔrm. Yee gə́ bèe ɓa d’unda ne ri Esawu lé lə Edɔm.

Gḭ-Néje 27:29

Maji kar dəwje ra né d’ari ləm, Kar ginkoji dəwje gə raŋg d’unda barmba nɔḭ’g ləm tɔ! Maji kari to mbai dɔ ŋgakɔḭje ləm, Kar ŋgakɔḭje gə́ diŋgam d’unda barmba nɔḭ’g ləm tɔ! Ndɔl a kwa dɔ nana ɓa gə́ ila ndɔl dɔi’g ləm, Ndutɔr a nai dɔ nana ɓa gə́ tɔr ndia dɔi’g ləm tɔ.

Gḭ-Néje 27:37

Isaak ila Esawu’g pana: Aa oo, ma m’undá gə́ dəw dɔi ləm, m’aree ŋgakea̰je lai gə́ kuraje ləa ləma, ma m’wɔji kó gə mán-nduú mbata ləa ləm tɔ. Ŋgonəm, see ɗi tɔɓəi ɓa m’askəm ra gə mbata ləi-i wa.

Gḭ-Néje 31:41

Aa oo, as ləbm rɔ-joo lé ma m’nai səi mee kəi’g ləi. Ma m’ra səi kula ləbm dɔg-giree-sɔ mbata lə ŋganije gə́ dené gə́ joo ləm, gə ləbm misa̰ mbata lə nékulje ləi ləm tɔ nɛ nékoga-dɔ-jim lé i telee ɓəd-ɓəd as gɔl dɔg ya.

Gḭ-Néje 32:18

Yeḛ un ndia ar yeḛ gə́ to gə́ doŋgɔr lə dee lé pana: Loo gə́ ŋgokɔm Esawu, mbai ləm, ḭgai ɓa dəjii pana: See i lé to ka̰ nawa. See aw gə́ ra wa. See koso-nékulje neelé to ka̰ nawa.

Gḭ-Néje 32:5

Yeḛ un ndia ar dee pana: Aa ooje, seḭ a kulaje Esawu gə́ to mbai ləm lé ta nee togə́bè pana: Jakob kura ləi lé pana: Ma m’isi rɔ Laba̰’g ndá m’nai keneŋ saar teḛ ɓasinè ɓəi tɔ.

Gḭ-Néje 33:14

Maji kar mbai ləm dəs aw kédé no̰ kura’g ləa ndá ma lé m’a kaw gée’g lam-lam bèe. M’a njaa gə panjaa koso-nékulje gə́ d’a kaw nɔm’g ləm, gə panjaa ŋganje ləm tɔ saar m’a teḛ ne kəi lə mbai ləm ɓee gə́ Seir ɓəi.

Gḭ-Néje 33:8

Esawu dəjee pana: Néje lai gə́ m’iŋga dee rəbə lé see to mba ra ne ɗi wa. Jakob ilá keneŋ pana: To gə mba kam taa ne kəm mbai ləm rəgm ya.

Gḭ-Néje 36:8

Esawu ra ɓee dɔ mbal gə́ Seir. Esawu lé to Edɔm.

Gḭ-Néje 36:9

Aa ooje ŋgaka Esawu gə́ to bɔ Edɔmje gə́ d’isi dɔ mbal gə́ Seir lé.

Gḭ-Néje 4:7

Tɔgərɔ ya, ɓó lé i ra maji ndá i a kun dɔi tar gogo ɓəi. Nɛ ɓó lé i ra majel ndá kaiya to takəi’g ləi, yee ndiŋga rəa gə mba kwai nɛ i lé maji kari dum dəa ɓa.

1 Mbaije 20:32

Deḛ tɔ kubu-kwa-ndòo reŋ dee’g ləm, deḛ tɔ dɔ dee gə kúla ləm tɔ ndá, d’ḭ d’aw rɔ mbai lə Israɛlje’g d’ulá pana: Kura ləi Ben-Adad ulai pana: Maji kari ya̰’m am m’isi kəmba ya kari! Akab tel ila dee keneŋ pana: See yeḛ si kəmba ya ɓəi wa. Yeḛ to ŋgokɔm ya.

Teḛ-Raga 32:22

Aaro̰ ilá keneŋ pana: Maji kar oŋg lə mbai ləm ḭ səa jugugu el! I nja kara i gər gao, dəwje neelé néra gə́ majel ɓa gə́ né gə́ wa meḛ dee ta-ta ya.

Gosota-Kəmkàrje 15:1

Ta kila’g gə́ kul yururu lé Tɔl meekḭ jugugu bujuru, Nɛ ta gə́ pa kədərə lé Ɔs gel oŋg gə́ kɔs.

Gosota-Kəmkàrje 25:15

Kar oŋg ḭ səi kalaŋ el ɓa gə́ kuma̰ ndəd ne mbai ləm, Ta gə́ kul yururu ɓa askəm təd siŋga dəw ləm tɔ.

Gosota-Kəmkàrje 6:3

Ŋgonəm, ra né gə́ neelé: Wa rɔi ɔr Mbata i oso meḛ ji kuramari’g mba̰. Aw unda barmba nea̰’g Ra ndòo rəa’g ləm,

Njekillamber 10:4

Ɓó lé oŋg lə mbai ḭ səa pu dɔi’g ndá ya̰ loo-sii el mbata si lɔm lé ɓa gə́ kuma̰ dum dɔ boo-néje gə́ to lée’g el lé.

Esai 21:11

Ndərta gə́ wɔji dɔ Duma. Dəw kára gə́ si Seir no̰ ɓarm dəjim pana: Njeŋgəmloo, see ta gə́ wɔji dɔ loondul to ban wa. Njeŋgəmloo, see ta gə́ wɔji dɔ loondul to ban wa.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

1 Piɛrə 3:6

Togə́bè ɓa, Sara lé ila ne koji dɔ Abrakam’g ɓaree ne mbai ləa. Yee ɓa seḭ tel toje ŋgan Sara gə́ dené loo gə́ seḭ raje né gə́ maji ɓa arje meḛ sí pélé wəs-wəs dɔ néɓəl’g kára kara el lé.

Njéga̰g-Rəwtaje 5:4

Ǝi Njesigənea̰, loo gə́ i unda loo mee ɓee gə́ Seir teḛ ləm, Loo gə́ i ɔd lam aw gə́ mee ndɔje gə́ Edɔm ləm tɔ lé Naŋg yə ləm, dara léḛ sələlə-sələlə ləma, Kil lə ndi kara tel to mán ləm tɔ.

1 Samel 26:17

Sawul gər ndu Dabid ndá yeḛ pana: Ŋgonəm Dabid, see to ndui-i ya wa. Dabid tel ilá keneŋ pana: Ǝi mbai gə́ to mbai ləm, to ndum-ma ya.