Gḭ-Néje 32:3 - Maktub gə́ To gə Kəmee

³ Loo gə́ Jakob oo dee ndá yeḛ pana: Loo neelé to loo-si njérɔje lə Ala! Ndá yeḛ unda ri loo neelé lə Mahanayim.

Gḭ-Néje 32:3 ပူးပေါင်းရင်းမြစ်များ

Gḭ-Néje 14:6

deḛ dum dɔ Hɔrije dɔ mbal’g lə dee gə́ Seir njal teḛ kag-sɛnə’g lə Paran gə́ to mbɔr dɔdilaloo’g dəb ləm tɔ.

Gḭ-Néje 25:30

Esawu ula Jakob pana: Ma m’ra ndòo rɔi’g ya, am lɔ-mḭji kas neelé bəl m’o̰ mbata lab ɔrm. Yee gə́ bèe ɓa d’unda ne ri Esawu lé lə Edɔm.

Gḭ-Néje 32:11

Ma lé m’to dəw gə́ əḭ el gə́ m’askəm kari wa səm nojije ɓəd-ɓəd əsé mba ra səm meemajije ɓəd-ɓəd to gə́ i ra gə kura ləi lé el. Mbata ma m’gaŋg Jurdɛ̰ neelé gə kag-tɔs ba jim’g nɛ ɓasinè dəwje ləm bula as kam m’kai dee kudu dee joo ŋga.

Gḭ-Néje 32:7

Njékaḭkulaje lé tel ree rɔ Jakob’g d’ulá pana: Jeḛ j’awje rɔ ŋgokɔḭ Esawu’g lé ndá yeḛ si njaa gə́ rɔi’g nee gə dəwje tɔl-sɔ gə mba kiŋgai ne.

Gḭ-Néje 33:14

Maji kar mbai ləm dəs aw kédé no̰ kura’g ləa ndá ma lé m’a kaw gée’g lam-lam bèe. M’a njaa gə panjaa koso-nékulje gə́ d’a kaw nɔm’g ləm, gə panjaa ŋganje ləm tɔ saar m’a teḛ ne kəi lə mbai ləm ɓee gə́ Seir ɓəi.

Gḭ-Néje 33:16

Mee ndəa’g neelé nja Esawu tel un rəw gə́ aw gə́ Seir.

2 Samel 2:8

Lée togə́bè kara Abner, ŋgolə Ner gə́ to ɓé-njérɔje lə Sawul lé un Is-Boset, ŋgolə Sawul aree dəs aw Mahanayim.

2 Mbaije 6:17

Elije ra tamaji pana: Mbaidɔmbaije, maji kari ar kəmee inja aree oo dee ne. Ndá Njesigənea̰ ar kəm kura lé inja aree oo ne kundaje, gə pusu-rɔje gə́ ndɔḭ wər-wər to gə́ pər bèe dɔ mbal’g gugu dɔ Elije sub lé tɔ.

1 Sôrta Gḭka-Israɛlje 12:23

Gə ndɔje kára-kára lai lé dəwje ree rɔ Dabid’g gə mba la səa saar ar loo-si njérɔje lé ḭ dɔ maree’g asəna gə loo-si bao-rɔje lə Ala bèe ya.

Pa gə́ ur dɔ paje 7:1

Tel ree, tel ree Ŋgoma̰də gə́ Sunem, Gə́ tel ree ar sí j’ooje kəmi! See ban ɓa seḭ aaje loo ooje ŋgoma̰də gə́ Sunem To gə́ kudu njéndamje gə́ joo bèe wa.

Esai 21:11

Ndərta gə́ wɔji dɔ Duma. Dəw kára gə́ si Seir no̰ ɓarm dəjim pana: Njeŋgəmloo, see ta gə́ wɔji dɔ loondul to ban wa. Njeŋgəmloo, see ta gə́ wɔji dɔ loondul to ban wa.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Malasi 3:1

Aa ooje, m’a kula njekaḭkula ləm ndá yeḛ ɓa a gɔl rəw nɔm’g ndá Mbaidɔmbaije gə́ seḭ sa̰geeje lé a teḛ wai kandə kəi-siée’g. Aa ooje, njekaḭkula gə́ ka̰ manrɔ gə́ seḭ ndiŋgaje lé yeḛ si ree ya. Njesigənea̰ gə́ njeboo-néje lé ɓa pa bèe.

Bula lə Israɛlje 24:18

Yeḛ dum dɔ Edɔm tel to ne mbai dəa ləm, Yeḛ tel to mbai dɔ Seir gə́ to njeba̰ ləa ləm tɔ. Israɛlje nduba siŋgamoŋ lə dee gə́ raga.

Lugu 9:52

Yeḛ ula njékaḭkulaje joo nea̰’g ndá deḛ d’un rəw d’aw teḛ mee ŋgon ɓee lə njé gə́ Samari, gə mba gɔl loo-tée keneŋ.

Tel tura Godndu 1:2

Kḭ kaw Orɛb gə rəw gə́ dɔ mbal gə́ Seir ɓa teḛ Kades-Barnea ɓəi lé, a njaa as ndɔ dɔg-giree-kára ya doŋgɔ.

Tel tura Godndu 2:22

Njesigənea̰ ra togə́bè ya to ar ŋgalə Esawu gə́ d’isi ne loo gə́ Seir, loo gə́ yeḛ tɔl Hɔrije keneŋ no̰ dee’g ya̰ loo ar dee d’isi tor dee’g saar teḛ ɓogənè.

Tel tura Godndu 2:5

Maji kar sí saŋgje sə dee ta el, mbata m’a kar sí né mee ɓee’g lə dee neelé el, loo gə́ ka̰ kila dabla gɔl keneŋ ya kara m’a kar sí el mbata mbal gə́ Seir lé ma m’ar Esawu gə́ né kea̰-yeḛ mba̰.

Jujé 13:30

Dɔ naŋg ɓee lə dee un kudee Mahanayim ləm, gə Basan lai ləm, gə ɓeeko̰ lə Ɔg, mbai gə́ Basan lai ləma, gə ɓee-kogoje gə́ Jayir lai gə́ wɔji dɔ Basan lé ləm tɔ, ar ɓee-booje gə́ keneŋ d’aḭ rɔ-misa̰.

Jujé 24:4

Ma m’ar Isaak oji Jakob gə Esawu ləm, m’ar Esawu mbal gə́ Seir gə́ né kea̰-yeḛ, nɛ Jakob gə ŋganeeje ɓa d’aw Ejiptə tɔ.