Gḭ-Néje 32:1 - Maktub gə́ To gə Kəmee

¹ Laba̰ ḭta gə ndɔ rad ndá il ɓɔl ŋganeeje gə́ diŋgam gə njé gə́ dené ləm, tɔr ndia dɔ dee’g ləm tɔ. Tɔɓəi yeḛ ɔd mba tel kaw loo-siée’g gogo.

Gḭ-Néje 32:1 ပူးပေါင်းရင်းမြစ်များ

Gḭ-Néje 18:33

Loo gə́ Njesigənea̰ tɔl ta gə́ yeḛ ula Abrakam lé bém ndá yeḛ ɔd aw. Abrakam kara tel aw loo-siée’g tɔ.

Gḭ-Néje 24:60

Deḛ tɔr ndu dee dɔ Rebeka’g d’ulá pana: Ǝi i gə́ to kɔnan sí lé Maji kari tel to ko̰ ginkoji dəwje gə́ bula digi-digi ləm, Maji kar ŋgakaije taa tarəwkɔg lə njéba̰je lə dee gə́ né ka̰ dee-deḛ ya ləm tɔ.

Gḭ-Néje 31:28

I ɔgm loo kil ɓɔl ŋganəmje gə́ diŋgam gə njé gə́ dené tɔ. Né gə́ i ra səm lé to kula mbə ya.

Pakɔsje 34:7

Loo gə́ njenékəmndoo no̰ wəl ndá Njesigənea̰ oo ndia ya Tɔɓəi yeḛ ɔree ne dan néurtije’g ləa lai.

Pakɔsje 91:11

Mbata yeḛ a kun ndia kar kuraje ləa gə́ dara kwɔji ne dɔi Gə mba kar dee tɔs kəm dee dɔi’g loo-kabije’g lai ya.

1 Njé gə́ Kɔrḭtə 3:22

lé Pool əsé Apolɔs əsé Képas, əsé naŋg nee, əsé kisi gə kəmə, əsé kwəi əsé néje gə́ to gən, əsé néje gə́ d’a gə ree.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

Ǝbrəje 1:4

Togə́bè ɓa yeḛ ur dɔ dəwje gə́ dara ləm, ria gə́ yeḛ iŋga gə́ nédɔji kara ur dɔ ri dee-deḛ’g nja ləm tɔ.