Gḭ-Néje 3:5 - Maktub gə́ To gə Kəmee

⁵ Nɛ Ala gər gao to gə́, mee ndɔ gə́ seḭ a sɔje ndá kəm sí a kinja ləm, seḭ a toje asəna gə Ala bèe gə mba gər ne né gə́ maji gə né gə́ majel ləm tɔ.

Gḭ-Néje 3:5 ပူးပေါင်းရင်းမြစ်များ

Gḭ-Néje 2:17

Nɛ kag gə́ wɔji dɔ gər né gə́ maji əsé né gə́ majel lé i a sɔ ka̰dee el mbata mee ndəa gə́ i a sɔ ka̰dee ndá i a kwəi ya.

Gḭ-Néje 2:9

Njesigənea̰ Ala ar kagje gə́ gə gel dee gel deḛ lai d’uba dɔ naŋg’d lé, njé gə́ maji kəm dəw’g ləm, gə njé gə́ maji gə́ ka̰ sɔ ləm tɔ. Kag kəmə lé to dan loo-ndɔ’g lé dana bab ləm, kag gə́ wɔji dɔ gər né gə́ maji əsé né gə́ majel kara to keneŋ ləm tɔ.

Gḭ-Néje 3:10

Yeḛ ilá keneŋ pana: Ma m’oo ndui gə́ ɓar mee ndɔ’g ndá ma m’ɓəl yaa̰ mbata m’aar gə kudum dum ba, yee ɓa ma m’iya ne rɔm gə mbəa.

Gḭ-Néje 3:22

Njesigənea̰ Ala pana: Aa ooje, dəw lé tel to tana gə yeḛ gə́ kára mbuna síjeḛ’g bèe mba gər né gə́ maji gə né gə́ majel. Ɓasinè, ar sí j’ɔgeeje loo nà a kula jia mba ti ne kandə kag-kəmə ləm, a sɔ ka̰dee ləma, a kisi ne kəmba gə no̰ ləm tɔ.

Gḭ-Néje 3:7

Yen ŋga deḛ joo bɔr lé kəm dee inja ar dee d’oo to gə́ kudu dee to dum ndá deḛ d’uru kam kodé ta na̰’d ra gə́ kubu tɔ kudu dee’g.

1 Mbaije 22:6

Mbai gə́ Israɛl mbo̰ njéteggintaje ləa as tɔl-sɔ (400) jén bèe ndá yeḛ dəji dee pana: See m’a kaw rɔ gə njé gə́ Ramot gə́ dɔ naŋg gə́ Galaad lé əsé m’a kaw el wa. Deḛ d’ilá keneŋ pana: Aw ya ndá Mbaidɔmbaije a kya̰ dee meḛ ji mbai’g ya.

2 Sôrta Gḭka Israɛlje 32:15

Maji kar sí arje Ejekias su kəm sí el ləm, maji karee ndɔr sí gée’g togə́bè el ləm tɔ. Maji kar sí ɔmje meḛ sí dəa’g el. Mbata magə lə ginkoji gə́ rara əsé ɓeeko̰ gə́ rara gə́ askəm kɔr dəwje ləa jim’g əsé ji bɔmje’g lé godo ŋga, ɓəd ɓəi ɓa Ala lə sí ŋga ɓa see a kɔr sí jim’g wa.

Pakɔsje 12:4

Deḛ gə́ ta dee teḛ pata gə́ rii lé Maji kar Njesigənea̰ ar dɔ ta dee udu ləm, Deḛ gə́ ndo̰ dee teḛ gə ta beeléje lé kara Maji karee ar ta dee udu rub ləm tɔ.

Teḛ-Raga 20:7

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ri Njesigənea̰ pəd-pəd as né loo lé yeḛ a lal kar bo̰ nérea ɔs təa’g el.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Esai 14:14

I a kal kaw dɔ sém loo-kil-lə-ndi gə́ tar ləm, I a tana gə Njekurdɔloo’g ləm tɔ.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Ejekel 28:12

I ŋgon-dəw lé, un pa no̰ ndòo mbai gə́ Tir! A kulá pana: Mbaidɔmbaije gə́ Njesigənea̰ pa togə́bè pana: I ya gə́ nékwɔji maji kɔr njoroŋ lə né ləm, kəmkàr taa rɔi pəl-pəl ləma, i maji péd-péd ləm tɔ.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 28:9

No̰ njetɔli’g lé see i a pana: I to Ala nja tɔɓəi wa. I a to dəw ɓó a to Ala meḛ ji yeḛ gə́ a tɔli’g lé el.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

Matiyo 6:23

Nɛ ɓó lé kəmi to bibli ndá darɔi bura kara si dan loondul’g tɔ. Ɓó lé lookàr gə́ ar darɔi sa rəw lé tel to bigim ndá i si dan loondul’g gə́ ndul kɔl-kɔl’g tɔ.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

Loo gə́ killa rea kəm Ja̰’g 13:14

Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ.

Loo gə́ killa rea kəm Ja̰’g 13:4

Deḛ d’wa dakɔb lé meḛ dee’g mbata yeḛ ar da lé siŋgamoŋ, tɔɓəi d’wa da lé meḛ dee’g pana: See na̰ ɓa as gə da lé wa. See dəw gə́ ra ɓa askəm rɔ səa wa.

Njéga̰g-Rəwtaje 3:2

Né kára gə́ yeḛ ndigi lé to mba ndoo Israɛlje gə́ njékorè goo deeje kar dee gər loo-rɔ gə mba ndoo ne deḛ gə́ gər loo-rɔ kédé el lé.