Gḭ-Néje 3:4 - Maktub gə́ To gə Kəmee

⁴ Yen ŋga li ula dené lé pana: Seḭ a kwəije nda̰ el.

Gḭ-Néje 3:4 ပူးပေါင်းရင်းမြစ်များ

Gḭ-Néje 3:13

Njesigənea̰ Ala dəji dené lé pana: See ban ɓa i ra togə́bè wa. Dené lé ilá keneŋ pana: Li ɓa su kəm am m’usɔ ya.

Gḭ-Néje 3:3

Nɛ kag gə́ aar dan ndɔ’g dana bab lé Ala pana: J’a sɔ ka̰dee nda̰ el ləm, j’a kɔrɔ rəa gə ji sí nda̰ el ləm tɔ nà j’a kwəi.

2 Mbaije 1:16

Yeḛ ulá pana: Njesigənea̰ pa togə́bè pana: Mbata kula gə́ i ula njékulaje ar dee d’aw dəji Baal-Jebub, magə lə Ekro̰je ta to gə́ lə Ala gə́ kəm dəjee ta godo ɓee lə Israɛlje bèe neelé, dɔ tira gə́ i to keneŋ lé i a kḭ keneŋ kur naŋg el ŋga, i a kwəi kən ya.

2 Mbaije 1:4

Gelee gə́ nee ɓa Njesigənea̰ pa ne togə́bè pana: Dɔ tira gə́ i to keneŋ lé i a kuba naŋg kḭ tar el mbata i a gə kwəi ya. Tɔɓəi Eli ɔd aw.

2 Mbaije 1:6

Deḛ d’ilá keneŋ pana: Dəw kára ya iŋga sí ula sí pana: Gə́ telje awje rɔ mbai’d gə́ ula sí lé uláje pajena: Njesigənea̰ pa togə́bè pana: See Ala lə Israɛlje godo ɓa i ula sí rɔ Baal-Jebub’d gə́ to magə gə́ Ekro̰ lé wa. Gelee gə́ nee ɓa dɔ tira gə́ i to keneŋ lé i a kuba naŋg keneŋ kḭ tar el mbata i a gə kwəi ya.

2 Mbaije 8:10

Elije ilá keneŋ pana: Aw ulá pana: Tɔgərɔ, rɔko̰ lé a kya̰’i ya! Nɛ Njesigənea̰ ulam to gə́ yeḛ a kwəi ya.

2 Sôrta Gḭka Israɛlje 18:21

M’a teḛ raga ndá m’a to ndil gə́ njetaŋgɔm ta njéteggintaje’g ləa lai ya. Njesigənea̰ ulá pana: I a kəree ya ndá a dumee tɔ. Maji kari teḛ aw ra togə́bè ya.

Pakɔsje 10:11

Yeḛ ə̰ji ta mée’g pana: Mee Ala wəi dɔ néra neḛ’g. Kəm Ala libi dɔ’g ɓó yeḛ oo nda̰ el.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

2 Njé gə́ Kɔrḭtə 2:11

mba kya̰ ne loo kar Njekurai tel ne dɔ sí wagəsa el mbata yeḛ lé jeḛ n’gər goso ləa gao ya.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.

1 Timote 2:14

Tɔɓəi Adam ɓa taa ta kər neelé kédé el nɛ dené ɓa d’əree d’aree taa ta sula neelé ar kalta wa ne dəa.