Gḭ-Néje 3:18 - Maktub gə́ To gə Kəmee

¹⁸ Naŋg lé a kinja gə kunje gə ŋgarje kari, Tɔɓəi kam néje gə́ mee ndɔ’g a to gə́ nésɔi tɔ.

Gḭ-Néje 3:18 ပူးပေါင်းရင်းမြစ်များ

Gḭ-Néje 3:17

Yeḛ ula Adam lé pana: Mbii gə́ i uru oo ne ta lə dené ləi ləm, gə sɔ gə́ i sɔ kandə kag gə́ m’un ndum m’ari m’ɔgi ne dɔ’g lé m’pana: I a sɔ nda̰ el ləm tɔ lé Ndá ndɔl wa dɔ naŋg nee mbata ləi ya. I a koo ndòo ɓa i a kiŋga ne nésɔi keneŋ Ndɔje kára-kára lai gə́ i aw ne kəmba lé.

Gḭ-Néje 3:19

I a kinja təd ŋgo nɔḭ’g bur ɓa A sɔ né ɓəi Saar i a kandə ne naŋg gogo Loo gə́ i ḭ keneŋ lé, Mbata i to nduji naŋg Ndá i a tel to nduji naŋg gogo ya tɔ.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Maktub gə́ wɔji dɔ Jɔb 31:40

Maji kar kunje ɓa uba taa tor wa lé ləm Maji kar haowa ɓa taa tor kó-ɔrj lé ləm tɔ. Rudu ta lə Jɔb ŋga.

Maktub gə́ wɔji dɔ Jɔb 5:5

Njéɓooje d’o̰ kó ləa mbad-mbad Saar teḛ mee kunje’g ləm, Dəwje gə́ malee o̰ meḛ dee lém-lèm lé Turu némajije ləa meḛ dee’g mag-mag ləm tɔ.

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pakɔsje 90:3

I ar dəwje tel to nduji naŋg ndá ula dee pana: Seḭ dəwje lé telje gə́ loo-kḭ sí’g.

Gosota-Kəmkàrje 22:5

Kunje gə gumje to rəw-kaw njera nékori-kori’g, Yeḛ gə́ aa dɔ kankəmrea ndá unda rəa keneŋ ɓad.

Gosota-Kəmkàrje 24:31

Tɔɓəi aa oo, kunje d’ḭ taa loo keneŋ pəl-pəl ləm, Gərgə̰dje siŋ na̰ keneŋ siŋ-siŋ ləma, Ndògo gə́ d’unda gə kɔr mbal lé kara Jura naŋg ləm tɔ.

Esai 32:13

Gə dɔ naŋg lə koso-dəwje ləm Gə́ kunje gə kun-pɔrɔrɔje d’uba keneŋ ləma, Gə dɔ kəije lai gə́ kédé maji yaa̰ Mee ɓee-boo gə́ to ɓee-rɔlel lé ləm tɔ.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Esai 7:23

Mee ndəa’g neelé Looje lai gə́ kag-nduú a to keneŋ tɔl-dɔg (1.000) Gə́ gad dee as larnda tɔl-dɔg (1.000) lé D’a kya̰ kar kunje gə ŋgarje tur dɔ dee.

Esai 7:24

Dəw a kandə keneŋ Gə kandə ɓandaŋgje gə kageeje ɓa Mbata mee ɓee lai lé a to kunje gə ŋgarje ya doŋgɔ.

Jeremi 12:13

Deḛ dubu kó nɛ kun ɓa d’inja ləm, Deḛ dao ne dao-dao lal kiŋga né keneŋ ləm tɔ. Maji kar sí naije gə rɔkul dɔ né gə́ seḭ injaje’g Gə goo oŋg lə Njesigənea̰ gə́ taa pər lam-lam lé.

Jeremi 4:3

Mbata Njesigənea̰ ula Judaje Gə njé gə́ Jerusalem pana: Tugaje loo-ndɔje lə sí gə́ sigi Ɓó dubuje né mee kunje’g el.

Matiyo 13:7

Yee gə́ na̰je teḛ pə wa naŋg mee kun’g, ar kun ḭ dəb dəa’g aree kas ker-ker.

Njé gə́ Rɔmə 14:2

Dəw kára oo rəa askəm sɔ néje lai nɛ dəw gə́ raŋg gə́ tɔg el ɓəi lé mbi kam ɓa yeḛ sɔ ya.

Ǝbrəje 6:8

Nɛ ɓó lé naŋg a kinja gə kun əsé kiro ndá yeḛ a rəm gə ndia dəa’g mba manee ne ləm, a to gə́ né gə́ ka̰ roo ləm tɔ.

Jujé 23:13

maji kar sí gərje gao, Ala lə sí gə́ Njesigənea̰ a tuba ginkoji dəwje gə raŋg neelé no̰ sí’g kəmee gə́ kédé-kédé el, nɛ d’a tel to gə́ ba̰də əsé gum kwa sí ləm, gə ndəi kunda sí ləma, gə kunje gə́ tɔs kəm sí ləm tɔ, saar kar sí tujije ne mee ɓee gə́ maji gə́ Njesigənea̰, Ala lə sí ar sí lé ya.